Philippians 4:12 - Patamuna New Testament Revised

¹² Tùttuyaik yà'là kasa là yà'làlà pùla we'nà wechi, wapùla tukke là yà'làlà yesappe we'nà, iche we'nàtok yentai. Sàlà ittusak uya man i'nailàlà. Wapùla yà'là yattai là, uyewan tàlàkka'nùsse wettoppe, takkole là wechi yau wapùla iwan pe là, tukke là yà'là là yesappe wechi yau, wapùla malalà itesappe wechi yau.

Philippians 4:12 ပူးပေါင်းရင်းမြစ်များ

Matthew 11:29

Uyapyoto pe ettàk kon, molopai uwinàpai esenupatàk kon. Masapùla tùusentupasen Iulà molopai àssà'mùn Iulà uyeselu yau. Molopai ayakkwalù kon wàlàkkattok yepolo auya'nokon màlà.

Matthew 13:52

Màlàpàk yeikuppù ya, “Sàlà uyaichi yekamasak màlà, tamù'nawolon kon Law pàk enupannan itepulu pe we'nàtok epùn po pàk wechi màlà tapùi yesak emennak ton molopai penalok kon mamin yamùk yenpakkayai'nùk ipilittok tùuya tapai tak kasa,” tukaik.

2 Corinthians 10:1

Tùusentuppaik molopai wakù pe Christ wettok winà, apawanattàyatàu Iulà. Iulà Paul “àssà'mùn” apyau'nokon wechi yau, tùse “meluntà” apyau'nokon pùla wechi yau.

2 Corinthians 10:10

Tùulon kon uya, “Paul kaletayi màlà àsà molopai meluntà, tùse kùpyau'nokon iwechi kappon pe yau, atu'mùn mùkkàlà molopai imaimu màlà yà'là pen!” te.

2 Corinthians 11:27

We'wotokomassak màlà sa'man pe molopai usetakkasak. We'nùmù pùla wechippù echipalà. Wapàkkassak wechippù màlà molopai we'naklipasak. Iteipa pùla wessak màlà echipalà, ikope molopai ipon pùla wechippù.

2 Corinthians 11:7

Katù yekale yekamappù uya àpàkù'nokon epe'mùla. Àsà'mùla wenappù eke pe àkuttok kon pe uya. Ikasa pùla na' wessa' màlà?

2 Corinthians 11:9

Apyau'nokon wechi yattai molopai yà'làlà iche wechi yau ayaimelunpa kon uya pùn. Masapùla ailon tawonnan Macedonia pon kon uya tamù'nawolon iche wettok nepùppù màlà upyak. Pena iwechippù kasa ewanawà iwechi màlà, ayaimelunpa kon uya pen.