Philippians 3:18 - Patamuna New Testament Revised

¹⁸ Wapiya sàlà yekamapàtùppù uya àpàkù'nokon echipalà, molopai sàlà pe tekamatu'mayaik uyenu palu kùlottawàlà. Tukkan kon nemassan Christ welikùppù pulusuk po yeyaton pe.

Philippians 3:18 ပူးပေါင်းရင်းမြစ်များ

Luke 19:41

Pata winàkàik lùiwa iyàpùppù màlà molopai pata yensak tùuya yau, ikalawùppù iwenai,

Yeunossak kon Wotokoyi 20:19

Tamù'nawàlà àssà'mùla we'nàtok yau molopai eke pe itenu palu uwotokoyi kupùppù uya Itepulu Jesus yapyoto pe, sa'man ton uyàssak Jew yamùk wekkussak upàk winà.

Romans 9:2

Eke pe kulu usewankono'matok man molopai uyewan nùpokoitayan tàwàlàlà ichipittà yeselùkek pùla, utonpa yamùk pàkànsau.

1 Corinthians 1:18

Masapùla Christ welittok pulusuk po yekale màlà wo'mattantok mùkyamlo tùumattasan pona, tùse kùmyamlo iwepùikattàsak kon pona Katù yapàikketù pe iwechi màlà.

1 Corinthians 6:9

Ittuichi auya'nokon pùla nai àli ton uya Katù wettok itepulu pe patassek yepolo pe pùla iwechi? Kesenkuttàtàu uchi. Imakuyippù pe tùwessen tesak ke, wapùla ailon pen katù yemloto po tùwepeimasan, wapùla tùulon noppù pokonpe tùwessan, wapùla tùwalai pokonpe àli ku'nàinan, kàyik pokonpe tùwessen kàyik,

2 Corinthians 11:13

Masapùla pùsamlo yekkwa kàyik yamùk wechi màlà ailon pe pùla yeunossak kon pe. Kasei pe tùwessan tùwotokoyi kon pàk molopai tùwepontàsan Christ neunokossan kasa.

2 Corinthians 11:29

Atu'mùla ànù'là wechi yau atu'mùla nàlà tùuchittusen Iulà, ànù'là wenapposak àli pe we'nàtok yak yau, tùutaimelunpasen Iulà.

2 Corinthians 2:4

Emenukappù kon uya eke pe kulu tùusewankono'mase molopai eme'neppe itewan, molopai eke pe itenu palu echii'ma, eyewankono'manài'nokon pe pùla, tùse eke pe tamù'nawàlà à'nùnma kon uya ittu kon pa.

Galatians 1:7

Itekale pen kulu màlà. Tùse tùulon kon kappon yamùk utaimelunpantok yak àtùyatàu molopai Christ yekale mùyakanmaiche tok man.

Galatians 2:14

Tok utà ailon Itekale yeselu yawàlà pùla yene uya pàk, Peter pàk, tamù'nawolon kon yemloto po, “Jew àmàlà, tùse Jew yamùk pen kasa memassaik, Jew kasa pùla. Yà'là kasa ken uchi Jew yamùk pen yeka'nonka auya màlà Jew yamùk yeselu yawàlà tok wemattoppe?” teppù uya.

Galatians 2:21

Wakù pe Katù wettok nonka uya pen sàlà. Masapùla kappon yanùntok ikasa Katù pokonpe Law yai pe iwechi yau, yà'là woton pe pùla Christ welittoppan.

Galatians 5:21

tùulon yemamin iche kùlùmàlunnàtok, wetùnnàtok, tamùkke wepili'nàtoke àli kusse molopai tùulon kon sàlà yekkwa ton ku'nàinan. Eyekamappoyatàu Iulà wapiya eyekamappoppù kon uya kasa. Mùkyamlo sàlà yamùk ku'nàinan uya Katù wettok itepulu pe yepolo pen màlà.

Galatians 6:12

Mùkyamlo teselu kon polopon yentoppe enenpoikapainai'nannùk wechi màlà Jew yamùk yattàtok yeselu yawàlà ayattàtok kon pe eyeka'nonkaiche'nokon. Sàlà kupù tok uya màlà Christ pulusukù pàkànsau tùttalumattà kon tukaik.

Galatians 6:14

Tùse Iulà, utauchinpa nen màlà Kùyepulu kon Jesus Christ welichak pulusuk pona pàk neken, màlà winà wolù iwelichak kasa man upona molopai Iulà iwelichak kasa man wolù pona.

Ephesians 4:17

Itepulu Jesus yesek yau uchi wa ukayaik molopai tekamayaik tu'ma: Jew yamùk pen kasa ichi kemattàu, iichenumenkatok pùnon, kasa,

Philippians 1:4

Molopai tamù'nawàlà àpona'nokon wàpùlema yau tùwàpùlemasen Iulà tùutauchinpaik tàwàlàlà.

1 Thessalonians 4:6

Màlàpàk uchi ànù' là iwalai pen nà kuttak tùtonpa kon winàkàik, wapùla wakù pe là iwemattok mattanùttak. Sàlà yekamappù ku ina uya àpàkù'nokon, ina eyekamappotantàu tùuseka’nonkaik, Itepulu Jesus uya màlà yekkwa ton àli ku’nàinannùssan talumattà màlà.

2 Thessalonians 3:11

Ina uya sàlà wate, masapùla, tùulon kon kappon yamùk emya'neppe tùwemassan wechi àkklottau'nokon yeta tùuya'nokon pàk, mùkyamlo yà'làlà ku'nài nan pen iwotokoyi pùn walai non tùse tùulon kon yeselu yennài nan, tok pantomù pàk tùuselupasan yauchin pe.

2 Peter 2:10

mùkyamlo kulu akùlù iteselu wakù ke telupa kon yetannan pen molopai Katù yapàikketù nulunpannan. Tùusenalippaik pùla molopai meluntà pe àli pe tùuselupasan mùkyamlo kawon kon akkwalù yamùk winàkàik.

Jude 1:13

Palau pon àsà chipachipa walainon mùkyamlo, kuli'manàinan teselu kon pokonpe tùusenpoika kon ke yaklon kasa. Tùutamasan chilùkà walainon mùkyamlo, Katù uya tok pata woton kussak màlà ewalupàttau we'nàtok tàwàlàlà yau.