Philippians 3:14 - Patamuna New Testament Revised

¹⁴ Màlàpàk tossalà aitunpe utàyaik teposen winàkàik. Uyepeppù, Katù uya kà'mantok Christ Jesus yai wema'nàtok epùn po, yepotoppe uya.

Philippians 3:14 ပူးပေါင်းရင်းမြစ်များ

Luke 16:16

“ Law molopai Katù Maimu yenpoikannan nùmenukappù lùssan wechippù màlà tapulàsan pe John Enapataukanài wessepolo ponalà. Màlà motapai nen uchi Wakù Itekale Katù wettok itepulu pe yekama man, molopai tamù'nawolon kon nettùyan Katù yemyak tùuseka'nonkaik.

Romans 11:29

Masapùla Katù mùkkàlà tùusenumenkatok mùyakanmanài pen ànùk yanùmù tùuya pàk wapùla ànùk lepatok tùuya mokkanài pen.

1 Corinthians 9:24

Ittuiche auya'nokon pùla nai wapplùnnàtok yau tamù'nawàlà tùwapplùnsan wapplùmù, tùse tewinnan neken uya tepeppù yepolo? Màlàpàk uchi aitun pe itàtàk eyepeppù kon yepolo kon pa.

2 Corinthians 4:17

Molopai sàlà elekkwà molopai tùuko'mansen tachinpe pen ina nùpàlika talumattàntok uya eke molopai tàwàlàlà tùuko'mansen apulàntok nepù màlà ina ponaloppe, talumattàntok yentaino kulu.

Philippians 3:3

Masapùla kùmyamlo mùkyamlo ipùkkù yattàsak kon kulu, Katù ponaloppe we'nà yekamanài pe Yakkwalù winà yapulàn nan molopai tùutauchinpasan Christ Jesus yau. Molopai kùyiwalà'nokon tùutapulàsan pen kùmyamlo kùnkupùppù kon pàk, molopai kappon yeselu pàk.

Colossians 2:18

Kappon yamùk là, wakù pe tukaik molopai àssà'mùla pe tukaik tùusennakasan molopai inchelù yamùk pàk tùwàpùlemasan tese'mu kon yok tùwenase eyennakatakù'nokon. Molopai alapumatakù'nokon e'mantok winàpai. We'neppà'nà walai yene tùuya'nokon pàk tùuselupasan mùkyamlo tùutapulà kon pe. Pùsamlo yekkwa ton ikasa pùla messatàik kùkkatak àpàkù'nokon. Ittutok ya pùnon mùkyamlo, pakko pe tùuselupasan masapùla kappon pe tok usenumenka pàk.

1 Thessalonians 2:12

Eyelupatantàu ina emeluntàpa kon pe, eyewan kon ipik pe ina nettai molopai apawanattàtantàu ina, màlà Katù yauchinpanài pe wema'nàtok kasa ewemapù kon pa, Katù àkà'manàippù'nokon kon itepulu pe tùwettok molopai apulàntok tùuya ponaloppe ewechi kon pa.

2 Timothy 1:9

Kùpùikattànsak ya màlà molopai kùkà'masak ya esuken we'nàtoppe, yà'làlà kussak kùuya'nokon pàkànsau pùla, tùse iche tùwettok yawà molopai wakù pe tùwettok pàkànsau. Sàlà wakù pe tùwettok tùlùppù ya màlà kùpya'nokon Christ Jesus yau, sàlà pata weyu wepyatàtok wapiya.

Hebrews 3:1

Màlàpàk utonpa yamùk, amyamlo esuken ikonekasak kon molopai ikà'masak kon Katù winà. Jesus yentàk kon, mùkkàlà yeunossak lùppù molopai eke kulu paatele, mùkkàlà ina nekamayai'nùk.

Hebrews 6:1

Wapiyalok kon enupantok Christ pàk nànpai'nokon man, molopai usemokkantok yak utànpai'nokon. Uselupan pàk lùppù we'nàpai pùla'nokon man, àli kùyeselu weli'nàtok ne'nài winàpài welattàntok molopai ailon tetok Katù pàk, pàk neken pùla.

1 Peter 1:13

Màlàpàk uchi eusenumenkatok kon tùwekonekaik nechiik. Elanneppe kulu ettàk kon, molopai enpen ewettok kon ittùtàk kon tamù'nawàlà wakù Katù winàpaino pàk elepatok ike woton Jesus Christ usenpoikasak yau.

1 Peter 5:10

Katù tamù'nawolon wakù pe we'nàtok yesak, mùkkàlà uya àkà'masak kon màlà tàwàlàlà takkwayi pùkkù pe ewechi kon pa Jesus Christ yau. Ewettalumattàsak kon malalà tùpo, mùkkàlà uya àkoneka kon màlà ikasa, meluntà pe kulu, molopai àtùlù kon màlà wakù pata tùutamasen pen pona.

2 Peter 1:3

Katù yapàiketù uya tamù'nawolon iche kulu we'nàtok ke lepansakù'nokon màlà wema'nàtoppe molopai imaimu yawàlà we'nàtoppe. Sàlà yeposak màlà kùuya'nokon masapùla ittu kùuya'nokon pàk mùkkàlà kùkà'manàippù kon tapulàtoppe molopai wakù pe tùwettok pùkkù pe we'nàtoppe ittutok kùuya'nokon yai.

Revelation 3:21

Mùkyamlo àli yentaikannan nùssan kupù uya màlà upyau tok weleuta toppe uyapon po. Àli yentaikasak uya molopai sàlà pe weleutasak Ukàipùnù piyau yapon po kasa làma.