Revelation 12:9 - Patamuna New Testament Revised

⁹ Eke ulupelu lùmà yenu'mappù màlà, mùkkàlà penalok àkài, Makui wapùla Settan itesek, tamù'nawolon kon kappon yamùk non pon kon yennakanàippù. Yenu'mappù màlà non pona tamù'nawàlà itinchelùyi yamùk pokonpe.

Revelation 12:9 ပူးပေါင်းရင်းမြစ်များ

Matthew 13:39

Molopai eyaton àlitta pànnàippù mùkkàlà Tepùlù. Pili'nàtok yattai màlà, pata weyu wenukattok, molopai pili'nàinan mùkyamlo inchelù yamùk,” tukaik.

Matthew 24:24

Masapùla ailon pen Christ molopai ailon pen itekale yenpoikannan usenpoika màlà. Eke ton wotoko molopai enumenkanài kupù tok uya màlà yanùnsak kon yennakatoppe tùuya'nokon, tok yennaka tùuya'nokon pe iwechi yau.

Matthew 25:41

“Màlàyau nen uchi tùkamikù winon kon pàk, ‘Itàtàk kon uwinàpai, amyamlo ipa'nù'nàssak kon! Itàtàk kon tàwàlàlà tùuyassen apok yak, ikonekasak lùppù Tepùlù molopai itinchelùyi yamùk ponaloppe yak!

Matthew 4:1

Màlàyau Wakù Akkwalù uya Jesus yalàppù wontaik yak ittutoppe Makui uya.

Matthew 4:10

Màlàyau Jesus uya yeikuppù, “Itàkà uwinàpai, Settan! Katù Maimu màlà, ‘Itepulu Akatùyi yapulàkà, molopai iponaloppe neken e'wotokomakà!’ tawon,” tukaik. {Deu 6.13}

Matthew 4:5

Màlàyau Makui uya Jesus yalàppù màlà Wakù esukenan Pata pona, molopai yalàppù ya kawon kulu Katù Yùwùk ipu pona.

Matthew 4:8

Màlàyau nen uchi Makui uya Jesus yalàppù kawon kulu wùk pona, molopai tamù'nawolon itepulu pe itepoi we'nàtok non pon kon yenpoikappù ya, molopai eke pe màlà yamùk wettok yau.

Luke 10:18

Jesus uya tok yeikuppù, “Settan wepuka tentai pata wekamlippù kasa Epùn poi.

Luke 13:16

Talàichi man Abraham pa lùppù Settan nachippù lùppù pe 18 pe kilichimochi. Imokka pen ken na' uchi màlà yachitok yapai Jew yamùk wàlàkkattok yattai?” tukaik.

Luke 22:3

Màlàyau Settan wewomùppù Judas yak, 12 pan kon Jesus ya'lon kon tonpa Iscariot tetok ipàk yak.

Luke 22:31

“Simon, Simon! Masa yetakà! Settan uya eyennasak kon man eyittu tok kon pe tùuya tamù'nawàlà, umà pànnài uya àlichi walai yasuka ipippà winàpai kasa.

Luke 8:12

Tùpànsen iwessolokasak lùppù asantawà uya yekama màlà, mùkyamlo Katù Maimu yetan nan. Tùse Tepùlù mùkkàlà tùuyàssen molopai itekale mokkanài tok yewan yapai, ailon te tok uya molopai tok wepùikattà tukaik.

John 12:31

Sàlàichi màlà sàlà wolù yawon kon kappon yamùk ittutok weyu. Molopai sàlà peichi sàlà wolù yepulu yenpakka màlà,” teppù.

John 14:30

Màlà yentak lùiwa àpokonpe' nokon uselupa pen sàlà, masapùla sàlà wolù yepulu nùyàssan. Tùse uyentaino pen imeluntàlù mùkkàlà.

John 16:11

Tok usenumenkatok ikasa pùla man talumattàntok pàk, masapùla sàlà wolù yepulu talumattàsak pàk.

John 8:44

“Àkàipùnù kon Makui, ponalok kon amyamlo, molopai iche iwettok ku'nàinan. Iweppyattàppù motapai wànài pe iwessak màlà molopai kasei pe, masapùla ailon pùla iwechi màlà, yau. Kasei pe iichelupa yau iteselu màlà, masapùla kasei mùkkàlà molopai kasei kàipùnù.

Yeunossak kon Wotokoyi 26:18

Àmàlà wechi màlà tok yenu yakkokanài pe molopai tok lattànài pe ewalupà winàpai akkwa winàkàik, molopai Settan meluntàlù winàpai Katù winàkàik, ailon tetok tùuya'nokon uyau yai tok uya usentuppantok tùmakuyi kon pàk yepotoppe molopai wakù ton yepotoppe tok uya Katù nanùmùssan kùlottau,’ teppù Jesus uya upàk,” teppù Paul uya tok pàk.

Yeunossak kon Wotokoyi 5:3

Peter uya, “Ananias, yà'là peichi iwechi pàk Settan uya eyewan yanùkkasak màlà, aukaseita pa Wakù Akkwalù winàkàik. Umà yepeppù pe enepoloppù pùlayatta tonpa kupù tùpo àponalok pe?

Romans 16:18

Masapùla mùkyamlo yekkwa ton wechi Katù poitolù pe pen màlà, tùse tesak kon wettok neken iche pàk tok usenumenka. Wakù pe tùuselupatok kon winà molopai ennakan pe uselupantok ke ittunnan pen yennakanàinan.

Romans 16:20

Molopai Katù, echitonpa pe we'nàtok yesak uya sàlà peiwa Settan yamokklopù màlà atta kon yo'no. Wakù pe we'nàtok kùyepulu Chisek winàpaino wechi apyau'nokon màlà.

2 Corinthians 11:14

Enumenkanài pùla iwechi màlà, masapùla Settan lànen mùkkàlà tùwepontàsen pe akkwa inchelùyi kasa.

2 Corinthians 11:3

Usenalippayaik àkài uya Eve yennakappù kaseipe ennakantok tùuya ke kasa làma, tamù'nawàlà ailon molopai esuken ewettùtok kon Christ yemyak winàpai eusenumenkatok kon lattà yeselùkek iwechi pàk.

2 Corinthians 12:7

Sàlà yamùk eke ton kulu Katù nenpoikassan pàk eke pe utapulà tukaik iwinàpai uku'nài pe, àmà'nà ke ulepappù uyattùkanài pe. Màlà uyàpùppù màlà Makui winàpai utalumattàse.

2 Corinthians 2:11

Settan uya kùyentaika kon tukaik, masapùla ikupù pàk iwekkuttok ittu'nokon man.

2 Corinthians 4:4

Sàlà wolù yepulu uya ailon tawonnan pen usenumenkatok yewalumankasak màlà. Wakù Itekale yakkwayi Christ winàpaino yene tok uya tukaik, mùkkàlà uchi Katù usentok.

Ephesians 4:14

Màlàyau mule yamùk kasa welaikan kùsettakù'nokon. Kappon yamùk ennakantakù'nokon ailon pen pàk enupan tùuya'nokon ke, yà'là yekkwa ton nà enupantok tùuya'nokon ke aimelunpantak tok, meluntà assetun uya tàntànman kasa.

2 Thessalonians 2:3

Ànù'là eyennakatakù'nokon yà'là kasa là. Masa màlà Wei uyàpù pen màlà Katù yeyatonnon yesak usenpoika ponalà, mùkkàlà itùlù woton inmattatoppe.

1 Timothy 2:14

Molopai Adam pen mùkkàlà yennakasak lùppù; ulichan làkku mùkkàlà yennakasak lùppù molopai Katù Maimu ikkwà'nàippù.

2 Timothy 3:13

Àli ton kappon yamùk molopai tùusennakasan wena àli pe tùwettok kon yapai àli peiwa tùse, tùulon kon yennakai'ma tùulon kon uya tennkatok ke.

Hebrews 2:14

Kùmyamlo kappon yamùk wechi màlà tùpun ke molopai tùmùnù ke, màlàpàk Jesus wenappù nàlà màlà kùkasa'nokon. Iwelikùppù màlà Makui mattanùttoppe tùuya, mùkkàlà, weli'nàtok meluntàlù yesak.

1 Peter 5:8

Tùttuik ettàk kon enpen ettàk! Masapùla eyeyaton kon, Makui, tùusalà pàk man, tùtàwùsen palauya kasa, ànù'là iwa pàk tùneuno'ma woton.

1 John 5:19

Ittu'nokon man Katù munkà pe we'nà, tamù'nawàlà lànen wolù wechi Mùkkàlà Ene Makui wettok itepulu pe yo'no tùse.

Jude 1:9

Inchelù yamùk yepulu, Michael uya sàlà kussak pùla iwechi màlà. Tepùlù pokonpe tùusàulàma kon pe tùuselupa kon Moses yàkàpù pàk yau, Michael usenalippappù màlà. Tepùlù mottùnpappù ya pen, tùse, “Itepulu uya àyàulàma màlà,” teppù ya.

Revelation 12:12

Màlàpàk uchi atauchinpakà epùn, molopai amyamlo tamù'nawolon kon molo yau tùwemassan! Tùse àsà pe iwechi màlà non molopai palau pona! Masapùla Makui uttàsak man apyakù'nokon molopai iwanùssak man we'naikantok ke, masapùla mala kulu tùweyu wà'nànsak ittuyan,” teppù ya.

Revelation 12:3

Tùulon yentok ipàkàlà usenpoikappù màlà epùn po. Molo iwechippù Eke, ichuweyu lùmà ulupelu, 7 pe ippai wechippù molopai 10 pe iletù yamùk, molopai alok wechippù ippai yamùk po.

Revelation 12:7

Màlàyau wepanta'mantok wepyattàppù epùn po. Michael molopai yo'non kon inchelù yamùk uya ulupelu panta'mappù, mùkkàlà uya nàlà tok panta'mappù tiyinchelùyi yamùk pokonpe.

Revelation 12:8

Tùse ulupelu yentaikappù tok uya, molopai ulupelu molopai itinchelùyi yamùk kupùppù epùn po tok wettoppe pen nen uchi màlà.

Revelation 13:14

Tamù'nawolon kon kappon yamùk non po tùwemassan yennakappù ya tensen yekkwa pen kuttok tùuya winà, tùlepatok ikuttoppe tùuya wapiyalok àsà ene yemloto po. Pùsàlà yakon àsà ene uya tamù'nawolon kon kappon yamùk non pon kon pàk yekamappù, wapiyalok àsà ene kasa ikonekatoppe tok uya, yapulà pe mùkkàlà iwàsak lùppù asa'lon yà kasupala ke tùse iwennasak lùppù.

Revelation 16:14

Mùkyamlo wechippù màlà makui yakkwalù yamùk tensen pen ku'nàinan pe. Pùsamlo àsolùwawon kon àli akkwalù yamùk mùkyamlo tùutàsan tamù'nawolon kon kin yamùk non pon kon piyak, tok nesse tamùkke wepanta'mantok ponaloppe Eke wei, tewinan Katù, Mùkkàlà neken Meluntà weyu yattai.

Revelation 18:2

Iwentaimeppù eke pe, “Iwekkawai'masak man! Eke Babylon wekkawai'masak man! Imawali yamùk yùwùk molopai tamù'nawolon àli ton akkwalù yamùk patassek pe iwenasak man, molopai tamù'nawà ànùk yekkwa là àli ton molopai ewanma pe tùkussan tolon yamùk wemapù màlà yau.

Revelation 18:23

Yà'là yattai tu'ma là lanppu yakkwayi usene ayau pen màlà, tùwemali'masan ema'non molopai umoine tawonnan maimu useta ayau pen. Mamin chilanman nan molopai ye'mannan, àponalok kon wechippù kulu màlà eke pe tamù'nawàlà sàlà non po, molopai epiyassanù ke tamù'nawàlà kappon yamùk non pon kon yennakappù auya,” teppù ya nàlà.

Revelation 19:20

Àsà ene yachippù màlà, tamùkke iwalai pen itekale yekamanàippù pokonpe, mùkkàlà tensan pen yamùk ku'nàippù itemlotopo. (Màlà tensan pen yamùk winà màlà mùkyamlo àsà ene uya pattàntok yesak ton yennakappù ya, molopai àsà ene kasa ikonekasak yapulànnan nùssan.) Àsà ene molopai iwalai pen itekale yekamanàippù tawonnan yenu'mappù màlà asakklàma, nulà apok yak kulupala kasa tùkà'nùnsen pokonpe tùuyassen yak.

Revelation 2:13

“Ewemattok yau tùttuyaik, molo Settan yapon wettok imotau. Ailon pe lùppù messaik uyesek pàk, molopai ailon tetok auya upàk nonka auya pùn, Antipas yattai, ailon kulu upàk tùuselupasen iwàsak lùppù apata yau, molo Settan wemattok motau.

Revelation 2:24

“Tùse amyamlo nàlà tok tonpa yamùk Thyatira pon kon uya àli enupantok ya kupùppù pùla man, ‘Settan nùkupù tonantawon tukaik tùulon kon nesatù pàk eusenupasak kon pùla man. Tùulon tùpàlikasen tùlù uya tu'ma àpona'nokon pen màlà.

Revelation 2:9

Atalumattàtok molopai entuppak ewechi tùttuyaik. Tùse itemaminkek kulu àmàlà. Àli ton uselupantok kon ewinàkàik tùttuyaik Jew yamùk pe tùusesassan winà tùse Jew yamùk pe pùla echii'ma. Settan ponalok kon mùkyamlo.”

Revelation 20:10

Màlàyau Makui tok yennakanàippù, yenu'mappù màlà eke kulu apok molopai kulupala kasa tùkà'nùnsen yak, àsà ene molopai iwalai pen itekale yekamanàippù tawonnan yenu'mappù yak, molopai tok talumattà màlà weinai molopai ewalupàttau tàwàlàlà molopai tàwàlàlà.

Revelation 20:8

Molopai iità màlà tamù'nawàlà pata yawon kon non po iwetta'nùssak kon yennakase, Gog molopai Magog tawon. Settan uya màlà tok nepù tamù'nawàlà tamùkke epanta'mase, wepanta'mantok yak, tukke wàssàk palau yena pon kasa.

Revelation 3:9

Yetakà, mùkyamlo Settan ponalok kon mùkyamlo kasei ton, Ichu yamùk pe tukaik tùwekkussan Jew yamùk pe pùla echii'ma. Tok kupù uya màlà tok uyàttoppe eyemloto pona, tok wepeimatoppe ayapulà pe. Tamù'nawàlà à'nùnma kon uya ittutoppe tok uya.

Revelation 9:1

Màlàyau 5 pe tok ku'nài uya tùwayi tàulùnpappù. Chilùkà iwepukasak kak poi non pona yeneppù uya, ilepasak wechippù i'nawon iteuta kiyikkatok ke.

Revelation 9:20

Tok tonpassan apok, ikelechin molopai sulfur ke iwàsak kon pen, welattàppù pen màlà tùnkonekappù kon winàpai. Àli akkwalù pàk, molopai ikonekasak kon katù yamùk, kolù yapai, chilùpa, kalukuli walai, tàk, molopai yei yapai. Yà'làlà yennài nan pen, wapùla yà'làlà yetan nan pen, wapùla tùusasan pen pàk tùwepeimatok kon yeleutanùpùppù tok uya pen.