Revelation 11:18 - Patamuna New Testament Revised

¹⁸ Pata yamùk wolù yawon kon wanùssak wechippù we'naikantok ke. Masapùla ewe'naikatok uyàssak man, molopai iwelichak kon ittutok yattai. E'mantok tùtok auya yattai amaimu yenpoikannan ayapyoto yamùk yemyak. Molopai tamù'nawolon kon kappon yamùk àponalok kon, eke ton molopai echikili ton, tamù'nawolon kon anamannan yemyak. Non mattanù'nài nan mattanùttok yattai man!” tukaik.

Revelation 11:18 ပူးပေါင်းရင်းမြစ်များ

Matthew 5:12

Molùk ettàk, atauchinpatàk kon kulu, masapùla eke epeppù kupù man àponalok kon pe epùn po. Sàlà kasa màlà kappon yamùk uya Katù Maimu yenpoikannan talumattàppù awapiya'nokon tùwemassan,” teppù ya.

Luke 1:50

Tùusentuppasen mùkkàlà tamù'nawolon kon tùnaman nan pàk, sàlà yattai nokon kappon yamùk molopai ewanawolok kon pàk.

Hebrews 9:27

Tamù'nawolon kon welikù màlà tewin itekkwa, molopai màlà ye'mappùtak Katù uya tamù'nawolon kon ittu màlà. Màlà kasa làma, Christ wettùlùppù màlà tùwelitoppe tewin itekkwa tukkan kon kappon yamùk makuyi ponaloppe. Yakon itekkwa pe ichenpoika tu'ma màlà kappon yamùk makuyi pàkànsau pùla. Tùse wepùikattàntok nepù ya màlà mùkyamlo tùmàmu'nài nan kulu ponaloppe.

Revelation 10:7

“Tùse 7 pe iku'nài inchelù uya tùwayi tàulùnpasak yau nen uchi màlà, Katù uya màlà tonantau tùnkupù yenuka'nùpù màlà, tapyoto ton tùmaimu yenpoikannan pàk yekamappù tùuya kasa,” teppù ya nàlà.

Revelation 11:2

“Tùse polopo Katù yùwùk woi mùnàmàik. Kichittui, masapùla itùsappe iwechi nai'nùk Jew yamùk pen yemyak. Pùsamlo uya wakù patassek, Jerusalem, wasappàtù màlà 42 pe kapùi.

Revelation 13:10

Ànù'là achintok tak tùutàsen yek utà màlà achintok yak. Ànù'là asa'lon yà kasupala ke tùwàsen yeppe nai'nùk wànà màlà asa'lon yà kasupala ke. Sàlà màlà pàlikantok molopai ailon tetok iche tùwessen Katù ponalok kon kappon yamùk pona,” teppù ya.

Revelation 13:16

Mùkkàlà uya tamù'nawolon kon kappon yamùk yeka'nonkappù, eke ton molopai echikili ton, temamin kenan kon molopai itemamin pùnon, apyoto ton molopai apyoto ton pen, tok pattàtoppe kamik pen tok yemyatù pàk wapùla tok peyeppà pàk.

Revelation 14:10

Mùkkàlà uya nàlà màlà Katù we'naikatok yeuku inchi. Meluntà kulu tùwe'naikatok kokù yak inmappù esukenan yà'là yekkwa là ke yoi'mappù pùn. Ewaik, mùkkàlà sàlà ku'nàippù talumattà màlà apok molopai kulupala kasa tùkà'nùnsen yau, wakù ton inchelù yamùk molopai Kalinilu Mule yemloto po,” teppù ya eke pe.

Revelation 15:1

Màlàyau tùulon eke molopai enumenkanài, tensan yekkwa pen yeneppù uya màlà epùn yau, 7 pe inchelù yamùk wechippù màlà, 7 pan talumattàntok pokon pan kon. Sàlà yamùk màlà tewinanùppù talumattàntok, masapùla màlà yamùk ke Katù we'naikatok wenukapù màlà.

Revelation 15:7

Asakùlà'nan kon nulànan kon ànùkyan nànan walai tonpa uya 7 pan kon inchelù yamùk lepappù màlà 7 pan kolù pùsau yanùkkapàssak Katù we'naikatok ike, ke. Katù tàwàlàlà molopai tàwàlàlà tùwemassen.

Revelation 18:6

Inkupùppù kasa làma ikuttàk kon. Ye'matàk kon asak itekkwa meluntà ke, ikupùppù ya kasa làma. Ichawù yanùkkatàk kon tinchisen ke, asakitekkwa meluntà ke, inkonekappù ke.

Revelation 19:15

Yàkek asa'lon yà kasupala wepakkappù intapai, màlà ke eke pata yamùk non pon kon yentaika ya màlà. Meluntà ke itepulu pe iwechi màlà tok yepoi, molopai so'li tinchisen Tewinan, mùkkàlà neken Meluntà Katù we'naikatok àsà pe yeuku kakklà ya màlà mulu yai.

Revelation 19:18

Àittàk kon, kin yamùk pun yanse, eke ton pun, soicha yamùk yepulu yamùk pun, kawale yamùk molopai tok po tùwessan pun, tamù'nawolon kon kappon yamùk pun, apyoto yamùk molopai apyoto yamùk pen, eke ton molopai echikili ton,” tukaik.

Revelation 19:5

Màlàyau molo mayin uyàpùppù aponnok winàpai, “Kùkatùyi kon yapulàtàk tamù'nawolon kon itapyoto yamùk, molopai tamù'nawolon kon kappon yamùk asakklàma eke ton molopai echikili ton, mùkyamlo inaman nan!” tukaik.

Revelation 20:12

Molopai yeneppù uya iwelichak kon lùssan eke ton molopai echikili ton, ekkaichalà, satippe aponnok yemloto po. Kaleta yamùk yakkokasak wechippù, molopai tùulon kaleta yakkokasak wechippù, wema'nàtok kaletayi. Iwelichak kon ittuppù màlà tok nùkupùppù yawàlà imenukasak kaleta yamùk yau pàkàlà.

Revelation 20:15

Ànù'là itesek imenukasak pen wema'nàtok kaletayi yau, yenu'mappù màlà eke kulu apok wettulukasak yak.

Revelation 22:12

“Yetatàk kon! Uyàpù màlà tachinpe kulu tùpo pùla. E'mantok uya nepù uya màlà uya'là, tamù'nawolon kon yemyak untùlù tok nùkupùppù yawàlà.