Revelation 11:19 - Patamuna New Testament Revised

¹⁹ Katù yùwùk epùn pon utakkokasak wechippù, molopai wakù ikupù tùuya tetok Katù uya yen useneppù Katù yùwùk tau. Màlàyau pata wekamlipù yakkwayi wechippù molo, yà'làlànan tàwù, wala'napi wettoippàtù, tùlùpùnù molopai tukke eme'nek ton tuna pun.

Revelation 11:19 ပူးပေါင်းရင်းမြစ်များ

Revelation 11:13

Màlà yattai là àsà pe kulu tùlùpùnù wechippù molo, ipùkkù pe là 1/10 pe pata umattappù màlà, molopai tamù'nawàlà tùlùpùnù nùtùkkassan kappon yamùk wechippù 7,000 pe. Tok tonpassan wettalipasak wechippù kulu molopai epùn pon Katù wettok eke pe yapulàppù tok uya.

Revelation 11:15

Màlàyau 7 pe iku'nài inchelù uya tùwayi tàulùnpappù, molopai eke pe mayin yamùk uya epùn poi, “Itepulu pe we'nàtok non pon kon yepoi Kùyepulu kon Katù molopai ineunokoppù Christ ponaloppe nen uchi man, molopai itepulu pe iwechi màlà tàwàlàlà molopai tàwàlàlà!” teppù.

Revelation 12:1

Molopai nen uchi eke yentok ipàkàlà usenpoikappù epùn poi. Nossan wechippù màlà molo, ipon wechippù wei molopai kapùi wechippù itta yo'no, molopai 12 pan chilùkà yamùk ipokon alok wechippù ippai pàk.

Revelation 16:1

Màlàyau eke mayin uselupa Katù yùwùk tapai 7 pan kon inchelù yamùk pokonpe yetappù uya, “Itàtàk kon molopai 7 pan pùsau yawon Katù we'naikatok ikkwantantàk non pona!” tukaik.

Revelation 16:18

Pata wekamlippàtùppù, eke pe, wala'napi wettoippàtùppù, molopai àsà pe kulu tùlùpùnù wechippù molo. Màlà yekkwa tùlùpùnù pùla iwechippù màlà kappon konekappù motapai. Sàlà tùlùpùnù wechippù màlà àsà pe kulu.

Revelation 16:21

Eke ton tàk tuna usa'mansak, 100 pounds pan iteme'netù, wepukappù kaupai kappon yamùk pona. Molopai kappon yamùk uya Katù pa'nùpùppù màlà, tuna usa'mansak ke talumattàntok wenai, masapùla àsà pe kulu talumattàntok wechippù màlà.

Revelation 19:11

Màlàyau epùn utakkokasak yeneppù uya, molopai molo iwechippù aimu'nan kawale. Ipo tùwessen yesattok wechippù Tùusetakkasen pen molopai Ailon, ikasa we'nàtok ke kappon yamùk ittunài mùkkàlà molopai ikasa tùwepanta'masen.

Revelation 4:1

Sàlà yamùk tùpo tùulon we'neppà'nàtok walai yeneppù uya, manatta utakkokasak epùn po. Molopai mayin, paka letù walai wai tàwù kasa uyelupa ya unetappù wapiya uya, “Àikkà, enukkà upyak sàlà motak molopai yekama uya màlà àpàk sàlà ye'mappùtak tùwekkupù woton,” teppù.

Revelation 4:5

Aponnok winàpai pata wekamlipù yakkwayi uyàpùppù màlà, wala'napi wettoippàtùppù, molopai mayin yamùk usetàppù. 7 pan lanppu yamùk pottàsak uyatùppù aponnok yemloto po, sàlà wechippù màlà 7 pan kon akkwalù yamùk Katù winàpaino kon pe.

Revelation 7:15

Màlàpàk Katù yapon yemlotopo satippe tok wechi màlà nai'nùk molopai iponaloppe tok we'wotokoma weinai molopai ewalupàttau tukaik itùwùk tau. Mùkkàlà chichiu pe nai'nùk tapon po wechi tok yelasu pe màlà molo tùwechi ke.

Revelation 8:5

Molopai nen uchi inchelù uya appoi'nan tùpottàsen yen yanùmùppù molopai yanùkkappù ya apok ke tùpottàsen pottàtok yapon pon ke, molopai yenu'mappù ya non pona. Molo wala'napi wetoippàtùppù màlà, pata wekamlippàtùppù àsà pe molopai tùlùpùnù utàppù.

Revelation 8:7

Wapiyalok inchelù uya tùwayi tàulùnpappù. Tuna pun molopai apok, mùn ke yoi'masak, uyàpùppù tùwekkwamù pe non pona. Non pùkkù uyassak wechippù 1/3 pe, yuk yamùk pùkkù uyassak wechippù 1/3 pe, molopai tamù'nawàlà lola wanak uyassak wechippù.