Revelation 1:1 - Patamuna New Testament Revised

¹ Sàlà màlà Jesus Christ nenpoikassan. Sàlà yamùk tùlùppù màlà Katù uya itemyak, tapyoto ton pàk tùwekkupù woton tachinpe kulu tùpo pùla yenpoikatoppe ya. Christ uya tùyinchelùyi yeunokoppù màlà tapyoto John piyak, sàlà yamùk yenpoikase ipàk.

Revelation 1:1 ပူးပေါင်းရင်းမြစ်များ

John 12:49

Masapùla uyiwalà là uselupa pùn tùse Ukàipùnù uyeuno'nàippù uya yà'là tukaik là molopai yà'là kasa là uselupatok pe suwa kakkà teppù.

John 15:15

Sàlà motapai apyoto yamùk pe, eyesatù kon uya pen sàlà, masapùla tepulu uya yà'làlà kupù ittunài pen mùkkàlà apyoto. Tùse eyesassak kon uya màlà uwechi yakon non tukaik, masapùla tamù'nawàlà Ukàipùnù winàpai unùttuppù ittu kon pa ikussak uya màlà.

John 17:8

Masapùla màlà enekamappù lùppù upàk yekamappù uya tok pàk, molopai tok uya yanùnsak man. Ailon pe apyapai uyàpùppù ittuyan tok, molopai tok nàlà ailon nùkayan uyeunokoppù auya pàk.

John 3:32

Tùneneppù pàk molopai tùnetappù pàk ichelupa, tùse ànù'là uya inekama yanùmù pùla iwechi.

John 8:26

Tùse tukke àpàkù'nokon uselupatok molo man, molopai suwa messatàik tetok uya. Tùse uyeuno'nàippù mùkkàlà ailon kulu molopai kappon yamùk wolù yawon kon pàk unetappù neken iwinàpai yekamanài Iulà,” tukaik.

Romans 16:25

Katù yapulatàk kon! Meluntà pe ewechi kon pa àkupù kon ya màlà tapàikketù ke, Wakù Itekale unekama Jesus Christ yekale yai. Tachinpe pena sàlà itekale kupùppù màlà tonantau.

Galatians 1:12

Ànù'là kappon winàpai yepolo uya pùn, wapùla ànù'là uya ipàk uyenupa pùn. Tùse, Jesus Christ uya yenpoikasak yanùmùppù uya.

Ephesians 3:3

Katù uya tùttusen pen tùnkupù yenpoikappù molopai yekamappù ya upàk. Sàlà pàk uselupappù malalà emenuka kon uya wapiya.

Titus 1:1

Sàlà màlà Paul, Katù yapyoto, Jesus Christ neunokoppù winàpaino. Uyanùmùppù màlà molopai uyeunokoppù Katù nanùmùssan uya ailon tetok pùikattàse, molopai tok yenupase yà'là kasa ailon pe kulu Katù ponaloppe wema'nàtok pàk,

Revelation 1:19

Enene yamùk uchi imenukakà, asakklàma sàlà pe nai'nùk molopai màlà yamùk tùwekkupù woton kon àkàmlàk,” teppù ya nàlà.

Revelation 1:9

Iulà mùkkàlà John, àtonpa kon, molopai Jesus ponalok Iulà àpokon pan kon, wettalumattàntok yau molopai pàlikantok yau itepulu pe iwettok yau. Pata lùkkwà tuna iwoino Patmos po wechippù màlà masapùla Katù Maimu molopai ailon Jesus nenpoikappù yekamasak uya pàk.

Revelation 17:1

Màlàyau 7 pan kon inchelù yamùk tonpa mùkkàlà 7 pan pùsau yamùk yesak uyàpùppù upyak, molopai, “Àikkà, molopai yà'là kasa là kàyik yamùk yemyak tùwechilanmasen nossan talumattàtok yekama uya màlà, mùkkàlà chichiu pe tùwessen tukkan tuna yamùk po.

Revelation 19:10

Wekkawai'mappù itta piyau yapulàtoppe uya, tùse upàk, “Kùkkupùi! Apyoto Iulà àtonpa, molopai àtonpa yamùk tonpa tamù'nawàlà mùkyamlo ailon Jesus nenpoikappù yawàlà tùwemassan tonpa. Katù yapulàkà!” teppù ya. Masapùla màlà ailon, Jesus nenpoikappù uya màlà Katù Maimu yenpoikannan kupùppù tok uselupa toppe.

Revelation 19:9

Màlàyau inchelù uya upàk, “Sàlà imenukakà, Tùutauchinpasan mùkyamlo ikà'masak kon, Kalinilu Mule wemali'matok yattai uta'lettàtok yak,” teppù. Molopai inchelù uya tùmaimu pùkkùttàppù, “Sàlà yamùk màlà ailon Katù Maimu,” tukaik.

Revelation 21:2

Molopai yeneppù uya wakù esukenan eke Pata, emennak Jerusalem uttà epùn yapai Katù piyapai, ikonekasappe ema'non wepontàsak wakù pe tùtayappù yepose tùutàtoppe kasa.

Revelation 21:9

7 pan kon inchelù yamùk tonpa mùkkàlà 7 pan pùsau yamùk yanùkkasak 7 pan iwenukatok talumattàntok ke, yesak uyàpùppù upyak molopai, “Àikkà, molopai Ema'non Kalinilu Mule noppù woton yekama uya màlà àpàk,” teppù ya.

Revelation 22:1

Inchelù uya nàlà yenpoikappù upàk, tuna wema'nàtok palu crystal ulenpansak kasa tùusensen, Katù yapon molopai Kalinilu Mule winàpai tùuyàssen.

Revelation 22:16

“Iulà Jesus uya, uyinchelùyi yeunossak nai'nùk sàlà yamùk yekamase àpàkù'nokon sochi yamùk tau. David pa Iulà, akkwa Ko'làmalok Kaiwonok, Iulà,” teppù Jesus uya.

Revelation 22:6

Màlàyau inchelù uya upàk, “Sàlà mayin yamùk màlà ailon molopai ailon tetok ipàk. Molopai Itepulu Katù, mùkkàlà Takkwalù tùnài tùmaimu yenpoikannan piyak uya tùyinchelùyi yeunokoppù tapyoto yamùk pàk sàlà pe'ne là tùwekkupù woton yekamase,” teppù.

Revelation 22:8

Iulà, John, uya màlà tamù'nawàlà sàlà yamùk yetappù molopai yeneppù. Molopai sàlà yamùk yetakassak uya molopai yenkassak uya yau, wepeimappù inchelù pùta piyau yapulàtoppe uya, mùkkàlà sàlà yamùk yekamanàippù upàk.

Revelation 22:9

Tùse upàk, “Kùkkupùi! Apyoto Iulà àtonpa molopai àtonpa yamùk Katù Maimu yenpoikannan tonpa, molopai tamù'nawàlà mùkyamlo sàlà kaleta yawon mayin yawàlà tùwessan tonpa. Katù làkku yapulàkà!” teppù ya.

Revelation 4:1

Sàlà yamùk tùpo tùulon we'neppà'nàtok walai yeneppù uya, manatta utakkokasak epùn po. Molopai mayin, paka letù walai wai tàwù kasa uyelupa ya unetappù wapiya uya, “Àikkà, enukkà upyak sàlà motak molopai yekama uya màlà àpàk sàlà ye'mappùtak tùwekkupù woton,” teppù.

Revelation 5:7

Kalinilu Mule uyàpùppù molopai kaleta yekkwatùppù ya mùkkàlà chichiu pe tùwessen aponnok po yemyatù kamik pen yapai.