Philippians 4:8 - Patamuna New Testament Revised

⁸ Wenukapù pe, utonpa yamùk, eusenumenkatok kon pe màlà yamùk: ailon pe nai'nannùk nechii molopai tapulàsen pe nai'nùk, ikasa nai'nùk, esuken nai'nùk, molùnpak nai'nùk, wakù pe kulu nai'nùk, molopai tapulàsan yeppe nai'nùk molopai tùnamasen pe nai'nùk.

Philippians 4:8 ပူးပေါင်းရင်းမြစ်များ

Matthew 22:16

Màlàyau ta'lon kon tonpa yamùk molopai Herod tonpa yamùk yeunokoppù tok uya Jesus piyak. “Enupanài, ina nùttuyan wakù pe ewechi. Kappon yamùk ponalok ailon, Katù yeselu pàk enupanài àmàlà, yà'là tukaik kappon yamùk usenumenka pàk tùutaimelunpaik pùla, masapùla tamù'nawolon kon kappon yamùk mùkyamlo ekaichalon kon eyenu yau.

Mark 6:20

Herod uya John namappù masapùla wakù pe, molopai ikasa iwechi pàk. Tùse yachichak ya neken nen wechippù màlà. John uselupa enetapai iweppàtùppù taimelunpa ya lànen ittu tùuya tùse, ichelupa yetappù ya tùwakùli pe.

Luke 16:15

Jesus uya tok pàk, “Amyamlo mùkyamlo ikasa tùwekkussan kappon yamùk yenu yau, tùse Katù mùkkàlà eyewan kon ittunài. Masapùla wakù pe kulu kappon nùttu màlà àli Katù yewanma.

Luke 2:25

Màlà yattai molo kàyik wechippù tùwemassen Jerusalem po, Simeon itesek. Mùkkàlà wechippù màlà wakù pe molopai Katù namanài pe, molopai Israel wepùikattà màmuku pàk iwechippù. Wakù Akkwalù wechippù màlà ipyau.

Luke 23:50

Kàyik wechippù màlà molo Joseph itesek, Jew yamùk patassek Arimathea pon. Wakù pe iwechippù màlà tùnamasen pe nàlà, Katù wettok itepulu pe uyàpù màmuku pàk tùwessen. Jew yamùk Yepulu yamùk tonpa pe lànen ichii'ma, tok usenumenkatok ikupù pàk molopai tok yeselu wechippù itewan yailà pùla.

John 7:18

“Mùkkàlà tùyiwalà tùnkupù pàk tùuselupasen, tùnamatok yepotoppe tùuya, tùse mùkkàlà teuno'nàippù namatok ponaloppe ne'wotokomayai'nùk mùkkàlà ailon kulu, kasei pùla iwechi màlà yau.

Yeunossak kon Wotokoyi 10:22

“Roman soichayi yepulu Cornelius uya ina yeunossak sàlà,” tukaik, tok uya imaimu yeikuppù. “Wakù mùkkàlà kàyik Katù namanài eke, tùnamasen tamù'nawolon kon Jew yamùk nùnama. Wakù inchelù uya yekamappù màlà àkà'matoppe ya tùwùk tak, yà'là te là auya yetatoppe tùuya,” teppù kàyik yamùk uya.

Yeunossak kon Wotokoyi 22:12

“Màlà pata yau kàyik wechippù màlà molo Ananias itesek, wakù, Katù pokonpe tùwemassen molopai law yawàlà tùwessen, Jew yamùk, Damascus pon kon nùnama.

Yeunossak kon Wotokoyi 6:3

“Màlàpàk utonpa yamùk, 7 pe kàyik yamùk yanùntàk kon àkklottapai'nokon wakù pe tùttusan, Akkwalù ke molopai pukkek ke iwanùssak kon pe, pùsamlo tùlù ina uya màlà sàlà yennài nan pe tok wetoppe.

Romans 13:13

Welaikanpai'nokon uchi wakù pe, kappon yamùk weinai tùwemassan kasa, tùwechipottùmase là pùla tùwentaimepàsse pùla wapùla wetùnnàtok pùla, àli imakuyippù ànkuppai esak wannà ke we'nàtok pùla wapùla esak wettok ànkuppai pùla, wepanta'mantok pùla wapùla kùlùmàlunnàtok pùla.

Romans 13:3

Masapùla pata yesappe nai'nannùk mùkyamlo wakù ku'nàinan usenalippatok ipàk ton pen tùse mùkyamlo àli ku'nàinan usenalippatok ipàk. Usenalippantok pùla na' eppai messatàu pata yesak tapàikketù ke nai'nùk pàk? Wakù pe nai'nùk uchi ikuttàk kon molopai ayapulà kon ya màlà.

Romans 14:18

Màlàpàk ànù'là Christ ponaloppe tùwe'wotokomasen sàlà kasa uya Katù yauchinpa màlà molopai kappon uya wakù mùkkàlà te màlà ipàk.

1 Corinthians 4:5

Màlàpàk yà'làlà kùkkottùmatàu iwalai iweyu wapiya, Itepulu uyàpu imàmuttàk. Ewalupàttau yonansappe tùwessen nepù ya màlà akkwa yak molopai kappon yamùk usenumenkatok tok yewan yawon yenpoika ya màlà. Màlà yattai Katù winàpaino apulàntok yepolo tok uya màlà tewin pà'ne.

2 Corinthians 13:7

Ina nàpùlemayan Katù pàk àli kupù auya'nokon tukaik. Iwalai kupù auya'nokon wakù pe ina we'wotokomasak yekama toppe neken auya'nokon iche pùla ina man. Tùse iwalai kupù auya'nokon iche ina man ina uya ikupù pùla kasa là iwessak tùse.

2 Corinthians 6:8

Namantok yau molopai kuli'mantok yau; àli pe uselupantok tùpàkù'nokon yau molopai wakù pe tapulàtok kon yau. Kasei ton tukaik tesattok kon yau, tùse ailon pe ina wechi.

2 Corinthians 8:18

Ya'là tùwe'wotokoma kon tonpa yeunossan ina. Mùkkàlà tùnamasen tamù'nawolon sochi yamùk tau iwotokoyi Wakù Itekale yekama ya winà.

2 Corinthians 8:21

Masapùla wakù kupù tùuya'nokon iche ina man, Itepulu yenu yau neken pùla, tùse kappon yamùk yenu yau nàlà.

Galatians 5:22

Tùse wakù ton Akkwalù winàpai tùuyàssan màlà pùnùnmantok, utauchinpantok, echitonpa pe we'nàtok, pàlikantok, usentupantok, wakù pe we'nàtok, ailon pe we'nàtok,

Ephesians 4:25

Tàwà ichi kasei pe we'nàtok pùla nechii! Tàwà tamù'nawolon kon uselupatok ailon pe nechii tùtonpa kon pàk, masapùla tamù'nawolon kon kùmyamlo mùkyamlo tewinan itesak.

Ephesians 5:9

Masapùla akkwa màlà eke pe kulu tamù'nawolon yà'là yekkwa là ku'nài wakù pe we'nàtok, ikasa we'nàtok, molopai ailon.

Ephesians 6:14

Màlàpàk tùwekonekaik ettàk kon. Ailon ke epokùlùyittàtàk kon. Ikasa we'nàtok itùtàk kon àpplopo kon wapu pe.

Philippians 3:1

Molopai we'nonka pe nen uchi, utonpa yamùk, tàwàichi Itepulu elepai'nokon eke pe utauchinpantok ke. Tùusetakkasen pen Iulà màlà lùppù wapiya umenukappù lùppù menuka tu'ma uya pàk. Àpùikattà kon ya màlà ittu kon pa kulu.

Colossians 4:5

Tùttuik melaikatàik mùkyamlo ailon tawonnan pen winàkàik tok kùlottau. Tamù'nawàlà eweyu kon yapulàtàk kon wakù pe.

1 Thessalonians 4:12

Sàlà kasa ailon tawonnan pen uya anamatok kon yepolo auya’nokon màlà, molopai enpen ànù'là pàk ewechi kon pen nen uchi.

1 Timothy 2:2

Kin yamùk, molopai tamù'nawolon kon potolù yamùk ponaloppe, wema'nàtoppe eppana àsà pùla molopai echitonpa pe, wakù pe Katù kùpùikattànài tauchinpaik molopai iwalai iteselu pe tùwelaikaik we'nàtoppe.

1 Timothy 3:11

Tok noppù wechi nàlà màlà wakù pe, àli pe tùuselupasen tùtonpa pàk pe pùla; wakù pe tùttuik tùwemassen pe, ailon pe tamù'nawolon yau tùwessen pe.

1 Timothy 3:4

Tùwùk tawon kon yesappe molopai wakù pe tùmunkà yamùk ku'nài pe tùmaimu yawàlà, tùnamasen pe tùwettoppe.

1 Timothy 4:12

Ànùklà tùma'le tukaikno eyentak mule pe là ewechi pàk, tùse ailon tawonnan uya yentok ipàkàlà pe ekkà, euselupatok yau, eyeselu yau, euchi'nùnmantok yau, ailon tetok auya yau, molopai wakù pe esuken, àli pùla ewettok yau.

1 Timothy 5:10

molopai nàlà wakù ku'nài pe itekale nechiik: tùmunkà yamùk yemokkanài wakù pe pe, kaklan yamùk yanùnnài tùwùk tak pe, Katù ponalok kon pùta kolùkanài pe, tùwettalumattàsan pùikattànài pe, molopai tamù'nawolon yà'là yekkwa là wakù ku'nài pe.

1 Timothy 5:2

nossan yamùk, koko yamùk, asanon kasa, molopai ema'nomichi àwàlichi ton kasa, tùwanmùla.

Titus 1:8

Tùutauchinpaik kappon yamùk yanùnnài pe tùwùk tak molopai màlà wakù pe nai'nùk pùnùnmanài pe. Tesak yepulu pe tùwemassen pe yà'làlà àli ànkuppai tùwettok winàpai, ikasa, wakù pe Katù yenu yau, molopai tùttuik tùwemassen pe.

Titus 2:14

Iwettùlùppù màlà kùponalok kon pe, kùpùikattàse tamù'nawolon àli winàpai molopai kùkonekase esukenan kon kappon yamùk tùponalok kon pe kulu neken molopai wakù ànkuppai nokon kulu pe neken.

Titus 2:2

Amoko ton lùiwa kàyik yamùk yelupakà, elannek pe, wakù pe itekale, wakù pe tùttuse tùwessan pe tok wettoppe, meluntà pe ailon tetok tùuya'nokon yau, tùuchi'nùnmasan pe, molopai yà'là yekkwa là pàlikannan pe.

Titus 2:7

Àmàlà nàlà, tamù'nawolon yau wakù pe yentok ipàkàlà pe ekkà wakù yà'làlà wotoko yau. Ailon pe ekkà molopai tùumayintaik enupantok auya yau, eusennaka pe pùla.

Titus 3:14

Tonpa wannà yamùk uya wakù wotoko kuttok yak tùweyu kon tùlù iche we'nà man, yà'là pùnon kulu wettok iche yau pùikattàn pàk tok wettoppe; tapulàsen pe tok wemattok wettoppe.

Hebrews 11:2

Ailon tetok winà màlà penalok kon kappon yamùk pàk wakù pe Katù uselupappù.

Hebrews 13:18

Ina pona àpùlematàk kon. Ina nùttuyan kulu wakù pe, tùwamùla we'nàtok yesappe ina wechi, molopai ikasa nai'nùk ànkupai tàwàlàlà.

James 1:27

Sàlà màlà wakù esuken we'nàtok Katù, Kùkàipùnù yemloto po: ichan pùnon molopai ikàipùnù pùnon mainanpa molopai itayappù iwelichak kon mainanpatok wettalumatàntok yau, molopai mattanù'nài àli yeselu winàpai we'nà màlà wakù.

James 3:17

Tùse pukkeppe we'nàtok màlà epùn poino, wapiyalok kulu wakù esukenan; ewan wàlàkattok, tenpe àsà pe pùla we'nàtok tùwanmùla, alomùla, molopai echitonpa pe ku'nài; usentupantok ke iwanùssak màlà, molopai wakù eselu ne'nài; tamù'nawolon kon namatok e'kkaichalà yenpoikanài molopai ennakanài pùn.

1 Peter 1:22

Masapùlaichi esuken ewenasak kon màlà ailon yawàlà ewechi kon winà, ailon uchi'nùnmantok yesappe ewechi kon tùulon kon ailon tawonan pàk pàk, echi'nùnmatàk kon eke pe tamù'nawàlà eyewan kon ke.

1 Peter 2:12

Eyeselu kon wakù pe nechii Katù ittunnan pen kùlottau, àmottùnpa kon tok uya yau, àli kussan tok te tok uya yau, wakù eyeselu kon yentoppe tok uya, molopai nen uchi Katù yapulàtoppe tok uya iiyàpù Weyu yattai.

1 Peter 4:8

Wapiya kulu kappon yamùk tù'nùnmaik ettàk kon eke pe kulu, masapùla uchi'nùnmantok màlà tukkan àli waputtànài.

2 Peter 3:1

Utonpa yamùk! Sàlàichi màlà kaleta yakon itekkwa pe unmenukappù apyakù'nokon. Asakklàma ukaletayi yau eyenpenatanùpùiche wessak man eusenumenkatok kon yau sàlà yamùk pàk.

1 John 3:18

Umunkà yamùk! Pùnùnmantok kùuya'nokon imaimuppù pe neken nà kùsettak molopai uselupantok pe neken nà; tùse i'napailon ailon uchi'nùnmantok pe iwechi, welaikantok yau tùusensen pe.

1 John 3:3

Tamù'nawolon kon sàlà màmu'nàinan Christ yau tùwekkussan esuken, Christ wechi esuken kasa.

1 John 4:1

Utonpa yamùk, ailon kùkatàu tamù'nawolon kon, Katù yakkwalù yesappe tukaik tùusennakasan pàk, tùse yentàk kon sàlà akkwalù itesappe tok wettok wechi là Katù winàpaino pe. Masapùla tukke Katù Maimu yenpoikannan pe tukaik tùukaseitasan utàppù man mailàlà wolù yau.