Philippians 4:1 - Patamuna New Testament Revised

¹ Màlàpàk nen uchi utonpa yamùk, u'nùn pe kulu messatàik. Molopai eyenpai'nokon wessaik, masapùla utauchinpatok pe ewechi kon màlà, utapulàtok iwinà pe. Uwechi yakon non, ailon pe ettàk kon Itepulu pàk.

Philippians 4:1 ပူးပေါင်းရင်းမြစ်များ

Matthew 10:22

Tamù'nawolon kon uya eyeya'noma kon màlà upàkànsau. Tùse mùkkàlà ailon pe tùwessen iwenukapù tepose wepùikattà màlà,” teppù Jesus uya.

John 8:31

Màlàyau Jesus uya ailon tawonnan tùpàk Jew yamùk pàk, “Enupantok uya yawàlà ewechi kon yau, unenupa ton pe kulu ewechi kon màlà.

Yeunossak kon Wotokoyi 11:23

Tùwelepansak yau molopai Katù wettok wakù pe yensak tùuya yau itauchinpappù, molopai tamù'nawàlà tok panamappù ya, ailon pe tok wettoppe Itepulu Jesus pàk tamù'nawàlà tewan kon ke.

Yeunossak kon Wotokoyi 14:22

Tok uya ailon tawonnan Jesus pàk meluntàpappù miyaiwa tok wettoppe ailon tetok tùuya'nokon pàk. “Utànnù'nokon màlà tukke wettalumattàntok yawàlà Katù wettok itepulu pe yak wewonàtok kon pe,” .

Yeunossak kon Wotokoyi 2:42

Tok uko'manpàtùppù tùusenupa kon pàk yeunossak kon uya enupantok pàk, tamùkke tok tok wechippù, tùuta'letàtok kon yau molopai tùwàpùlematok kon yau.

Romans 2:7

Tùulon kon kappon yamùk wakù kupù pàk tùwessan, apulàntok, namantok molopai tàwàlàlà wema'nàtok iwannan. Mùkyamlo yemyak Katù uya tàwàlàlà wema'nàtok tùlù màlà.

1 Corinthians 15:58

Màlàpàk uchi, u'nùn ton utonpa yamùk, meluntà pe ettàk kon, katamatàu. Tamù'nawàlà tàwàlàlà Itepulu wotokoyi yak ettùtàk kon. Masapùla Itepulu yau àwotokoyi kon wechi iwoton pe pùla là pen màlà.

1 Corinthians 16:13

Elanneppe ettàk kon, ailon tetok yau meluntà pe ettàk kon, katamatàu, tùusenalippaik pùla ettàk kon.

Galatians 5:1

Imokkasappe we'nàtoppe sàlà Christ uya kùmokkasakù'nokon. Meluntà pe à'mùssakkatàk kon molopai apyoto pe tu'ma we'nàtok yak kettùtàu.

Philippians 1:27

Tùse yà'là pe là wechi pe iwechi yau, Christ yekale nekama yawà memattàik tàwàlà. Màlàyau nen uchi eyense'nokon utà wapùla utà pùla là iwechi tùse eyekale kon neken nà yetatoppe uya, tamùkke tewin itewan, tewin ichenumenkatok, molopai meluntà pe ewechi kon wakù itekale ponaloppe yetatoppe uya.

Philippians 1:8

Katù mùkkàlà ittunài wa te uya wechi ailon pe, eke pe kulu tamù'nawàlà à'nùnmatok kon uya tùuyàssen Christ Jesus winàpai te uya yau.

Philippians 2:16

Wema'nàtok yekale yekamai'ma tok pàk. Màlà pàkànsau àpàkù'nokon utauchinpatok yesappe wechi màlà Christ Weyu yattai; màlà uya yekama màlà yà'là woton pe pùla là we'wotokomappù pe pùla iwechi.

Philippians 2:26

Eyenpai'nokon kulu man tamù'nawàlà molopai ichewankono'masak man e'neppe tùwechi yekale yetasak auya'nokon pàk.

Colossians 4:12

“Wakù pe na' messatàu?” nùkayan Epaphras àtonpa kon nàlà, molopai Jesus Christ yapyoto. Tùwàpùlemasen mùkkàlà tàwàlà eke pe àpona'nokon. Katù yekamapponài meluntà pe ewena kon pa tamù'nawàlà Katù yeselu yau tùwappùik molopai ittunài pe.

1 Thessalonians 3:13

Sàlà kasa eyewan kon koneka ya màlà meluntà pe, wakù pe, Katù namanài pe, esuken ewechi kon màlà Kùkatùyi kon molopai Kùkàipùnù kon yemloto po, Kùyepulu kon Jesus uyàpù tamù'nawolon kon tùponalok kon pokonpe yau.

2 Thessalonians 2:15

Màlàpàk uchi ina tonpa yamùk ailon pe kulu ettàk kon, eyenupappù kon yawàlà, ina uya apanamappù kon tùnta kon yai, wapùla kaleta ina nùmenukappù yau là.

2 Timothy 2:1

Àmàlà, umu, meluntà pe ekkà wakù lepantok yau kùponalok pe nai'nùk Christ Jesus yau.

Hebrews 10:23

Enpen we'nàtok kùnekama kon pàk sa'man pe tùutachiik we'nàpai'nokon, masapùla ailon mùkkàlà Katù ikupù tùuya teppù tùuya lùppù kupù pàk.

Hebrews 3:14

Masapùla uyà'nàsakù'nokon nai'nùk Christ pùkkù pe, utachinpai'nokon uchi meluntà pe wapiya ailon teppù kùuya'nokon nùppù pàk, iwenukapù tepose.

Hebrews 4:14

Mùkkàlà eke kulu paatele yesappe we'nà'nokon man, mùkkàlà iitàsak lùppù Epùn pona, Jesus, Katù Mumu. Màlàpàk uchi meluntà pe utachinpai nokon, ailon tetok kùuya'nokon pàk.

2 Peter 3:17

Tùse amyamlo, utonpa yamùk kulu uya sàlà ittukassak màlà. Elanneppeichi ettàk kon, tùpanama kon yawolon kon pen kappon yamùk utattok winà ayalà kon tukaik, molopai ewesselekkwa kon wakù apatassek kon yapai tukaik.