Revelation 11:8 - Patamuna New Testament Revised

⁸ Molopai tok yàkàpù wechi màlà eke pata yawon asantau, tok Yepulu pukapàtùppù pulusuk pona motau. Màlà pata yesek màlà Sodom molopai Egypt nekama walai.

Revelation 11:8 ပူးပေါင်းရင်းမြစ်များ

Matthew 10:15

Ailon kulu sàlà, Ittuntok Weyu yattai Katù usentuppa màlà eke peiwa Sodom molopai Gomorrah pon kon pàk, màlà pata yawon kon kappon yamùk pàk tùusentuppa yentai!” teppù Jesus uya.

Yeunossak kon Wotokoyi 9:4

Iwekkawai'mappù non pona molopai mayin uya telupa yetappù ya, “Saul, Saul! Yà'là pe iwechi pàk utalumattà auya màlà?” tukaik.

Hebrews 13:12

Màlàpàk Jesus wettalumattàppù nàlà màlà pata yena po, esuken kappon yamùk konekatoppe tùuya tùmùnù yai.

Hebrews 6:6

Màlà tùpo tok welattàppù Katù winàpai àli kuttok yak. Yà'là là tok mùnappotok woton iwinà pùla iwechi màlà Katù winàkàik. Masapùla tùmàlà'nokon pe Katù Mumu pukapàttu'ma tok uya pulusuk pona pe iwechi màlà, iwelittu'ma toppe, molopai tok uya ikuli'ma tukkan kon kùlottau pe iwechi.

2 Peter 2:6

Katù uya pata yamùk Sodom molopai Gomorrah tawonnan talumattàppù, imattanùpù pe apok ke ippla, molopai màlà yamùk kupùppù ya yentok ipàkàlà àli ton uya pe, tok uya yentoppe tùwekkupù woton àli ton winàkàik.

Jude 1:7

Sodom molopai Gomorrah ittutàk kon, molopai iwoinokon pata yamùk, sàlà pata yawon kon kappon yamùk wechippù màlà mùkyamlo inchelù yamùk tùpata kon nànnàinannùssan kasa molopai àli imakuyippù pe we'nàtok esak ke, iwettok kasa pùla: Tok talumattà màlà tàwàlàlà tùuyassen apok ke tamù'nawolon kon yenu yappolù pe.

Revelation 11:13

Màlà yattai là àsà pe kulu tùlùpùnù wechippù molo, ipùkkù pe là 1/10 pe pata umattappù màlà, molopai tamù'nawàlà tùlùpùnù nùtùkkassan kappon yamùk wechippù 7,000 pe. Tok tonpassan wettalipasak wechippù kulu molopai epùn pon Katù wettok eke pe yapulàppù tok uya.

Revelation 11:9

Kappon yamùk ànùk yekkwa ton nà, tamù'nawolon kon pata kok yapaino kon, tùpatalo'nan mayin yapaino kon, molopai kappon yamùk pata yamùk yawolon kon, uya tok yàkàpù yene màlà àsolùwau wei. Molopai iwemassappe inakattapailà wei wena tepose. Molopai là tok wu'nattàtoppe tok uya ikupùppù pen.

Revelation 14:20

Grape kakklàppù màlà mulu yai pata yenapo, molopai mùn uyàpùppù mulu yapai, iwu'mappù eke pe mei 1600 kaichalon ittutok ike molopai ikupai pe kawale pùmù yawàlà.

Revelation 14:8

Yakon inchelù uyàpùppù ite'mappù pàk, “Iwekkawai'masak man! Eke Babylon wekkawai'masak man! Meluntà tùwuku inchitoppe tamù'nawolon pata yamùk yawon kon kappon yamùk uya ikupùppù ya. Sàlàichi wechippù màlà meluntà tinchisen àli pe tùtayappù pen pokonpe iwettok yeuku!” tei'ma.

Revelation 16:19

Màlà Eke kulu pata wessala'moppù màlà àsolùwau, molopai kappon yamùk pata yamùk non pon yawolon kon mattanùpùppù màlà. Katù uya eke Babylon yenumenkappù, molopai wain inchitoppe ya ikupùppù ya tùkokù yapai, àsà pe tùwe'naikatok yeuku.

Revelation 17:1

Màlàyau 7 pan kon inchelù yamùk tonpa mùkkàlà 7 pan pùsau yamùk yesak uyàpùppù upyak, molopai, “Àikkà, molopai yà'là kasa là kàyik yamùk yemyak tùwechilanmasen nossan talumattàtok yekama uya màlà, mùkkàlà chichiu pe tùwessen tukkan tuna yamùk po.

Revelation 17:18

Nossan meneinùk màlà eke pata non pon kon kin yamùk yepoi tùwessen,” teppù.

Revelation 17:5

Ipeyeppà pàk esek menukasak wechippù tùttusen pen, “Eke Babylon, tamù'nawolon kon kàyik yamùk yemyak tùwechilanmasan molopai àli ku'nàinan non pon kon yan,” tawon.

Revelation 18:10

Mei satippe tok wechi màlà, masapùla iwettalumattàtok pàk tùsenalippa kon pàk, molopai, “Entuppak! Entuppak man! Sàlà eke molopai meluntà pata Babylon! Tachinpe pùla kulu atalumattàtok uyàssak man,” te tok uya.

Revelation 18:18

Molopai tok wentaimeppù iyatù kelechin yenei'ma'nokon. “Tùulon eke pata pùla nai'nùk iwechippù, sàlà eke pata yekkwa!” tukaik.

Revelation 18:2

Iwentaimeppù eke pe, “Iwekkawai'masak man! Eke Babylon wekkawai'masak man! Imawali yamùk yùwùk molopai tamù'nawolon àli ton akkwalù yamùk patassek pe iwenasak man, molopai tamù'nawà ànùk yekkwa là àli ton molopai ewanma pe tùkussan tolon yamùk wemapù màlà yau.

Revelation 18:21

Màlàyau apàikkek inchelù uya eke kulu tàk yanùmùppù molopai yenu'mappù ya palau kak, “Sàlà kasaichi eke pata Babylon yenu'ma màlà àsà pe, molopai ichene tu'ma pen nen uchi màlà,” tei'ma.

Revelation 18:24

Katù Maimu yenpoikannan mùnù wenai, molopai Katù ponalok kon kappon yamùk mùnù yepoloppù màlà, màlà pata yau, ewaik, tamù'nawolon kon kappon yamùk iwàsak kon non po mùnù.