Revelation 11:2 - Patamuna New Testament Revised

² “Tùse polopo Katù yùwùk woi mùnàmàik. Kichittui, masapùla itùsappe iwechi nai'nùk Jew yamùk pen yemyak. Pùsamlo uya wakù patassek, Jerusalem, wasappàtù màlà 42 pe kapùi.

Revelation 11:2 ပူးပေါင်းရင်းမြစ်များ

Matthew 27:53

Tok wepakkappù màlà uluwaik yamùk yapai molopai Jesus we'wuluuka tùpo, tok utàppù Jerusalem pona, molo tukkan kon kappon yamùk uya tok yeneppù màlà.

Matthew 4:5

Màlàyau Makui uya Jesus yalàppù màlà Wakù esukenan Pata pona, molopai yalàppù ya kawon kulu Katù Yùwùk ipu pona.

Matthew 5:13

“Pan kasaichi ewechi kon màlà kappon yamùk ponaloppe. Pan wenasak ine'neppe pùla yau, ine'neppe tu'ma imatok pùla iwechi màlà. Tapulàsen pe pùla iwenasak màlà, màlàpàk yenu'ma màlà. Molopai kappon yamùk usalà ipolo.

Luke 21:24

Kasupala ke tok wànà màlà, molopai yachisak kon pe tamù'nawolon pata yamùk yak tok yalà, Jew yamùk pen uya Jerusalem wasappàtù màlà tùweyu kon wenukapù ponalà,” teppù ya.

Hebrews 10:29

Yà'là pe ken mùkkàlà wechi Katù Mumu yenpà'nài? Wakù pe esuken tùku'nài Jesus mùnù, Katù wekkuttok ikupù pàk ku'nài yà'làlà italumayippù kasa molopai Wakù Akkwalù, wakù ku'nài winàkàik àli pe tùuselupasen. Eke pe kulu tùtalumattàtok yepolo ya màlà!

Revelation 11:11

Màlà tùpo, àsolùwau wei molopai iwemassappe inakattapailà wei wenatok yattai we'netukantok uyàpùppù màlà Katù winàpai molopai tok yak iwewomùppù. Molopai tok we'wuluukappù, tamù'nawolon kon tok yennài nan nùssan wettalipappù kulu màlà.

Revelation 11:3

Asa'lon kon uyekamanan yapàikketù ke tok lepa uya màlà. Tok wepontàsak wechi màlà usewankono'man yattaino pon yak, molopai Katù yekale yekama tok uya màlà 1,260 pe wei,” teppù màlà upàk.

Revelation 12:6

Nossan wepeppù wontaik yak, molo Katù uya ipatassek woton konekasak wechippù, imainanpatok yau woton 1,260 pe wei.

Revelation 21:10

Molopai inchelù uya uyalàppù eke, kawon kulu wùk nakatta pona Wakù Akkwalù yau. Jerusalem, Wakù esukenan eke pata, uttà epùn poi Katù piyapai yenpoikappù ya upàk.

Revelation 21:2

Molopai yeneppù uya wakù esukenan eke Pata, emennak Jerusalem uttà epùn yapai Katù piyapai, ikonekasappe ema'non wepontàsak wakù pe tùtayappù yepose tùutàtoppe kasa.

Revelation 22:19

Molopai ànù'là uya yà'làlà mokkasak sàlà Katù Maimu yenpoikannan maimu sàlà kaleta yapai yau, Katù uya wema'nàtok yek yepelu pùkkù pe iwettok, molopai Wakù Pata pùkkù pe iwettok mokka màlà, yekamasak lùppù sàlà kaleta yau.