Revelation 1:16 - Patamuna New Testament Revised

¹⁶ 7 pan chilùkà yamùk yachippù ya kamik pen temyatù yau, molopai yàkek asa'lon yà kasupala wepakkappù intapai. Itenpata wechippù màlà akkwa pe inakatapailà wei wechi yakkwayi kasa.

Revelation 1:16 ပူးပေါင်းရင်းမြစ်များ

Matthew 17:2

Tok uya yene tùse, Jesus wemyakanmappù. Itenpata wenappù màlà akkwa pe wei kasa. Molopai ipon wenappù aimu'ne akkwa pe.

Yeunossak kon Wotokoyi 26:13

Wei wenasak inakattapailà tùse asantau akkwa tentai epùn poi, Kin. Akkwa pe wei yentai iilenpasak uwoi molopai kàyik yamùk uya'lon kon woi nàlà.

Ephesians 6:17

Molopai wepùikattàntok yanùntàk kon appai kon wapu pe, molopai Katù Maimu akasupalayi kon pe Wakù Akkwalù uya elepatok kon.

Hebrews 4:12

Masapùla Katù Maimu màlà nulànan molopai meluntà. Yàkek, asa'lon yà kasupala yentaino. Tùutàsen màlà i'nak esak molopai akkwalù wessepotok tepose, molopai àppù yese'mu, molopai àppù pùnawon wessepotok tepose. Katù Maimu màlà kappon yamùk yewan wettok iche molopai ichenumenkatok ittunài kulu.

Revelation 1:20

“7 pan chilùkà yamùk kamik pen uyemyatù yau menyai'nùk molopai 7 pan kolù yapai ikonekasak lanppu yapon nekama màlà sà tonantau nai'nùk. 7 pan kon chilùkà yamùk mùkyamlo inchelù yamùk 7 pan sochi yamùk inchelùyi yamùk, molopai 7 pan kolù yapai ikonekasak lanppu yapon yamùk màlà 7pan sochi yamùk,” teppù ya nàlà.

Revelation 10:1

Molopai tùulon meluntà inchelù uttà epùn poi yeneppù uya. Katuppluk yak iwepontàsak wechippù, molopai melemleik wechippù ippai woi, itenpata wechippù wei kasa, molopai ichi yamùk wechippù apok pe, wakapu yamùk kasa.

Revelation 12:1

Molopai nen uchi eke yentok ipàkàlà usenpoikappù epùn poi. Nossan wechippù màlà molo, ipon wechippù wei molopai kapùi wechippù itta yo'no, molopai 12 pan chilùkà yamùk ipokon alok wechippù ippai pàk.

Revelation 19:15

Yàkek asa'lon yà kasupala wepakkappù intapai, màlà ke eke pata yamùk non pon kon yentaika ya màlà. Meluntà ke itepulu pe iwechi màlà tok yepoi, molopai so'li tinchisen Tewinan, mùkkàlà neken Meluntà Katù we'naikatok àsà pe yeuku kakklà ya màlà mulu yai.

Revelation 19:21

Tok wepanta'ma tonpa yamùk wànàppù màlà asa'lon yà kasupala tùwepakkasen kawale po tùwessen mùta yapai ke, molopai tamù'nawàlà tolon yamùk uya tok pun yanùppù tùwakkota kon ponalà.

Revelation 2:1

“Ephesus pon Sochi inchelùyi piyak sàlà imenukakà: “Sàlàichi màlà mùkkàlà 7 pan chilùkà yamùk yachinài kamik pen temyatù yau winàpaino itekale, mùkkàlà 7 pan kolù yapai ikonekasak lanppu yapon kùlottawà tùusasen,” teppù ya.

Revelation 2:12

“Pergamum pon sochi inchelùyi piyak sàlà imenukakà: “Sàlàichi màlà itekale, mùkkàlà, yàkek asa'lon yà kasupala yesak winàpaino, tukaik.”

Revelation 2:16

Amakuyi winàpai uchi elattàkà! Ewelattà pùla iwechi yau, asse'ne apyak uyàpù màlà molopai mùkyamlo panta'ma uya màlà asa'lon yà kasupala unta yapai tùwepakkasen ke.”

Revelation 3:1

“ Sardis pon Sochi inchelùyi piyak sàlà imenukakà: “Sàlàichi màlà itekale mùkkàlà 7 pan akkwalù yamùk Katù winàpaino molopai 7 pan chilùkà yamùk yesak winàpaino. Ànkupù tùttuyaik, nulà kappon yamùk uya eyittu tùse, ewelichak man.”