Philippians 3:10 - Patamuna New Testament Revised

¹⁰ Christ neken ànùttupai wessaik molopai iwe'wuluukatok meluntàlù. Iwettalumattàppù pùkkù pe eppai wessaik molopai ikasa enapai iwelittok yau.

Philippians 3:10 ပူးပေါင်းရင်းမြစ်များ

Matthew 20:23

“Ussawù yawon inchi là nen auya'nokon, tùse ikasa pùla iwechi màlà ànù'là yanùmù uya iweleutatoppe ukamikù pen winà, molopai ukamikù winà tukaik yau. Sàlà màlà patassek yamùk Ukàipùnù nùkonekappù iponalok kon ponaloppe,” teppù Jesus uya tok pàk.

John 10:18

Ànù'là uya wemattok mokka uwinàpai pen, tùse uyiwalà itùnài Iulà. Uyiwalà itùtok uya yapàikketù yesak Iulà molopai yanùntu'matok uya yapàikketù yesak. Sàlà kasa ewechi màlà tetok yeposak uya màlà Ukàipùnù winàpai,” teppù.

John 17:3

Sàlà màlà tàwàlàlà wema'nàtok kappon yamùk uya eyittutok ipàkàlà, ailon Katù pe ewechi màlà àmàlà neken, molopai Jesus Christ nàlà eneunokoppù.

Romans 8:17

Imunkà yamùk pe we'nà'nokon pàk, wakù inkupù tùponalok kon ponaloppe yesappe we'nà'nokon màlà Christ, imu, pokonpe. Masapùla Christ wettalumattàppù kasa wettalumattàn pàk alikyeppe we'nà'nokon yau, namantok nàlà yepolo màlà ipokonpe.

Romans 8:29

Masapùla Katù uya màlà tùnanùmù woton kon ittukassak pena, tùmu kasa nen uchi tok wettoppe, ipùkkù pe tok wena wettoppe, Tùmu wettoppe wapiyaloppe tukkan kon tùtonpa yamùk kùlottau.

Romans 8:36

Katù Maimu uya, “ Apàkànsau ina àsà weli'nàtok ne'nài yau man wei kaichalà, ina kupù man kalinilu yamùk iwànà woton kon kasa,” te kasa. {Psa 44.5}

2 Corinthians 1:10

Àsà kulu weli'nàtok yapai ina mokkappù Katù uya, molopai ina mokka ya màlà. Enpen ina wettok tùsak ina uya man ipàk ina mokkatukkatok ya pàk.

2 Corinthians 1:5

Tukkan Christ talumattàtok pùkkù pe ina wechi kasa làma, Christ yai nàlà ina yewan ipik wechi màlà tukke.

2 Corinthians 13:4

Masapùla iwànàppù màlà pulusuk po atu'mùla iwettok yau, tùse tùwemapù pàk iwechi màlà Katù meluntàlù winà. Màlà kasa làma atu'mùla ina wechi Christ yau tùse, Katù meluntàlù winà ina wemapù màlà ipokonpe àpùikattà kon ina uya yau.

Galatians 2:20

Upukapàtùppù màlà Christ pokonpe nulà wechi tukaik, tùse Christ nemassan uyau. Sàlà esak yau wema'nàtok yau wemassaik ailon tetok uya Katù Mumu pàk yau, mùkkàlà u'nùnmanàippù molopai iwettùsak lùppù uponaloppe.

Galatians 6:17

Uselupa wenukapù pe, ànù'là uwanittàpatak, masapùla uyesak pattàpàssak yàlùppù man upolo Jesus ponaloppe wechi yekamanài pe.

Ephesians 4:13

Màlàpàk tamùkke tewin we'nàtok yak uyà'nàtokkonpe ailon tetok kùuya'nokon yau molopai Katù Mumu ittutok kùuya'nokon yau. Christ walai non kappon yamùk pe wenan nokon màlà, sàlà kasa iwechi màlà Christ kasa kulu usemokkan ponalà.

Philippians 3:8

Yà'làlà wakù, Christ Jesus Uyepulu tùttuyai'nùk walai pùn. Tamù'nawolon nonkasak uya sàlà. Molopai tenu'masen àlitta kasa ikupù uya, Christ neken nen uchi iche wechi.

Colossians 1:24

Molopai sàlà pe utauchinpayaik wettalumattàsak àpàkànsau'nokon pàk. Sàlà yamùk wettalumattàtok yanùmù uya nai'nùk uyesak yau, Christ wettalumattà yenuka'nùpù pe sochi ponaloppe. Sochi mùkyamlo Christ pùkkù.

Colossians 2:13

Ewelichak kon wechippù màlà masapùla tùmakuyi ke ewechi kon pàk, molopai Katù ponalok kon pe pùla ewechi kon pàk. Tùse Katù uya pàli'yau amasak kon màlà Christ pokonpe! Katù usentupasak màlà tamù'nawolon kùmakuyi kon pàk.

Colossians 3:1

Àwuluukasak kon man wema'nàtok yak Jesus Christ pokonpe. Eyewan kon uchi itùtàk kon màlà yamùk epùn po nai'nannùk pàk, Christ wettok chichiupe tapon po kamik pen Katù yemyatù winon namantok patassek winà.

1 Peter 1:3

Katù yapulàpai'nokon man Kùyepulu Jesus Christ Kàipùnù! Eke pe tùusentupatok yawàlà, kùlepappù kon ya wentutukkantoppe Jesus Christ wuluuka tùuya winà. Sàlà uya kùlepa kon màlà wema'nàtok pàk eke pe enpen we'nàtok ke.

2 Peter 1:13

Ailon ukayaik ikasa emeluntàpa kon uya eyenu kon yappontà uya sàlà yamùk pàk winà pàk, nulà wechi kùlottau.

1 John 2:3

Katù uya suwa ekkà tetok maimu yawàlà we'nà yau, Katù ittu kulu kùuya'nokon ittu màlà sàlà winà.

1 John 2:5

Tùse mùkkàlà imaimu yawàlà tùwessen uya Katù pùnùnmatok uya màlà, wakù pe kulu imasak. Sàlà kasa màlà Kàtu yau wema'nà ittu'nokon:

Revelation 1:18

“Nulà nan Iulà! Welikùppù màlà, tùse yenkà, nulà wessaik tàwàlàlà molopai tàwàlàlà. Tapàikketù ke wechi nai'nùk weli'nàtok yepoi molopai iwelichak kon patassek yepoi.