Revelation 13:3 - Patamuna New Testament Revised

³ Molopai ippai tonpa wàsak wechippù telikkase kasa, tùse àsà iwàsak elikkanài yek uchipittàsak wechippù. Tamù'nawolon kon non pon kon kappon yamùk usenumenkasak kulu wechippù molopai iwenaimappù tok uya.

Revelation 13:3 ပူးပေါင်းရင်းမြစ်များ

Luke 2:1

Màlà yattai Ceasar Augustus uya tùmaimu yeunokoppù màlà tamù'nawolon kon uya tesek kon menuka toppe.

John 12:19

Pharisee yamùk uya tùtonpa kon pàk, “Masa yenkà, ikupù'nokon pe pùla kulu man, Masa yentàk kon! Tamù'nawàlà wolù yawon kon utàkassak ya'là!” teppù.

Yeunossak kon Wotokoyi 8:13

Simon uya nàlà ailon teppù. Molopai tùusenpatauka tùpo mei pùla Philip piyau iwechippù. Molopai ichenumenkasak wechippù, yà'làlà tensan yekkwa ton pen wakù ton wekkupù yene tùuya pàk.

Revelation 13:12

Eke apàikkek wapiyalok àsà ene yapàikketù yapulàppù ya itemlotopo. Non molopai tamù'nawolon kon yau tùwemassan yeka'nonkappù ya wapiyalok àsà ene yemloto po tok wepeimatoppe, mùkkàlà àsà pe iwàsak elikkanài yek pe uchipittàsak lùppù.

Revelation 13:14

Tamù'nawolon kon kappon yamùk non po tùwemassan yennakappù ya tensen yekkwa pen kuttok tùuya winà, tùlepatok ikuttoppe tùuya wapiyalok àsà ene yemloto po. Pùsàlà yakon àsà ene uya tamù'nawolon kon kappon yamùk non pon kon pàk yekamappù, wapiyalok àsà ene kasa ikonekatoppe tok uya, yapulà pe mùkkàlà iwàsak lùppù asa'lon yà kasupala ke tùse iwennasak lùppù.

Revelation 17:10

5 pe tok we'nonkasak man, tewinan tok tonpa kin pe lùppù man, molopai tùulon nùppù molo man iyàssak pùla, iyàssak yau tachin pe pùla iko'mamù màlà.

Revelation 17:11

Molopai àsà ene nulà iwessak lùppù, tùse molo pùla nen uchi nai'nùk, mùkkàlà 8 pe iku'nài kin wapiyalok kon 7 pan kon tonpa, molopai tùutàsen woton tùmattanùttok yak.

Revelation 17:13

Pùsamlo 10 pan kon wechi màlà tamù'nawàlà tewin ichenumenkatok, molopai tùmeluntàlù kon molopai tapàikketù kon tùlù màlà tok uya àsà ene yemyak.

Revelation 17:17

Masapùla Katù uya tok yewan yak itùsak wechi màlà iche tùwettok kuttoppe tok uya, tewin ichenumenkatok tùwelaikatok kon yau, molopai àsà ene yemyak tùmeluntàlù kon tùlù tùuya'nokon itepulu pe iwettok pe yau, Katù uselupatok lùppù wekkupù ponalà.

Revelation 17:6

Molopai yeneppù uya nossan wetùnsak Katù ponalok kon kappon yamùk mùnù ke. Molopai mùkyamlo iwàsak kon nùssan mùnù ke, masapùla ailon pe tok wessak Jesus pàk wenai. Yensak uya yau usenumenkasak kulu wechippù.

Revelation 17:8

Àsà ene menpàssai'nùk wechippù màlà molo, tùse molo pùla nen uchi iwechi màlà. Iiyàpù i'nauwon iteuta yapai winàkàik man molopai iità màlà tùmattanùttoppe. Kappon yamùk non po tùwemassan itesek imenukasak kon pen wema'nàtok yapon kaleta yau, non wepyattà motapai, usenumenka kulu màlà tamù'nawàlà, àsà ene yene tùuya'nokon yau. Masapùla nulà iwechippù màlà, tùse nulà pùla nen uchi iwechi, molopai ichenpoika tu'ma màlà.