Philippians 4:6 - Patamuna New Testament Revised

⁶ Tùutaimelunpaik kettàu yà'làlà pàk, tùse àwàpùlematok kon yau. Katù yekamappotàk kon, iche kulu ewettok kon yennatàk ipàk, tenki tetok itewan pe tàwàlà.

Philippians 4:6 ပူးပေါင်းရင်းမြစ်များ

Matthew 10:19

Tok uya enessak kon eyittutok kon pe yau, kataimelunpatàu yà'là te auya'nokon pàk wapùla yà'là kasa euselupa kon pàk. Iweyu uyàssak yau, yà'là tetok auya'nokon ke elepa kon màlà.

Matthew 13:22

Tùpànsen iwepukasak lùppù àlittak màlà mùkyamlo Katù Maimu yetannan. Tùse utaimelupantok sàlà motau wema'nàtok pàk molopai mamin kuttok wakùli wannà pe màlà Katù Maimu yeulankanài. Molopai tok wepeta pen.

Matthew 6:34

Màlàpak uchi kataimelunpatàu ewanawolok pàk. Masapùla tùyiwalà utaimelunpantok ipàk yesappe iwechi màlà. Màlàpàk wei kaichalà utaimelunpantok wechi màlà molo,” teppù nàlà Jesus uya.

Matthew 6:8

Tok kasa kettàu, Katù mùkkàlà àkàipùnù kon molopai iche ewettok kon ittunài mùkkàlà tùpàk yenna auya'nokon wapiya.

Luke 10:41

Itepulu uya yeikuppù, “Martha, Martha, mataimelunpayaik molopai mesenumenkayaik eke pe tukkan pàk.

Luke 12:22

Màlàyau Jesus uya ta'lon kon pàk, “Sàlà kasaichi iwechi pàk tekamayaik àpàkù'nokon, Kataimelunpatàu ewemattok kon pàk, yà'là là napù auya'nokon pàk, wapùla eyesak kon pàk, àpon kon iche ewettok kon pàk.

Luke 12:29

“Màlàpàk uchi kataimelunpatàu, annapù kon woton molopai eninchi kon woton iwa pàk.

Luke 18:1

Jesus uya tok pàk sàlà panton yekamappù màlà, tok yenupatoppe tùuya tàwàlà là tok wàpùlematoppe, molopai ailon tetok tùuya'nokon nonka tok uya tukaik.

Luke 18:7

Katù uya ken na' tùnanùmùssan kalawù tùpàk weinai, molopai ewalupàttau, tùse italumattànàippù tùtalumattàse pùla iwechi?

1 Corinthians 7:21

Tepotolù keichi ewechippù kon Katù uya àkà'ma kon yattai? Tàwà nechii kataimelunpatàu, tùse itepotolù pùla wenantok yattai yesappe ewechi kon yau yapulàtàk kon kulu.

1 Corinthians 7:32

Autaimelunpa kon iche pùla wessaik. Inoppù pùn kàyik mùkkàlà tùusenumenkasen Itepulu wotokoyi pàk, yà'là kasa là Itepulu yauchinpatok tùuya pàk.

2 Corinthians 1:11

Àwàpùlema kon winà nàlà ina ipùikattàtàk kon. Màlà kasaichi iwechi màlà àwàpùlematok kon ina pona useiku molopai Katù uya ina pùlema màlà, tukkan kon uya tenki te toppe ina pàkànsau.

Ephesians 5:20

Tàwàlàlà tenki katàk kon tamù'nawolon pàk Katù Kùkàipùnù kon pàk, Kùyepulu kon Jesus Christ yesek yau.

Ephesians 6:18

Àwàpùlema kon yau sàlà yamùk ikuttàk kon tamù'nawàlà Katù uya, pùikattàntok yennai'ma. Tàwàlàlà àpùlematàk kon Wakù Akkwalù meluntàlù yau. Màlàpàk tùwekonekaik ettàk kon. Ke'nonkatàu, màpùlematàik tamù'nawolon kon Katù ponalok kon kappon yamùk pona.

Colossians 3:15

Tàwà echitonpa pe we'nàtok Christ nùtùlù eyewan kon yesappe nechii. Masapùla sàlà echitonpa pe we'nàtok yak Katù uya àkà'masak kon màlà tamùkke tewin itesak. Molopai tenki tawon pe ettàk kon.

Colossians 3:17

Tamù'nawolon ànkupù kon wapùla euselupatok kon nekkupùik Itepulu Jesus yesek yau, tenki te auya'nokon pe mùkkàlà yai Katù Kùkàipùnù kon pàk.

Colossians 4:2

Màpùlematàik tàwàlàlà. Enpen mettàik àwàpùlema kon yau, tenki teima Katù pàk.

1 Timothy 2:1

Wapiya kulu, tok ponalà'ne kappon yamùk pona àwàpùlema pa eyekamappoyan Iulà. Tamù'nawàlà tok pùikattàtoppe Katù uya màpùlemaik molopai tenki tetok auya tok pàk mekamaik Katù pàk.

1 Timothy 5:5

Tewinchalon kulu, ànù'là ipùikattànài woton pùn uya mà, enpen tùwettok nonkasak màlà Katù pona tà molopai tùpùikatàtok yenna pàk iwechi ewalupà kaichalà molopai wei kaichalà.

1 Peter 4:7

Tamù'nawolon yà'làlà wenukattok yattai mei pùla man. Eyesak kon pe ettàk kon, molopai enpen ettàk kon, àwàpùlema kon pe.

1 Peter 5:7

Tamù'nawàlà ayaimelunpa yatài'nùk inonkatàk kon ipona,masapùla amainanpa kon ya màlà.