Revelation 1:9 - Patamuna New Testament Revised

⁹ Iulà mùkkàlà John, àtonpa kon, molopai Jesus ponalok Iulà àpokon pan kon, wettalumattàntok yau molopai pàlikantok yau itepulu pe iwettok yau. Pata lùkkwà tuna iwoino Patmos po wechippù màlà masapùla Katù Maimu molopai ailon Jesus nenpoikappù yekamasak uya pàk.

Revelation 1:9 ပူးပေါင်းရင်းမြစ်များ

Matthew 20:23

“Ussawù yawon inchi là nen auya'nokon, tùse ikasa pùla iwechi màlà ànù'là yanùmù uya iweleutatoppe ukamikù pen winà, molopai ukamikù winà tukaik yau. Sàlà màlà patassek yamùk Ukàipùnù nùkonekappù iponalok kon ponaloppe,” teppù Jesus uya tok pàk.

Mark 10:39

Tok uya imaimu yeikuppù, “Ina uya ikupù màlà, ” tukaik. Màlàyau Jesus uya tok pàk, “Màlà tinchiyai'nàk, inchi auya'nokon, molopai usenpataukatok ike ke eusenpatauka kon,” teppù.

John 16:33

Sàlà yamùk yekamappù uya màlà àpàkù'nokon, àwàlàkatok kon yesappe ewechi kon pa uyau. Sàlà wolù yau ewettalumattà kon màlà. Tùse emeluntàtatàk kon! Wolù yentaikasak uya man,” teppù Jesus uya.

Yeunossak kon Wotokoyi 1:15

Màlà yattai ailon tawonnan wepilipùppù. 120 pe tok wechippù màlà tamù'nawàlà molopai Peter wà'mùssakkappù eselupase.

Yeunossak kon Wotokoyi 14:22

Tok uya ailon tawonnan Jesus pàk meluntàpappù miyaiwa tok wettoppe ailon tetok tùuya'nokon pàk. “Utànnù'nokon màlà tukke wettalumattàntok yawàlà Katù wettok itepulu pe yak wewonàtok kon pe,” .

Romans 8:17

Imunkà yamùk pe we'nà'nokon pàk, wakù inkupù tùponalok kon ponaloppe yesappe we'nà'nokon màlà Christ, imu, pokonpe. Masapùla Christ wettalumattàppù kasa wettalumattàn pàk alikyeppe we'nà'nokon yau, namantok nàlà yepolo màlà ipokonpe.

Romans 8:25

Tùse enpen we'nà'nokon kùnene kon pen pàk yau, imàmu'nàinan kùmyamlo tùusetakaik pùla.

2 Corinthians 1:7

Enpen ina wettok àpàkù'nokon meluntà pe man. Masapùla ina nùttuyan ina wettalumattàtok pùkkù pe ewechi kon kasa làma, ina yewan ipittàtok pùkkù pe nàlà ewechi kon màlà.

Philippians 1:7

Tàwàlà uyewan pe tùwessan amyamlo! Màlàpàk ikasa iwechi màlà sàlà kasa usenumenka tamù'nawàlà àpàkù'nokon. Masapùla Katù uya ulepatok wakù pe we'nàtok pùkkù pe ewessak kon pàk. Sàlà pe patikichi tau wechi yau wapùla polopo Wakù Itekale wechi ailon pe yekama pàk wechi yau, iwenai wechi pe.

Philippians 4:14

Tùse wakù pe mettantàu upùikattà pàk wettalumattàtok yau.

2 Thessalonians 3:5

Tàwàichi Itepulu ayalài'nokon, Katù pùnùnma kon pa eke pe kulu, molopai Christ yau echii'ma yà'làlà pàlikatok auya'nokon màlà intùlùppù.

2 Timothy 1:8

Kekkuli'mai uchi, yekama pàk Kùyepulu Jesus ponaloppe; wapùla upàk kekkuli'mai yachisappe wechi iponaloppe wenai. Tùse làkku, ewettalumattàtok yanùnkà Wakù Itekale ponaloppe, Katù uya elepa meluntà ke kaichalà.

Hebrews 10:36

Pàlikannan pe ettàk kon, Katù yeselu kupù kon pa, molopai ikupù tùuya tetok ya yepolo auya'nokon màlà.

1 Peter 5:1

Sochi yennàinan àkklottau'nokon nai'nannùk tùpawanattàyaik, Iulà nàlà mùkkàlà sochi yennài. Christ wettalumattàtok lùppù yekamanài, molopai itakkwayi tùusenpoika woton pùkkù nàlà. Apawanattàyatàu Iulà:

Revelation 1:1

Sàlà màlà Jesus Christ nenpoikassan. Sàlà yamùk tùlùppù màlà Katù uya itemyak, tapyoto ton pàk tùwekkupù woton tachinpe kulu tùpo pùla yenpoikatoppe ya. Christ uya tùyinchelùyi yeunokoppù màlà tapyoto John piyak, sàlà yamùk yenpoikase ipàk.

Revelation 1:2

John uya tamù'nawolon tùneneppù yekamasak man. Sàlàichi màlà inekamappù itekale Katù winàpaino, yenpoikasak Jesus Christ winà.

Revelation 1:4

John winàpaino 7 pan sochi yamùk pata Asia yawolon kon piyak: Tàwà wakù Katù nùkupù molopai echitonpa pe we'nàtok Katù winàpaino apyau'nokon nechii. Mùkkàlà sàlà pe nai'nùk, iwechippù nai'nùk molopai tùuyàpù woton pe nai'nùk winàpaino apyau'nokon nechii, molopai 7 pan kon akkwalù yamùk Katù yapon yemloto po tùwessan winàpaino.

Revelation 1:6

Molopai kùkonekasak kon ya màlà pata yepulu pe tùkàipùnù ponaloppe, molopai tùkatùyi ponaloppe molopai paatele yamùk pe nàlà. Jesus Christ ponalok peichi namantok molopai apulàntok molopai meluntà nechii tàwàlàlà molopai tàwàlàlà. Emen.

Revelation 11:7

Tùnekama kon yekamakassak tok uya yau, àsà ene tùuyàssen i'nawon iteuta yapai uya tok panta'ma màlà. Tok yentaika ya màlà molopai tok wànà ya.

Revelation 12:11

“Tok uya yentaikasak man Kalinilu Mule mùnù winà, molopai ailon tùnekamappù kon Katù yekale winà, tok uya tùwemattok kon pùnùmappù pen màlàpàk tùwelikù kon pàk tok usenalippa pùla iwechippù.

Revelation 12:17

Màlàyau ulupelu we'naikasak kulu wechippù màlà nossan pàk. Molopai iitàppù imle tonpassan panta'mase, tamù'nawolon kon Katù uya enupantok maimu yawolon kon, molopai ailon Jesus winà yenpoikasak lùppù pàk ailon pe tùwessan panta'mase.

Revelation 13:10

Ànù'là achintok tak tùutàsen yek utà màlà achintok yak. Ànù'là asa'lon yà kasupala ke tùwàsen yeppe nai'nùk wànà màlà asa'lon yà kasupala ke. Sàlà màlà pàlikantok molopai ailon tetok iche tùwessen Katù ponalok kon kappon yamùk pona,” teppù ya.

Revelation 14:12

Sàlà màlà pàlikantok iche tùwessen Katù ponalok kon kappon yamùk ponaloppe, mùkyamlo Katù uya enupantok maimu yawàlà tùwessan molopai ailon pe tùwessan Jesus pàk.

Revelation 19:10

Wekkawai'mappù itta piyau yapulàtoppe uya, tùse upàk, “Kùkkupùi! Apyoto Iulà àtonpa, molopai àtonpa yamùk tonpa tamù'nawàlà mùkyamlo ailon Jesus nenpoikappù yawàlà tùwemassan tonpa. Katù yapulàkà!” teppù ya. Masapùla màlà ailon, Jesus nenpoikappù uya màlà Katù Maimu yenpoikannan kupùppù tok uselupa toppe.

Revelation 20:4

Màlàyau aponnok yamùk yeneppù uya, molopai mùkyamlo chichiu pe ipo tùwessan, tok lepasak wechippù meluntà ke ittuntoppe tok uya. I'mùlùkàssak kon yakkwalùppù yamùk yeneppù uya màlà masapùla ailon Jesus nenpoikappù molopai Katù Maimu yekamasak tok uya pàk. Àsà ene wapùla ikasa ikonekasak yapulànnanùssan pe pùla tok wechippù màlà wapùla àsà ene uya pattàntok yeposak tok uya pùla iwechippù tùpeyeppà kon pàk wapùla temyatù kon pàk. Tok wemapùppù molopai kin yamùk pe tok wechippù Christ pokonpe 1000 pe kilichimochi.

Revelation 3:10

Umaimu yawàlà ewessak man pàlikanài pe. Màlàpàk wakù pe nàlà àkupù uya màlà talumattàntok yattai. Nùyàssai'nùk tamù'nawolon non pona tamù'nawà kappon yamùk sàlà non pon kon ittuse.

Revelation 6:9

Màlàyau Kalinilu Mule uya 5 pe iku'nài yachittok ikkwàtùppù takkokase. Altar yo'no mùkyamlo iwàsak kon nùssan yakkwalù yeneppù uya, masapùla Katù Maimu yekamasak tok uya pàk, molopai ailon pe tok wessak yekamatok tùuya'nokon yau pàk.

Revelation 7:14

“Ewai'nan, tùse mùttuyaik nen,” tukaik imaimu yeikuppù uya. Molopai umaimu yeikuppù ya. “Pùsamlo kappon yamùk mùkyamlo eke talumattàntok yawàlà iyàssak kon. Tùpon kon kukasak tok uya màlà nai'nùk, molopai aimu'ne tok uya imasak Kalinilu Mule mùnù ke.