Revelation 1:11 - Patamuna New Testament Revised

¹¹ “Enene imenukakà, molopai kaleta yeunokkà 7 pan pata yamùk yawon kon sochi yamùk piyak: Ephesus, Smyrna, Pergamum, Thyatira, Sardis, Philadelphia molopai Laodicea pon kon yemyak,” teppù ya.

Revelation 1:11 ပူးပေါင်းရင်းမြစ်များ

Yeunossak kon Wotokoyi 16:14

Tok tonpa ina uselupa yetanàippù wechippù Lydia, Thyatira pon, pùsalà wechippù màlà tùtalilen walai pon chilanmanài pe tùwessen. Mùkkàlà nossan wechippù màlà Katù yapulànài pe molopai Itepulu uya itewan yappàtùppù yà'là te là Paul uya yetatoppe ya.

Yeunossak kon Wotokoyi 18:24

Màlà yattai Jew, Apollos itesek iwentusak lùppù Alexandria po uyàpùppù màlà Ephesus pona. Wakù pe tùuselupasen pe iwechippù màlà molopai wakù pe Katù Maimu ittunài pe.

Yeunossak kon Wotokoyi 20:17

Paul uya tùmaimu yeunokoppù Miletus poi Ephesus pona, sochi yennàinan utàtoppe tepose.

1 Corinthians 15:32

Yà'là yepolo uya ken “elannek kamo yamùk” pokonpe wepanta'ma yau Ephesus po, kappon yeselu yau? Iwelichak wuluuka pùla iwechi yau, “Uta'lettànpai'nokon molopai kùwuku kon inchipai'nokon, masapùla ewanawà weli'nà'nokon màlà.” {Isa 22.13}

1 Corinthians 16:8

Tùse Ephesus po wechi màlà Pentecost yattai uta'lettàntok ponalà.

Ephesians 1:1

Sàlà kaleta màlà Paul, Katù wettok iche yawàlà Christ Jesus neunokoppù winàpaino, Katù ponalok kon Ephesus po tùwemassan piyak, mùkyamlo ailon ton tùwemattok kon Christ Jesus yau piyak inmenukappù:

Colossians 2:1

Sa'man pe kulu sa' we'wotokoma àpùikattà kon pàk ittu auya'nokon iche wessaik. Molopai Laodicea pon kon pùikattà uya nàlà sàlà, molopai tamù'nawolon kon tùulon kon yà'là yattai là uyennàinan nùssan pen pùikattàiche wessaik.

1 Timothy 1:3

Ephesus po ewechi iche wessaik, eyekamappoppù uya kasa Macedonia pona utà yau. Tùulon kon kappon yamùk ailon pen enupantok ke kappon yamùk yenupayan molo, molopai tok yeleutanùpù auya iche wessaik.

Revelation 1:17

Yensak uya yau, wekkawai'mappù itta piyau iwelichak kasa. Kamik pen temyatù tùlùppù ya upona molopai, “Kettalipai! Iweppyattàtok Iulà, molopai iwenukattok,” teppù ya.

Revelation 1:19

Enene yamùk uchi imenukakà, asakklàma sàlà pe nai'nùk molopai màlà yamùk tùwekkupù woton kon àkàmlàk,” teppù ya nàlà.

Revelation 1:2

John uya tamù'nawolon tùneneppù yekamasak man. Sàlàichi màlà inekamappù itekale Katù winàpaino, yenpoikasak Jesus Christ winà.

Revelation 1:20

“7 pan chilùkà yamùk kamik pen uyemyatù yau menyai'nùk molopai 7 pan kolù yapai ikonekasak lanppu yapon nekama màlà sà tonantau nai'nùk. 7 pan kon chilùkà yamùk mùkyamlo inchelù yamùk 7 pan sochi yamùk inchelùyi yamùk, molopai 7 pan kolù yapai ikonekasak lanppu yapon yamùk màlà 7pan sochi yamùk,” teppù ya nàlà.

Revelation 1:4

John winàpaino 7 pan sochi yamùk pata Asia yawolon kon piyak: Tàwà wakù Katù nùkupù molopai echitonpa pe we'nàtok Katù winàpaino apyau'nokon nechii. Mùkkàlà sàlà pe nai'nùk, iwechippù nai'nùk molopai tùuyàpù woton pe nai'nùk winàpaino apyau'nokon nechii, molopai 7 pan kon akkwalù yamùk Katù yapon yemloto po tùwessan winàpaino.

Revelation 1:8

“Alpha Iulà molopai Omega iweppyattàtok molopai iwenukattok,” tawon mùkkàlà Itepulu Katù, sàlà pe nai'nùk, iwechippù nai'nùk, molopai tùuyàpù woton, Mùkkàlà neken Meluntà.

Revelation 10:4

Tok uselupa pe, kaleta menuka pàk wekkupùppù. Tùse mayin uselupa epùn poi yetappù uya, “7 pan kon wala'napi yamùk nekamappù ikukkà tùttusen pe pùla, molopai kù'menukai!” tukaik.

Revelation 14:13

Màlàyau mayin yetappù uya epùn poi, “Sàlà imenukakà, Tùutauchinpasan mùkyamlo sàlà motapai tùwelichan Itepulu Katù wotokoyi yau,” te ya. “Ewaik kulu nen,” nùkayan Wakù Akkwalù. “Wàlàkka'nàtok yepolo tok uya màlà sa'man pe tùwe'wotokomatok kon winàpaino, masapùla tùwe'wotokomatok kon yepeppù yalà tok uya màlà ta'là'nokon.”

Revelation 19:9

Màlàyau inchelù uya upàk, “Sàlà imenukakà, Tùutauchinpasan mùkyamlo ikà'masak kon, Kalinilu Mule wemali'matok yattai uta'lettàtok yak,” teppù. Molopai inchelù uya tùmaimu pùkkùttàppù, “Sàlà yamùk màlà ailon Katù Maimu,” tukaik.

Revelation 2:1

“Ephesus pon Sochi inchelùyi piyak sàlà imenukakà: “Sàlàichi màlà mùkkàlà 7 pan chilùkà yamùk yachinài kamik pen temyatù yau winàpaino itekale, mùkkàlà 7 pan kolù yapai ikonekasak lanppu yapon kùlottawà tùusasen,” teppù ya.

Revelation 2:12

“Pergamum pon sochi inchelùyi piyak sàlà imenukakà: “Sàlàichi màlà itekale, mùkkàlà, yàkek asa'lon yà kasupala yesak winàpaino, tukaik.”

Revelation 2:18

“Thyatira pon sochi inchelùyi piyak sàlà imenukakà: “Sàlàichi màlà itekale Katù Mumu winàpaino. Itenu tùulenpansen apok kasa, itta tùulenpansen kalukuli kalapaimasak kasa.”

Revelation 2:24

“Tùse amyamlo nàlà tok tonpa yamùk Thyatira pon kon uya àli enupantok ya kupùppù pùla man, ‘Settan nùkupù tonantawon tukaik tùulon kon nesatù pàk eusenupasak kon pùla man. Tùulon tùpàlikasen tùlù uya tu'ma àpona'nokon pen màlà.

Revelation 2:8

“Smyrna pon Sochi inchelùyi piyak sàlà imenukakà: “Sàlàichi màlà itekale mùkkàlà wapiyalok molopai iwenukattok, iwelichak lùppù molopai nulà tu'ma nai'nùk winàpaino.

Revelation 21:5

Màlàyau mùkkàlà chichiu pe tùwessen aponnok po uya, “Molopai nen uchi sàlà pe tamù'nawolon koneka uya sàlà emennappe!” “Sàlà imenukakà, masapùla sàlà mayin màlà ailon molopai ailon tetok ipàk,” teppù ya nàlà.

Revelation 22:10

Molopai wateppù ya upàk, “Iwekkupù wapiya yenpoikasak mayin sàlà kaleta yawon kùkkupùi tekamaik pùla, masapùla tamù'nawàlà sàlà yamùk wekkuttok yattai mei pùla man.

Revelation 22:16

“Iulà Jesus uya, uyinchelùyi yeunossak nai'nùk sàlà yamùk yekamase àpàkù'nokon sochi yamùk tau. David pa Iulà, akkwa Ko'làmalok Kaiwonok, Iulà,” teppù Jesus uya.

Revelation 3:1

“ Sardis pon Sochi inchelùyi piyak sàlà imenukakà: “Sàlàichi màlà itekale mùkkàlà 7 pan akkwalù yamùk Katù winàpaino molopai 7 pan chilùkà yamùk yesak winàpaino. Ànkupù tùttuyaik, nulà kappon yamùk uya eyittu tùse, ewelichak man.”

Revelation 3:14

“ Laodicea pon Sochi inchelùyi piyak sàlà imenukakà: “Sàlàichi màlà itekale mùkkàlà Emen winàpaino. Ailon molopai ailon yekamanài, tamù'nawolon Katù nùkonekasan wepyattàtok.”

Revelation 3:4

Tùse tukkan kon pen Sardis pon kon uya tùpon kon kussak man wakù pe. Upokon pe tok usalà màlà, tùwepontàse aimu'nan yak, masapùla ikasa tùwessan yek pe tok wechi màlà.

Revelation 3:7

“ Philadelphia pon Sochi inchelùyi piyak sàlà imenukakà: “Sàlàichi màlà itekale mùkkàlà wakù esukenan molopai ailon winàpaino. Mùkkàlà David ponalok ki yachinài, yakkokanài mùkkàlà ànù'là uya inakkokappù yakkolo pen. Yakkonài mùkkàlà, ànù'là uya inakkoloppù yakkoka pen.