Philippians 3:17 - Patamuna New Testament Revised

¹⁷ Utonpa yamùk, yentok ipàkàlà pe unkupùppù yawàlà ewechi kon iche wessaik. Molopai mùkyamlo màlà yentok ipàkàlà pe ina nùkupùppù àponalok kon pe yawàlà kulu nai'nannùk winàpai esenupatàk.

Philippians 3:17 ပူးပေါင်းရင်းမြစ်များ

Romans 16:17

Apawanatàyataù Iulà utonpa yamùk, elanneppe ettàk kon mùkyamlo wepantakantok ku'nàinan, molopai kappon yamùk uya ailon tetok yaimelunpannan pàk. Mùkyamlo uya enupantok ananùmùppù kon kupù tùwakùli kon pe pùla màlà, tok tonpa pe kettàu.

1 Corinthians 10:32

Ànù'là wettatai'matok ipona woton kùkkonekatàu, Jew yamùk pe là iwechi wapùla Jew yamùk pen nà wapùla Katù sochiyi tawon kon nà.

1 Corinthians 11:1

Ukasa emattàk, Christ kasa wemassai'nùk kasa.

1 Corinthians 4:16

Màlàpàk apawanattàyatù Iulà uyeselu kasa eyeselu kon nechii, kùpatakatàik.

Philippians 4:9

Màlà eusenupappù kon ipàk molopai ananùmùppù kon uwinàpai ikuttàk kon, asakklàma umaimu molopai uyeselu yapai eneneppù kon. Molopai Katù elepanài'nokon echitonpa pe we'nàtok ke wechi apyau'nokon màlà.

1 Thessalonians 1:6

Ina yeselu molopai Itepulu Jesus yeselu kasa ewelaikasak kon màlà. Ina wemapù kasa ewemapù kon ke, eke pe ewettalumattài'ma'nokon, Wakù Itekale manùntantàu tùutauchinpaik, Wakù Akkwalù winàpai iyàssak lùppù.

2 Thessalonians 3:14

Molo ànù'là wechi màlà itekale, ina neunossai'nùk sàlà kaleta yau, maimu yawàlà tùwechi woton pen. Tùse meneik, sàlà kasa iwechi yau, tàwà nechii ipokonpe kechii, iwekkuli'matoppe.

2 Thessalonians 3:7

Amyamlo pe eyiwalà'nokon ànkupù kon mùttuyatàik, màlà yamùk ina nùkupùssan. Emya'neppe ina wechi pùn ku apyau'nokon ina wechi yau.

2 Thessalonians 3:9

Ina uya sàlà kupùppù upùikattàtok auya'nokon yeponài yeppe lànen wechi tùse. Ina uya ikupùppù màlà yentok auya'nokon ipàkàlà pe.

1 Timothy 4:12

Ànùklà tùma'le tukaikno eyentak mule pe là ewechi pàk, tùse ailon tawonnan uya yentok ipàkàlà pe ekkà, euselupatok yau, eyeselu yau, euchi'nùnmantok yau, ailon tetok auya yau, molopai wakù pe esuken, àli pùla ewettok yau.

Hebrews 13:7

Ayanàinan ittutàk kon, mùkyamlo Katù Maimu yenpoikannan nùssan àpàkù'nokon. Yà'là kasa là tok wemapùppù ittutàk, molopai ailon tetok tok uya ipatakatàk kon.

1 Peter 5:3

Mùkyamlo anmainanpa kon pe itùsak kon yepulu pe tukaik kettàu, tùse tok uya yentok ipàkàlà pe ettàk kon.