Revelation 12:3 - Patamuna New Testament Revised

³ Tùulon yentok ipàkàlà usenpoikappù màlà epùn po. Molo iwechippù Eke, ichuweyu lùmà ulupelu, 7 pe ippai wechippù molopai 10 pe iletù yamùk, molopai alok wechippù ippai yamùk po.

Revelation 12:3 ပူးပေါင်းရင်းမြစ်များ

Revelation 12:1

Molopai nen uchi eke yentok ipàkàlà usenpoikappù epùn poi. Nossan wechippù màlà molo, ipon wechippù wei molopai kapùi wechippù itta yo'no, molopai 12 pan chilùkà yamùk ipokon alok wechippù ippai pàk.

Revelation 12:13

Ulupelu uya tenu'masak non pona ittusak yau, nossan mùkkàlà walawok muleppù ke iwentusak lùppù wenaimappù imattanùsse.

Revelation 12:17

Màlàyau ulupelu we'naikasak kulu wechippù màlà nossan pàk. Molopai iitàppù imle tonpassan panta'mase, tamù'nawolon kon Katù uya enupantok maimu yawolon kon, molopai ailon Jesus winà yenpoikasak lùppù pàk ailon pe tùwessan panta'mase.

Revelation 12:4

Taukù ke itonpa pe chilùkà yamùk pàlàkappù ya kak poi 1/3 pe, molopai icholokappù ya non pona. Nossan mule ke iwentu winàkài'no yemlotopo iwechippù, imle yantoppe tùuya iwentukapù pe.

Revelation 12:7

Màlàyau wepanta'mantok wepyattàppù epùn po. Michael molopai yo'non kon inchelù yamùk uya ulupelu panta'mappù, mùkkàlà uya nàlà tok panta'mappù tiyinchelùyi yamùk pokonpe.

Revelation 12:9

Eke ulupelu lùmà yenu'mappù màlà, mùkkàlà penalok àkài, Makui wapùla Settan itesek, tamù'nawolon kon kappon yamùk non pon kon yennakanàippù. Yenu'mappù màlà non pona tamù'nawàlà itinchelùyi yamùk pokonpe.

Revelation 13:1

Màlàyau àsà ene usenpo palau kapai yeneppù uya. 10 pe iletù wechippù molopai 7 pe ippai, alok wechippù iletù yamùk pàk, ikaichalà. Àli esek Katù talumattàtok menukasak wechippù ikaichalà ippai yamùk pàk.

Revelation 13:2

Mùkkàlà, uneneppù wechippù eke kaikuchi kasa. Itta wechippù bear pùta kasa molopai palauya mùta kasa inta. Ulupelu uya ilepasak wechippù tùmeluntàlù ke, tapon ke, molopai eke tapàikketù ke.

Revelation 13:4

Kappon yamùk uya ulupelu yapulàppù, masapùla tapàikketù tùsak ya itemyak pàk. Tok uya nàlà yapulàppù, “Ànùk ken pùsàlà àsà ene walai? Ànùk wepanta'ma ken iwinàkàik?” tukaik.

Revelation 15:1

Màlàyau tùulon eke molopai enumenkanài, tensan yekkwa pen yeneppù uya màlà epùn yau, 7 pe inchelù yamùk wechippù màlà, 7 pan talumattàntok pokon pan kon. Sàlà yamùk màlà tewinanùppù talumattàntok, masapùla màlà yamùk ke Katù we'naikatok wenukapù màlà.

Revelation 16:13

Màlàyau àsolùwawon kon àli ton akkwalù yamùk yeneppù uya, pàlàtuku kasa'ne tok wepakka ulupelu mùta yapai, àsà ene mùta yapai, molopai iwalai pen itekale yekamanài mùta yapai.

Revelation 17:12

“10 pan kon letù yamùk meneinùk mùkyamlo 10 pan kon kin yamùk itepulu pe tùwettok kon piyattàsak ya pùla nai'nannùk, tùse tok lepa màlà apàikkek ke kin yamùk kasa tok wettoppe malalà one hour àsà ene pokonpe.

Revelation 17:16

Àsà ene molopai 10 pan iletù yamùk meneinùk uya, nossan, kàyik yamùk yemyak tùwechilanmasen yeya'noma màlà, tok uya tamù'nawà itesak pe iwettok yalà màlà molopai tok uya inàmà ipon pùla, tok uya ipun yanù màlà molopai imattanùpù tok uya apok ke.

Revelation 17:7

“Yà'là peichi iwechi pàk eusenumenkasak màlà?” tukaik inchelù uya uyekamappoppù. “Tùttusen pen yekama uya màlà pùsàlà nossan molopai yapon àsà ene walai, 7 pan ippai molopai 10 pan iletù nekama.

Revelation 19:12

Itenu wechippù màlà apok ulenpansak kasa, molopai tukkan alok yamùk wechippù ippai po. Itesek menukasak wechippù ipàk, tùse ànù'là uya ittu pùla iwechippù, tùse mùkkàlà uya neken yà'là pe là iwechi ittu.

Revelation 20:2

Ulupelu, mùkkàlà penalok àkài Tepùlù, wapùla Settan yachippù ya molopai yaulonsak ya wechippù 1000 pe kilichimochi.