Revelation 11:1 - Patamuna New Testament Revised

¹ Ittutok ike yei ke ulepappù màlà, tekessen walai ke, molopai yekamappù upàk: “E'wuluukakà molopai Katù yùwùk ittukà molopai Katù ponalok pottàtok patassek, molopai yà'là kaichalà là mùkyamlo Katù yùwùk tau yapulànnan wechi ittukà,” teppù màlà upàk.

Revelation 11:1 ပူးပေါင်းရင်းမြစ်များ

2 Corinthians 6:16

Atta ken tamùkke Katù yùwùk wechi ailon pen katù yamùk pokonpe? Masapùla tàwàlà tùwemassen Katù yùwùk kùmyamlo! Katù uya tùyiwalà, “Tok piyau wemapù màlà molopai tok kùlottawà wechi màlà, tok Katùyi pe wechi màlà, molopai upemonkonù pe tok wechi màlà,” teppù màlà. {Lev 26.12; Jer 32.38; Ezk 37.27}

1 Peter 2:5

Àitàk kon nulànan tàk kasa, molopai tapulàsan pe ettàk Katù yùwùk kappon namùppù pen tensen pen yamù yau, màlà motau wakù pe tùwe'wotokomasan pe ewechi kon pa, wakù ton Katù lepatok iche iwettok tùlù pàk Jesus Christ yai .

1 Peter 2:9

Tùse amyamlo mùkyamlo yanùnsak kon, tùusensen pen paatele yamùk pe, kin ponalok kon, wakù ton kappon yamùk Katù ponalok kon, yanùnsak kon Katù yeselu wakù ton kulu yekama kon pa. Mùkkàlà àkà'manàippù'nokon ewalupàttapai wakù kulu takkwayi yak.

Revelation 10:11

“Tewin itekkwaloppe tu'maichi Katù Maimu menpoikatukkaik tukkan kon kappon yamùk pàk, pata yamùk non pon yawolon kon pàk, tùpatalo'nan mayin yamùk, molopai kin yamùk pàk,” teppù màlà upàk.

Revelation 21:15

Inchelù upokon pe ichelupasak lùppù piyau kolù, kusan pe yà'làlà wechi ittutok ike wechippù, pata ittutoppe, imlatta yamùk, molopai iwe'na.