Philippians 3:6 - Patamuna New Testament Revised

⁶ Law yawàlà kulu eppai wechippù màlà. Màlàyau ailon tawonnan Christ pàk talumattàppù uya màlà eke pe kulu. Tamù'nawolon Law kupùppù uya, màlàpàk iwalai pen pùla wechippù.

Philippians 3:6 ပူးပေါင်းရင်းမြစ်များ

Matthew 23:25

“Àsà pe iwechi màlà àpona'nokon Law pàk enupannan, molopai Pharisee yamùk! Tùusennakasan amyamlo! Àkokù kon molopai apalapiyi kon kukannan polopo, tùse yau useka'nonkantok molopai iwalàwannà iche we'nàtok kuttok ke iwanùsak man.

Matthew 5:20

Tekamayaik àpàkù'nokon Pharisee yamùk molopai Law pàk enupannan yentai ikasa lùiwa pùla ewechi kon yau, itepulu pe we'nàtok epùn po yak ewewomù kon pen màlà,” teppù Jesus uya.

Luke 1:6

Asakklàma tok wemapùppù màlà wakù pe Katù yenu yau, molopai tok uya tamù'nawàlà Katù uya enupantok kupùppù màlà. Molopai tok wechippù yawàlà.

Yeunossak kon Wotokoyi 21:20

Yetasak tùuya'nokon yau tok uya Katù yapulàppù. Màlàyau tok uya Paul pàk, “Menyaik utonpa, tukke Jew yamùk wenasak ailon tawonnan pe molopai tamù'nawolon kon mùkyamlo law yawàlà kulu tùwessan.

Yeunossak kon Wotokoyi 22:5

Eke kulu paatele molopai Jew yamùk Yepulu yamùk uya yekama màlà àpàkù'nokon ailon pe uselupa. Kaleta menukasak yamùk yepoloppù uya màlà tok winàpai, Jew yamùk ailon tawonnan Jesus pàk Damascus pon kon piyak. Màlàpàk utàppù miyalà Damascus pona tok yachise tok nettoppe Jerusalem pona tok taulonpàsse, tok talumattà toppe,” tukaik.

Yeunossak kon Wotokoyi 26:5

Tok uya tachin pe ittuppù màlà, enekamapai tok wechi yau, iwepyattà motapai wemapùppù sa'man kulu Pharisee yamùk yeselu yau.

Yeunossak kon Wotokoyi 8:3

Tùse Saul wechippù sochi mattanùpùiche. Tapùi kaichalà tùutà pe ailon tawonnan wolopàtùppù ya asakklàma kàyik yamùk molopai nossan yamùk molopai tok tùlùppù ya patikichi tak.

Romans 7:9

Nulà wechippù màlà pena Law ittu uya pùla iwechi yau. Tùse iyàssak yau makui wennappù molopai welikùppù.

1 Corinthians 10:32

Ànù'là wettatai'matok ipona woton kùkkonekatàu, Jew yamùk pe là iwechi wapùla Jew yamùk pen nà wapùla Katù sochiyi tawon kon nà.

1 Corinthians 15:9

Masapùla yeunossak kon ma'lan kulu Iulà, molopai yeunossappe yesatù yeselùkek pùla wechi sàlà, masapùla Katù sochiyi talumattàppù uya màlà.

Philippians 2:15

Àli ku'nài nan pe pùla esuken Katù munkà pe, wakù pe tùwemassan pe ewechi kon pa. Molopai ikasa pùla àli pe kulu tùwemassan kappon yamùk wolù yawon kon kùlottau elenpantàk kon. Chilùkà yamùk ulenpansak kak yau kasa.

Philippians 3:9

Molopai iponaloppe wechi ittu uya. Law winà wakù pe ikasa wettok pàkànsau Katù uya uyanùmùppù pen màlà. Sàlà pe nen uchi wakù pe we'nàtok, ikasa, Katù winàpai teposen ailon tetok Christ pàk yai yesappe wessaik.

1 Timothy 1:13

àli pe là nen uselupasak tùpàk tùse, tùtalumattà uya molopai tùmottùnpa uya tùse. Katù usentupappù màlà upàk, masapùla unkupù ittui'ma pùla welaika ikasa kasa pàk molopai ailon te uya pùla lùppù lànen tùse.