Revelation 12:4 - Patamuna New Testament Revised

⁴ Taukù ke itonpa pe chilùkà yamùk pàlàkappù ya kak poi 1/3 pe, molopai icholokappù ya non pona. Nossan mule ke iwentu winàkài'no yemlotopo iwechippù, imle yantoppe tùuya iwentukapù pe.

Revelation 12:4 ပူးပေါင်းရင်းမြစ်များ

John 8:44

“Àkàipùnù kon Makui, ponalok kon amyamlo, molopai iche iwettok ku'nàinan. Iweppyattàppù motapai wànài pe iwessak màlà molopai kasei pe, masapùla ailon pùla iwechi màlà, yau. Kasei pe iichelupa yau iteselu màlà, masapùla kasei mùkkàlà molopai kasei kàipùnù.

1 Peter 5:8

Tùttuik ettàk kon enpen ettàk! Masapùla eyeyaton kon, Makui, tùusalà pàk man, tùtàwùsen palauya kasa, ànù'là iwa pàk tùneuno'ma woton.

Revelation 12:7

Màlàyau wepanta'mantok wepyattàppù epùn po. Michael molopai yo'non kon inchelù yamùk uya ulupelu panta'mappù, mùkkàlà uya nàlà tok panta'mappù tiyinchelùyi yamùk pokonpe.

Revelation 12:9

Eke ulupelu lùmà yenu'mappù màlà, mùkkàlà penalok àkài, Makui wapùla Settan itesek, tamù'nawolon kon kappon yamùk non pon kon yennakanàippù. Yenu'mappù màlà non pona tamù'nawàlà itinchelùyi yamùk pokonpe.

Revelation 13:2

Mùkkàlà, uneneppù wechippù eke kaikuchi kasa. Itta wechippù bear pùta kasa molopai palauya mùta kasa inta. Ulupelu uya ilepasak wechippù tùmeluntàlù ke, tapon ke, molopai eke tapàikketù ke.

Revelation 13:4

Kappon yamùk uya ulupelu yapulàppù, masapùla tapàikketù tùsak ya itemyak pàk. Tok uya nàlà yapulàppù, “Ànùk ken pùsàlà àsà ene walai? Ànùk wepanta'ma ken iwinàkàik?” tukaik.

Revelation 16:13

Màlàyau àsolùwawon kon àli ton akkwalù yamùk yeneppù uya, pàlàtuku kasa'ne tok wepakka ulupelu mùta yapai, àsà ene mùta yapai, molopai iwalai pen itekale yekamanài mùta yapai.

Revelation 17:18

Nossan meneinùk màlà eke pata non pon kon kin yamùk yepoi tùwessen,” teppù.

Revelation 20:2

Ulupelu, mùkkàlà penalok àkài Tepùlù, wapùla Settan yachippù ya molopai yaulonsak ya wechippù 1000 pe kilichimochi.

Revelation 8:10

Màlàyau icholùwano inchelù uya tùwayi tàulùnpappù. Eke chilùkà ulenpansak apok uyatù kasa wepukappù kaupai, molopai iwepukappù tuna yamùk pùkkù molopai non yapai tùwepakkasan tuna kak 1/3 pe.

Revelation 8:11

(Chilùkà yesek màlà Maik.) Tuna yamùk pùkkù wenappù màlà maippe 1/3 pe molopai tukke kappon yamùk u'matùppù tuna tinchise. Tok wemaipasak ike, masapùla maippe iwenasak pàk.

Revelation 8:12

Màlàyau ichakùlà'no inchelù uya tùwayi tàulùnpappù. Wei pùkkù wànàppù 1/3 pe molopai kapùi pùkkù 1/3 pe, molopai chilùkà yamùk tonpa yamùk nàlà 1/3 pe, màlàpàk ipùkkù pe tok yakkwayi usà'nùpùppù, akkwa pe pùla iwechippù weinai 1/3 pe, molopai ewalupà pe kulu nàlà ewalupàttau 1/3 pe.

Revelation 8:7

Wapiyalok inchelù uya tùwayi tàulùnpappù. Tuna pun molopai apok, mùn ke yoi'masak, uyàpùppù tùwekkwamù pe non pona. Non pùkkù uyassak wechippù 1/3 pe, yuk yamùk pùkkù uyassak wechippù 1/3 pe, molopai tamù'nawàlà lola wanak uyassak wechippù.

Revelation 8:8

Molopai ite'mappù pokon inchelù uya tùwayi tàulùnpappù. Eke wùk kasa tùusensen uyatù apok ke yenu'mappù màlà palau kak. Palau pùkkù wenasak wechippù mùn pe 1/3 pe.

Revelation 8:9

Molopai tamù'nawolon kon nulànan kon ànùkyan nànan palau kawon kon tonpa yamùk welikùppù màlà 1/3 pe, molopai itonpa pe 1/3 pe kanau yamùk umattappù.

Revelation 9:10

Taukù ke tok wechippù molopai chipponài pe, malità uya chippontok yekkwa. Taukù kon ke kappon yamùk talumattàtok 5 pe kapùi kaichalà meluntàlù yesappe tok wechippù.

Revelation 9:19

Masapùla kawale yamùk meluntàlù wechippù màlà tok mùta yau molopai tok yaukù yau nàlà. Tok yaukù yamùk wechippù àkài yamùk kasa, tùppai ke'ne, molopai màlà yamùk yapulàppù tok uya kappon yamùk mattanùttoppe tùuya'nokon.