Philippians 3:12 - Patamuna New Testament Revised

¹² Sàlà yau yenuka'nùssak uya man te uya pùla kan man tà, wapùla wakù pe kulu wenakassak pùla man. tùse unepolo lùppù molo man masapùla Christ Jesus uya uyachisak man.

Philippians 3:12 ပူးပေါင်းရင်းမြစ်များ

Matthew 5:48

Màlàpàk wakù peichi ettàk kon, àkàipùnù kon epùn yau nai'nùk wechi wakù pe kasa.” teppù Jesus uya tok pàk.

Yeunossak kon Wotokoyi 9:15

Tùse Itepulu Jesus uya, “Itàkà, masapùla yanùnsak uya màlà uyapyoto pe iwettoppe uyesek yekama toppe ya Jew yamùk pen pàk molopai tok kinù yamùk pàk molopai Israel pon kon pàk.

Romans 8:39

Wapùla kawon kon uya wapùla non yo'non kon uya, yà'làlà pùla iwechi màlà ikonekasak lùppù yau kùpantaka kon woton Katù uya pùnùnmantokù'nokon Christ Jesus Kùyepulu kon yau nai'nùk winàpai.

1 Corinthians 13:10

Ikasa tùwessen wechi molo yau ipùkkùlùppù pe nai'nùk pùla iwena màlà.

1 Corinthians 13:12

Sàlà pe yene'nokon nai'nùk katuppluk pe wanamali yau akkwalùppù yene kasa, tùse yene'nokon nen uchi màlà itenpatak. Sàlà pe tùttuyai'nùk ipùkkù pe neken ittu uya màlà tamù'nawàlà nen uchi, tamù'nawàlà uyittu nai'nùk kasa.

1 Corinthians 9:24

Ittuiche auya'nokon pùla nai wapplùnnàtok yau tamù'nawàlà tùwapplùnsan wapplùmù, tùse tewinnan neken uya tepeppù yepolo? Màlàpàk uchi aitun pe itàtàk eyepeppù kon yepolo kon pa.

2 Corinthians 13:9

Ina nùtauchinpayan atu'mùla ina wechi tùse meluntà pe ewechi kon pàk. Molopai ina wàpùlematok wechi màlà wakù pe tamù'nawàlà ewenatok kon pe iku'nài pe.

2 Corinthians 7:1

Sàlà yamùk Katù uya ikupù tùuya tetok wechi màlà kùponalok kon pe, utonpa yamùk! Màlàpàk uchi esuken wenanpai'nokon makui pùla, tamù'nawolon yà'làlà àli pe nai'nùk kupù yeleutanùpù winà, molopai yà'làlà kùyesak kon wapùla kùyakkwalù kon ku'nài àli pe nonkapai'nokon. Màlàpàk uchi tamù'nawàlà wettùn nokon sàlà Katù yemyak masapùla inama pàk.

Galatians 5:17

Masapùla àli ànkuppai we'nàtok wechi màlà Akkwalù wettok iche pe pùla molopai Akkwalù wechi màlà àli ànkuppai we'nàtok wettok iche pe pùla. Echiche pùla tok wechi màlà. Màlàpàk iche ewettok kon kupù auya'nokon pen.

Ephesians 1:4

Katù uya kùyanùnkassak kon wechippù màlà tùponaloppe Christ yau, wakù pe esuken we'nàtokkonpe temloto po. Pena wolù wessepolo wapiya pùnùnmantok tùuya pàkàlà,

Ephesians 4:12

Sàlà kupùppù Christ uya màlà tamù'nawolon kon Katù ponalok kon kappon yamùk koneka toppe tùuya, tùwotokoyi kuttoppe tok uya. Molopai ailon tawonnan tùpàk yamùtoppe tùuya.

Philippians 1:1

Sàlà màlà kaleta Paul molopai Timothy tawonnan, Christ Jesus yapyoto ton winàpaino. Tamù'nawolon kon Christ Jesus ponalok kon pe tùwemassan Philippi po piyak imenukasak, tamùkke sochi yennàinan molopai tok pùikattànnan ponalok:

Philippians 3:16

Tùse utànpai'nokon, màlà yepose utàn nai'nùk ye'ma tawàlà.

Philippians 3:3

Masapùla kùmyamlo mùkyamlo ipùkkù yattàsak kon kulu, Katù ponaloppe we'nà yekamanài pe Yakkwalù winà yapulàn nan molopai tùutauchinpasan Christ Jesus yau. Molopai kùyiwalà'nokon tùutapulàsan pen kùmyamlo kùnkupùppù kon pàk, molopai kappon yeselu pàk.

Philippians 3:8

Yà'làlà wakù, Christ Jesus Uyepulu tùttuyai'nùk walai pùn. Tamù'nawolon nonkasak uya sàlà. Molopai tenu'masen àlitta kasa ikupù uya, Christ neken nen uchi iche wechi.

1 Thessalonians 5:15

Ànù'là uya àli kussak ewinàkài'nokon yentak àli kupù auya'nokon tukaik ittu kon pa. Tùse tàwàlà wakù pe ettàk kon echiwinàkàik molopai tamù'nawolon kon pàk.

2 Thessalonians 2:13

Ina uya nen tenki te sàlà Katù pàk tàwàlà àpàkànsau'nokon, ina tonpa yamùk, amyamlo Itepulu nù'nùnma ton. Masapùla iwepyattà motapai Katù uya ayanùnsak kon màlà ewepùikattàtok kon yepolo kon pa, Wakù Akkwalù yapàikketù yai àkoneka tok kon pe, molopai ailon tetok auya'nokon ailon itekale pàk winà.

1 Timothy 5:10

molopai nàlà wakù ku'nài pe itekale nechiik: tùmunkà yamùk yemokkanài wakù pe pe, kaklan yamùk yanùnnài tùwùk tak pe, Katù ponalok kon pùta kolùkanài pe, tùwettalumattàsan pùikattànài pe, molopai tamù'nawolon yà'là yekkwa là wakù ku'nài pe.

1 Timothy 6:19

Sàlà kasa tok uya màlà temamin kon pilipù ewanawolok woton yapon pe molopai nen uchi tok uya wema'nàtok yepolo màlà ailon kulu wema'nàtok.

Hebrews 12:14

Ànùttu kon ikuttàk echitonpa pe ewemapùkonpa tamù'nawolon kon kappon yamùk pokonpe, molopai wakù pe esuken wema'nàtok iche ettàk kon, masapùla ànù'là wakù pe esuken wema'nàtok yawolonnà pen uya Itepulu yene pen màlà.

Hebrews 12:23

Molopai sochi, wapiya iwentusak lùppù Christ ponalok iwepilichak kon, pùn yau itesek imenukasak kon piyak. Katù piyak àuyàssak kon, tamù'nawolon kon Ittunài piyak, molopai wakù ton iwalai non kappon yamùk yakkwalù konekasak esuken piyak.

Hebrews 13:21

Tàwàichi Katù elepai'nokon tamù'nawolon wakù iche ewettok kon ke teselu kupù kon pa. Tàwà tauchinpanài kupùi kùyau'nokon Jesus Christ yai. Christ yapulàpai'nokon tàwàlàlà molopai tàwàlàlà. Emen.

James 3:2

Tamù'nawolon kon kùmyamlo echipalà'ne ikasa pùla tùwessan. Kappon ikasa pùla tùwessen pen tùuselupatok winà mùkkàlà wakù kulu, molopai ikasa neken tùwessen kappon, molopai tamù'nawàlà tesak yepulu pe tùwessen.

1 Peter 5:10

Katù tamù'nawolon wakù pe we'nàtok yesak, mùkkàlà uya àkà'masak kon màlà tàwàlàlà takkwayi pùkkù pe ewechi kon pa Jesus Christ yau. Ewettalumattàsak kon malalà tùpo, mùkkàlà uya àkoneka kon màlà ikasa, meluntà pe kulu, molopai àtùlù kon màlà wakù pata tùutamasen pen pona.

2 Peter 3:18

Tùse wakù pe we'nàtok molopai ittunài pe we'nàtok Kùyepulu molopai Kùpùikattànài Jesus Christ winàpaino yau Jesus kasa enatàk kon tamù'nawàlà. Tàwà apulàntok ipyau nechii, sàlà pe molopai tàwàlàlà! Emen.