Revelation 1:10 - Patamuna New Testament Revised

¹⁰ Itepulu Weyu yattai Wakù Akkwalù wenappù uyesappe màlà molopai, eke mayin yetappù uya màlà ichelupa umpoi winà wai tàwù kasa.

Revelation 1:10 ပူးပေါင်းရင်းမြစ်များ

Matthew 22:43

“Yà'là pe ken uchi iwechi pàk Wakù Akkwalù uya David kupùppù màlà, Uyepulu tukaik yesattoppe ya?” tukaik Jesus uya tok yekamapoppù. “Masapùla David uya, ‘Itepulu uya Uyepulu pàk, ‘Chichiu pe ekkà ulaitanù yau, eyeyaton non tùlù uya atta yokkoik ponalà,’ teppù màlà. {Psa 110.1}

John 20:19

Màlà Suntayakka ko'manpe, Jesus nenupa ton nùssan wepilipùppù tapùi tak manatta tùmleyintàpàsse tok wechippù Jew yamùk pàk tùusenalippa kon pàk. Màlàyau Jesus uyàpùppù molopai satippe tok yakkletau iwechippù, “Wàlàkka'nàtok wechi màlà apyau'nokon,” teppù ya.

John 20:26

Tewin suntayakka tùpo Jesus nenupa ton nùssan wepilittu'mappù tapùi tak, molopai Thomas wechippù nàlà tok piyau. Manatta mùleyintàpàssak tùse Jesus uyàpùppù tok kùlottak, satippe, “Wàlàka'nàtok wechi màlà apyau'nokon,” teppù ya.

Yeunossak kon Wotokoyi 20:7

Suntayakka yattai, ina wepilipùppù tamùkke pùlomù pusak pilipàsak pàk ata'lettàsse. Paul uya kappon yamùk yelupappù molopai tùuselupa pàk iwechippù anomlak ponalà, masapùla iwemassak yau tùutà pàk.

1 Corinthians 12:3

Ittu auya'nokon iche wessaik, ànù'là Wakù Akkwalù winà tùuselupasen uya, “Tàwà Jesus pa'nùpù nechii,”te pùla iwechi màlà. Molopai ànù'là uya, “Jesus mùkkàlà Itepulu,” tetok tùyiwalà pùla iwechi màlà, tùse Wakù Akkwalù winà neken.

1 Corinthians 16:2

Wapiyalok wei Suntayaka yau, tamù'nawolon kon amyamlo uya màlà àpùlayatayi kon tonpa nonka enepoloppù kon yapai. Molopai mùmainanpatàik, pùlayatta pilipù tukaik uyàssak yau.

Revelation 17:3

Wakù Akkwalù uya uyachippù màlà, molopai inchelù uya uyalàppù wontaik yak. Molo nossan yeneppù uya chichiu pe, ichuweyu àsà ene po, molopai mùkkàlà wechippù 7 pe ippai molopai 10 pe iletù, àli ton esek yamùk menukasak Katù talumattà pe wechippù ipolo.

Revelation 21:10

Molopai inchelù uya uyalàppù eke, kawon kulu wùk nakatta pona Wakù Akkwalù yau. Jerusalem, Wakù esukenan eke pata, uttà epùn poi Katù piyapai yenpoikappù ya upàk.