Philippians 3:8 - Patamuna New Testament Revised

⁸ Yà'làlà wakù, Christ Jesus Uyepulu tùttuyai'nùk walai pùn. Tamù'nawolon nonkasak uya sàlà. Molopai tenu'masen àlitta kasa ikupù uya, Christ neken nen uchi iche wechi.

Philippians 3:8 ပူးပေါင်းရင်းမြစ်များ

Luke 1:43

Yà'là pe kulu sa' uchi iwechi pàk sàlà eke wekkuppù uwinàkàik ko, Uyepulu yan uya ukakklanpasa' lù?

Luke 11:20

Kane, Katù meluntàlù winà làkku àli akkwalù yamùk yenpakka uya màlà, màlà uya Katù wettok itepulu pe uyàkkassak apyakù'nokon yekama màlà.

John 14:20

Màlà wei uyàssak yattai ittu auya'nokon màlà Iulà wechi Ukàipùnù yau molopai amyamlo wechi uyau molopai Iulà wechi ayau'nokon.

John 14:7

Uyittu auya'nokon yau, Ukàipùnù nàlà ittuppù auya'nokon sàlà eppaino. Sàlà motapai mùkkàlà mùttuyatàik molopai nàlà yensak auya'nokon man,” teppù.

John 16:3

Sàlà yamùk kupù màlà tok uya, masapùla Ukàipùnù wapùla Iulà ittu tùuya'nokon pùla iwechi pàk.

John 17:3

Sàlà màlà tàwàlàlà wema'nàtok kappon yamùk uya eyittutok ipàkàlà, ailon Katù pe ewechi màlà àmàlà neken, molopai Jesus Christ nàlà eneunokoppù.

John 17:8

Masapùla màlà enekamappù lùppù upàk yekamappù uya tok pàk, molopai tok uya yanùnsak man. Ailon pe apyapai uyàpùppù ittuyan tok, molopai tok nàlà ailon nùkayan uyeunokoppù auya pàk.

John 20:13

Molopai tok uya Mary pàk, “Nossan, yà'là pàk makalanyan?” teppù. Màlàyau Mary uya tok pàk, “Tok uya Uyepulu yalàppù man, ittu uya pùla man i'nai yailà là tok uya inonkappù,” teppù.

John 20:28

Thomas uya yeikuppù, “Uyepulu molopai Ukatùyi,” tukaik.

Yeunossak kon Wotokoyi 20:24

Tùse wemattok tùkussaik yà'là pe pùla là, uwotokoyi yenuka'nùttoppe uya, molopai wotoko Itepulu Jesus uya ulepatok unkupùpe kutoppe uya, màlà Wakù Itekale tekamasen wakù pe Katù wettok yekama toppe uya.

Romans 8:18

Tùttuyaik wettalumattàn nokon nai'nùk sàlà pe wechi màlà tamù'nawolon namantok tùusenpoika woton pe nai'nùk kùyau'nokon ma'le kulu.

Romans 8:39

Wapùla kawon kon uya wapùla non yo'non kon uya, yà'làlà pùla iwechi màlà ikonekasak lùppù yau kùpantaka kon woton Katù uya pùnùnmantokù'nokon Christ Jesus Kùyepulu kon yau nai'nùk winàpai.

1 Corinthians 2:2

Masapùla wekkussak wechippù màlà yà'làlà ittutok uya pùla apyau'nokon wechi yau, tùse Jesus Christ molopai ipukapàttok pulusuk po neken kulu.

1 Corinthians 9:10

Kùpàkànsau'nokon kenna' sàlà yamùk pàk ichelupa pen nai'nùk? Kùpàkànsau'nokon iwe'menukasak màlà. Masapùla umà yakanài molopai ipili'nàinan wechi màlà tùwotokoyi kon yepeppù pe ipùkkù yepolo tùuya'nokon pàk enpen tùwessan pe.

2 Corinthians 4:4

Sàlà wolù yepulu uya ailon tawonnan pen usenumenkatok yewalumankasak màlà. Wakù Itekale yakkwayi Christ winàpaino yene tok uya tukaik, mùkkàlà uchi Katù usentok.

2 Corinthians 4:6

Masapùla Katù uya, “Tàwà akkwa nùlenpamùi ewalupàttapai!” teppù, {Gen 1.3} mùkkàlà lùppù Katù uya takkwayi lenpankasak man kùyewan kon yau, Katù namatok yakkwayi ittutok yakkwayi nettoppe tùuya kùpyakù'nokon, Christ yenpatau ilenpamù.

Galatians 1:16

Tùmu yenpoika pàk uyau, tekale yekama toppe uya Jew yamùk pen pàk, ànù'là yekamapposak uya pùla man sàlà pàk.

Ephesians 4:13

Màlàpàk tamùkke tewin we'nàtok yak uyà'nàtokkonpe ailon tetok kùuya'nokon yau molopai Katù Mumu ittutok kùuya'nokon yau. Christ walai non kappon yamùk pe wenan nokon màlà, sàlà kasa iwechi màlà Christ kasa kulu usemokkan ponalà.

Philippians 1:1

Sàlà màlà kaleta Paul molopai Timothy tawonnan, Christ Jesus yapyoto ton winàpaino. Tamù'nawolon kon Christ Jesus ponalok kon pe tùwemassan Philippi po piyak imenukasak, tamùkke sochi yennàinan molopai tok pùikattànnan ponalok:

Philippians 3:10

Christ neken ànùttupai wessaik molopai iwe'wuluukatok meluntàlù. Iwettalumattàppù pùkkù pe eppai wessaik molopai ikasa enapai iwelittok yau.

Philippians 3:12

Sàlà yau yenuka'nùssak uya man te uya pùla kan man tà, wapùla wakù pe kulu wenakassak pùla man. tùse unepolo lùppù molo man masapùla Christ Jesus uya uyachisak man.

Philippians 3:7

Tùse tamù'nawàlà màlà yamùk unepoloppù kasa unkupù tùkussaik yenu'masak kasa sàlà pe Christ pàkànsau.

2 Timothy 4:6

Iulà nen, utùtok yattai uyàssak man Katù ponaloppe, sàlà wema'nàtok nàntok uya yattai.

Hebrews 3:14

Masapùla uyà'nàsakù'nokon nai'nùk Christ pùkkù pe, utachinpai'nokon uchi meluntà pe wapiya ailon teppù kùuya'nokon nùppù pàk, iwenukapù tepose.

1 Peter 2:7

Sàlà màlà wakù kulu tàk amyamlo ailon tawonnan Katù pàk pona; tùse mùkyamlo ailon tawonnan pen pona: “Màlà tàk wechippù tapùi yamùnnan nenpàttùppù pe, màlà lùppù wenasak man iche kulu we'nàtok pe tùulon kon tàk yentai,” teppù nàlà. {Psa 118.22}

2 Peter 1:2

Tàwà wakù pe we'nàtok Katù winàpaino molopai echitonpa pe we'nàtok apyau'nokon nechii eke pe kulu, ipùkkù lùppù pe pùla tamù'nawàlà Katù molopai Jesus Kùyepulu kon ittutok auya'nokon yai.

2 Peter 1:3

Katù yapàiketù uya tamù'nawolon iche kulu we'nàtok ke lepansakù'nokon màlà wema'nàtoppe molopai imaimu yawàlà we'nàtoppe. Sàlà yeposak màlà kùuya'nokon masapùla ittu kùuya'nokon pàk mùkkàlà kùkà'manàippù kon tapulàtoppe molopai wakù pe tùwettok pùkkù pe we'nàtoppe ittutok kùuya'nokon yai.

2 Peter 1:8

Sàlà yamùk wechi ayau'nokon, molopai iwekatù yau, ewepeta kon pa àkupù kon ya màlà molopai tapulàsen pe Kùyepulu Jesus Christ tùttuik we'nàtok yau.

2 Peter 3:18

Tùse wakù pe we'nàtok molopai ittunài pe we'nàtok Kùyepulu molopai Kùpùikattànài Jesus Christ winàpaino yau Jesus kasa enatàk kon tamù'nawàlà. Tàwà apulàntok ipyau nechii, sàlà pe molopai tàwàlàlà! Emen.

1 John 1:3

Màlà ina neneppù lùppù molopai ina netappù yekama nàlà ina uya àpàkù'nokon, ina kùlottau echitonpa pe we'nàtok yau ewechi kon pa Kùkàipùnù molopai Imu Jesus Christ pokonpe.

1 John 2:19

Pùsamlo kappon yamùk wechippù kùkklottawon kon pe kulu pùla màlà, màlàpàk màlà tok uya kùnàmàppù kon. Kùkklotawon kon pe tok wessak yau, tok wechippù kùpyau'nokon eppaino sàlà. Tùse tok uya kùnàmàppù kon tok wechi kùkklottawon kon pe kulu pùla ittutoppe.

1 John 5:20

Ittu'nokon nàlà man Katù Mumu uyàssak molopai lepansak kon ya ittutok ke; ailon pe nainùk ittutoppe. Molopai mùkkàlà ailon pe nai'nùk yau we'nà'nokon man, Imu Jesus Christ yau. Pùsàlà ichi mùkkàlà ailon Katù molopai sàlàichi màlà tàwàlàlà wema'nàtok.