Revelation 13:1 - Patamuna New Testament Revised

¹ Màlàyau àsà ene usenpo palau kapai yeneppù uya. 10 pe iletù wechippù molopai 7 pe ippai, alok wechippù iletù yamùk pàk, ikaichalà. Àli esek Katù talumattàtok menukasak wechippù ikaichalà ippai yamùk pàk.

Revelation 13:1 ပူးပေါင်းရင်းမြစ်များ

Revelation 11:7

Tùnekama kon yekamakassak tok uya yau, àsà ene tùuyàssen i'nawon iteuta yapai uya tok panta'ma màlà. Tok yentaika ya màlà molopai tok wànà ya.

Revelation 12:3

Tùulon yentok ipàkàlà usenpoikappù màlà epùn po. Molo iwechippù Eke, ichuweyu lùmà ulupelu, 7 pe ippai wechippù molopai 10 pe iletù yamùk, molopai alok wechippù ippai yamùk po.

Revelation 13:11

Molopai nàlà tùulon àsà ene wepakka non yapai yeneppù uya màlà. Asa'là iletù iwechippù kalinilu mule letù kasa, molopai ichelupappù ulupelu kasa.

Revelation 13:14

Tamù'nawolon kon kappon yamùk non po tùwemassan yennakappù ya tensen yekkwa pen kuttok tùuya winà, tùlepatok ikuttoppe tùuya wapiyalok àsà ene yemloto po. Pùsàlà yakon àsà ene uya tamù'nawolon kon kappon yamùk non pon kon pàk yekamappù, wapiyalok àsà ene kasa ikonekatoppe tok uya, yapulà pe mùkkàlà iwàsak lùppù asa'lon yà kasupala ke tùse iwennasak lùppù.

Revelation 13:15

Yakon àsà ene lepasak wechippù apàikkek ke we'netukkantok tùtoppe ya wapiyalok àsà ene kasa ikonekasak yak iichelupatoppe molopai tamù'nawolon kon tapulànnan pen wàtoppe ya.

Revelation 15:2

Molopai awai'nan pottolo walai palau yeneppù uya, yoi'masak apok ke. Yeneppù uya tu'ma mùkyamlo àsà ene yentaikannan nùssan molopai ikasa ikonekasak, molopai mùkkàlà itesek nonpayi itùsak lùppù yentaikannan nùssan. Satippe tok wechippù palau wanamali kasa tùusensen piyau, tewa ke'nan tùwayi kon yachi pàk tok wechippù màlà Katù uya tùlepatok kon.

Revelation 16:13

Màlàyau àsolùwawon kon àli ton akkwalù yamùk yeneppù uya, pàlàtuku kasa'ne tok wepakka ulupelu mùta yapai, àsà ene mùta yapai, molopai iwalai pen itekale yekamanài mùta yapai.

Revelation 17:16

Àsà ene molopai 10 pan iletù yamùk meneinùk uya, nossan, kàyik yamùk yemyak tùwechilanmasen yeya'noma màlà, tok uya tamù'nawà itesak pe iwettok yalà màlà molopai tok uya inàmà ipon pùla, tok uya ipun yanù màlà molopai imattanùpù tok uya apok ke.

Revelation 17:3

Wakù Akkwalù uya uyachippù màlà, molopai inchelù uya uyalàppù wontaik yak. Molo nossan yeneppù uya chichiu pe, ichuweyu àsà ene po, molopai mùkkàlà wechippù 7 pe ippai molopai 10 pe iletù, àli ton esek yamùk menukasak Katù talumattà pe wechippù ipolo.

Revelation 17:5

Ipeyeppà pàk esek menukasak wechippù tùttusen pen, “Eke Babylon, tamù'nawolon kon kàyik yamùk yemyak tùwechilanmasan molopai àli ku'nàinan non pon kon yan,” tawon.

Revelation 19:19

Màlàyau yeneppù uya àsà ene molopai non pon kon kin yamùk molopai tok wepanta'ma tonpa yamùk wepilipùppù epanta'mase kawale pon winàkàik molopai iwepanta'ma tonpa yamùk winàkàik.