Philippians 3:9 - Patamuna New Testament Revised

⁹ Molopai iponaloppe wechi ittu uya. Law winà wakù pe ikasa wettok pàkànsau Katù uya uyanùmùppù pen màlà. Sàlà pe nen uchi wakù pe we'nàtok, ikasa, Katù winàpai teposen ailon tetok Christ pàk yai yesappe wessaik.

Philippians 3:9 ပူးပေါင်းရင်းမြစ်များ

Matthew 9:13

Itàtàk kon uchi molopai sàlà Katù Maimu nekama pàk esenupatàk kon, ‘Usentuppantok ichelok Iulà kamo tùlù tùpottàsen pe ichelok pen.’ {Hosea 6.6} Masapùla wakù ton tùnamasan kappon yamùk kà'mase uyàssak pen sàlà, tùse àli ku'nàinan làkku kà'maik uyàssak,” tukaik.

Romans 1:17

Masapùla Wakù Itekale màlà Katù uya kappon yamùk yanùmù ikasa tùpokon pe yekamanài. Ailon tetok yawolon neken màlà, iwepyattàtok motapai iwenukapù ponalà. Katù Maimu uya, “Mùkkàlà iwekonekasak lùppù ikasa Katù pokonpe ailon tetok yai wemapù màlà,” te kasa. {Hab 2.4}

Romans 10:10

Masapùla ailon tawonnan kùmyamlo kùyewan kon yau molopai ikasa kùyanùnsak kon man Katù pokonpe. Kùnta kon ke àli pe we'nàtok yekamannan kùmyamlo Katù pàk molopai wepùikattànsakù'nokon man.

Romans 16:7

“Wakù pe na' messatàu?” te uya Andronicus molopai mùkkàlà nossan, Junias tawonnan pàk, utonpa yamùk Jew yamùk, patikichi tau iwessak kon upokon pe, tùttusan kulu mùkyamlo yeunossak kon Christ yapyoto ton winà, molopai ailon teppù tok uya Christ pàk màlà uwapiya.

Romans 5:21

Màlàpàk uchi, makui wechippù meluntà pe weli'nàtok yak anài pe. Màlà kasa làma Katù wettok wakù pe wechi màlà meluntà pe tùwenasen pe ikasa we'nàtok winà, tàwàlàlà wema'nàtok ne'nài pe Jesus Christ kùyepulu kon yai.

Romans 8:1

Màlàyau sàlà pe nen uchi mùkyamlo Christ Jesus ponaloppe tùwemassan talumattàtok ike pùla iwechi màlà.

Romans 8:3

Law nùkupù yentaino kupùppù Katù uya masapùla Law wechi attu'mùla pàk kappon yeselu wechi attu'mùla pàk, ikupùppù ya màlà tùmu yeunoko tùuya winà, iyàssak lùppù kappon pe àli pàkànsau tùtùsen pe.Màlàpàk makui yattu'mùnkappù ya kappon pe tùwechi ke.

1 Corinthians 1:30

Tùse Katù uya enessak kon man Christ Jesus ponaloppe we'nàtok yak, molopai Katù uya Christ kussak man ittutok kùuya'nokon pe. Mùkkàlà Christ winà Katù pokonpe ikasa kùtùlù kon màlà, esuken molopai kùpùikattà kon àli kuttok winàpai.

2 Corinthians 5:17

Ànù'là wechi Christ ponaloppe yau emennappe iwechi màlà, tamù'nawàlà penalok utàppù màlà, emennak uyàssak màlà.

2 Corinthians 5:21

Mùkkàlà imakuyi pùn kupùppù Katù uya màlà kùmakuyi kon yepeppe tùtùsen pe. Iwinà nen uchi Katù wettok ikasa pùkkù pe we'nàtok kon pe.

Galatians 2:16

Ina nùttuyan kappon yanùnsak ikasa Katù pokonpe ailon tetok ya Jesus Christ pàk yai neken, Law yawà we'nà winà pùla. Kùmyamlo uya nàlà ailon tesak man Christ Jesus pàk Katù pokonpe ikasa anùnnàtoppe Christ yai, Law yawàlà we'nà winà pùla. Masapùla ànù'là yanùntok ikasa Katù pokonpe Law yawàlà iwechi winà pùla iwechi màlà.

Philippians 3:6

Law yawàlà kulu eppai wechippù màlà. Màlàyau ailon tawonnan Christ pàk talumattàppù uya màlà eke pe kulu. Tamù'nawolon Law kupùppù uya, màlàpàk iwalai pen pùla wechippù.

2 Timothy 1:9

Kùpùikattànsak ya màlà molopai kùkà'masak ya esuken we'nàtoppe, yà'làlà kussak kùuya'nokon pàkànsau pùla, tùse iche tùwettok yawà molopai wakù pe tùwettok pàkànsau. Sàlà wakù pe tùwettok tùlùppù ya màlà kùpya'nokon Christ Jesus yau, sàlà pata weyu wepyatàtok wapiya.

Titus 3:5

kùpùikattàppù kon ya màlà yà'làlà wakù wotoko kussak kùuya'nokon pàk pùla, tùse tùusentuppa pàk. Katù uya kùkolùkappù kon màlà Wakù Akkwalù yapàiketù winà. Emennak pe wentuntok ke lepa'nàppà Ya molopai emennak pe wema'nà piyattàtok ke nàlà.

Hebrews 6:18

Màlàpàk sàlà yamùk asa'lon molo man, tùwemyakanmasan pen, Katù ukaseitatok ipàk pen. Wapiyalok ikupù tùuya tetok ya Abraham pàk molopai yakon pe meluntà pe wa teppù ya. Màlàpàk uchi kùmyamlo iwepesak kon pe nai'nannùk Katù piyak, epùikattàse umeluntàtasak man, utachinsak nokon enpen we'nàtok kùyemloto kon pona itùsak nai'nùk pàk.

James 3:2

Tamù'nawolon kon kùmyamlo echipalà'ne ikasa pùla tùwessan. Kappon ikasa pùla tùwessen pen tùuselupatok winà mùkkàlà wakù kulu, molopai ikasa neken tùwessen kappon, molopai tamù'nawàlà tesak yepulu pe tùwessen.

2 Peter 1:1

Sàlà màlà kaleta Simon Peter, Jesus Christ yapyoto molopai ineunokoppù winàpaino, mùkyamlo wakù pe kùkatùyi wettok molopai pùikattànài Jesus Christ yai. Ilepasak kon ailon tetok wakù kulu, ina uya ailon tetok walai ke piyak inmenukappù.

1 John 3:4

Ànù'là tùwemakuimasen wechi màlà Law Katù winàpaino yawà pùla, masapùla wemakuiman wechi màlà Katù Maimu ikkwàtù pe.