Revelation 12:10 - Patamuna New Testament Revised

¹⁰ Màlàyau nen uchi eke mayin yetappù uya epùn po. “Sàlà pe Katù winàpaino wepùikattàntok molopai meluntà uyàssak man! Molopai Kùkatùyi wettok Itepulu pe! Molopai Kùlaik, ineunokoppù wettok apàikkeppe! Masapùla kùtonpa kon yamùk winàkàik àli pe ichelupasak kon Katù yemloto po wei kaichalà molopai ewalupà kaichalà, yenu'mappù man epùn yapai,” te ya.

Revelation 12:10 ပူးပေါင်းရင်းမြစ်များ

Matthew 26:64

Jesus uya yeikuppù, “Wa mùkayatàik làkku tà. Tùse tekamayaik àpàkù'nokon, sàlà motapai yene auya'nokon màlà Kàyik Mumu wechi chichiu pe apàikeppe tùwessen kamikù pen winà, molopai iyàpù katuppluk po epùn poi!” tukaik.

Matthew 28:18

Jesus uyàpùppù màlà mei pùla molopai tok pàk, “Ulepasak man tamù'nawolon apàikkek ke epùn yau molopai non po.

Matthew 6:10

Tàwà itepulu pe ewettok nùyàpùi, tàwà eyeselu nekkupùi sàlà non po, epùn yau nai'nùk kasa.

Luke 11:2

Jesus uya tok pàk, “Àwàpùlema kon yau sà kasa mùkatàik,” teppù, ‘Ina Kàipùnù, tàwà wakù pe kulu tùkussen pe eyesek nechii, tàwà Itepulu pe ewettok nùyàpùi.

Luke 22:31

“Simon, Simon! Masa yetakà! Settan uya eyennasak kon man eyittu tok kon pe tùuya tamù'nawàlà, umà pànnài uya àlichi walai yasuka ipippà winàpai kasa.

1 Corinthians 5:4

Kùyepulu Jesus yesek yau ewepilichak kon yau molopai Iulà wechi apyau'nokon uyakkwalù yau, molopai Kùyepulu kon Jesus meluntàlù wechi molo yau,

2 Corinthians 12:9

Tùse upàk, “Wakù kuttok uya wechi màlà tamù'nawàlà àponaloppe, masapùla umeluntàlù wena màlà wakù pe kulu atu'mùla ewechi yau,” teppù ya. Màlàpàk utauchinpa kulu màlà utapulà attu'mùla wettok yau pàk, Christ meluntàlù wàlàkkattok pe upo.

Titus 2:3

Màlà kasa làma nossan yamùk lùiwa wettoppe tok yelupakà, wakù pe Katù tùnamaik tùwemassan pe. Eimiponnan pe pùla nàlà, wapùla tùwetùnsan pe pùla. Wakù pàk làkku enupannan pe tok nechiik

1 Peter 5:8

Tùttuik ettàk kon enpen ettàk! Masapùla eyeyaton kon, Makui, tùusalà pàk man, tùtàwùsen palauya kasa, ànù'là iwa pàk tùneuno'ma woton.

Revelation 11:15

Màlàyau 7 pe iku'nài inchelù uya tùwayi tàulùnpappù, molopai eke pe mayin yamùk uya epùn poi, “Itepulu pe we'nàtok non pon kon yepoi Kùyepulu kon Katù molopai ineunokoppù Christ ponaloppe nen uchi man, molopai itepulu pe iwechi màlà tàwàlàlà molopai tàwàlàlà!” teppù.

Revelation 2:26

Mùkyamlo entaikannan nùssan molopai uwotokoyi ku'nàinan nùssan iwenukapù ponalà, yemyak itepulu pe we'nàtok yapàikketù pata yamùk yepoi tùlù uya màlà.

Revelation 7:10

Tok wentaimeppù eke pe. “Ina wepùikattàtok màlà tùuyàssen Ina Katùyi winàpai. Mùkkàlà aponnok po chichiu pe tùwessen, molopai Kalinilu Mule winàpai,” tukaik.