Philippians 4:18 - Patamuna New Testament Revised

¹⁸ Tamù'nawolon ulepatok auya'nokon yeposak uya man. Molopai iche wettok yentak kulu nettai. Molopai sàlà pe tamù'nawolon iche wettok yesappe wessaik, Epaphroditus uya tamù'nawàlà ulepatok nessak man upyak apyapai'nokon. Sàlà yamùk wechi màlà wakù appoi'nan tùtùsen kasa Katù pona, itùsak yau Katù nanùmù pe nai'nùk molopai yauchinpanài pe nai'nùk kasa.

Philippians 4:18 ပူးပေါင်းရင်းမြစ်များ

Yeunossak kon Wotokoyi 10:4

Inchelù yenupàkà iwechippù tùusenalippai'ma molopai, “Yà'là pe nai, Uyepulu?” teppù ya. Inchelù uya imaimu yeikuppù, “Katù uya àwàpùlematok molopai entuppa'nokon lepa pàk ewe'wotokoma tok yanùnsak man, molopai eyittusak ya man.

Romans 12:1

Màlàpàk utonpa yamùk, Katù usentuppatok kùpàkù'nokon pàkàlà, apawanattàyatàu Iulà, Katù yemyak nulà, nulànan tùttusen Katù yemyak kasa ettùtàk kon iwotokoyi yak esuken molopai yauchinpanài yeppe. Sàlà uchi màlà ailon kulu namantok molopai yapulàtok àntùlù kon.

2 Corinthians 11:8

Tùulon kon sochi yamùk lapumappù uya màlà uye'matok tok uya yekkwatù ke tok winàpai àpùikattàtok kon uya ike pe.

2 Corinthians 9:12

Sàlà yamùk ànkupù kon uya neken là Katù ponalok kon pùikattàsak pen màlà. Tùse tukkan kon uya nàlà màlà tenki te Katù pàk.

Ephesians 5:2

uchi'nùnmantok ewemattok yau nechii, Christ uya kù'nùnmappù kon molopai iwettùlùppù kùponalok kon pe kasa, wakù pe tùkà'nùnsen tùtùsen Katù yauchinpanài pe kasa.

Philippians 4:12

Tùttuyaik yà'là kasa là yà'làlà pùla we'nà wechi, wapùla tukke là yà'làlà yesappe we'nà, iche we'nàtok yentai. Sàlà ittusak uya man i'nailàlà. Wapùla yà'là yattai là, uyewan tàlàkka'nùsse wettoppe, takkole là wechi yau wapùla iwan pe là, tukke là yà'là là yesappe wechi yau, wapùla malalà itesappe wechi yau.

2 Thessalonians 1:3

Tenki te kulu sàlà ina uya Katù pàk àpàkànsau'nokon tàwàlà, utonpa yamùk! Sàlà wechi màlà ikasa, masapùla ailon tetok auya'nokon Christ pàk yawàlà ewettok kon nenayan meluntà pe, molopai eke pe, molopai euchi'nùnmatok kon nenayan tense eke peiwa.

Hebrews 13:16

Wakù kuttok uchi auya'nokon kùpputtàka'nùttàu molopai àtonpa kon pùikattàtok auya'nokon, masapùla sàlà yamùk yekkwa tùtùsan wechi màlà Katù yauchinpanài pe.

1 Peter 2:5

Àitàk kon nulànan tàk kasa, molopai tapulàsan pe ettàk Katù yùwùk kappon namùppù pen tensen pen yamù yau, màlà motau wakù pe tùwe'wotokomasan pe ewechi kon pa, wakù ton Katù lepatok iche iwettok tùlù pàk Jesus Christ yai .