Philippians 2:3 - Patamuna New Testament Revised

³ Amlek pe kettàu. Tùulon kon yentai wakù peiwa ewekkupùiche'nokon kettàu. Àssà'mùla ettàk kon, tùulon kon yentai tùuchittuik pùla.

Philippians 2:3 ပူးပေါင်းရင်းမြစ်များ

Luke 18:14

“Tekamayaik àpàkù'nokon, pùsàlà kàyik, pùlayatta pili'nài, wemeichak wechippù màlà ikasa Katù pokonpe iwekonekasak pe. Tùse tùulon wechippù màlà iwekonekappù pùla. Masapùla tamù'nawolon kon eke pe tùwekkussan ma màlà àssà'mùla, molopai tamù'nawolon kon àssà'mùla tùwessan ma màlà eke pe,” teppù Jesus uya.

Romans 12:10

Echi'nùnmatàk kon eke pe tùuchinùnmaik we'nà Christ yau yenpoika pe kulu, molopai àtonpa kon tùnamaik ettàk kon.

Romans 13:13

Welaikanpai'nokon uchi wakù pe, kappon yamùk weinai tùwemassan kasa, tùwechipottùmase là pùla tùwentaimepàsse pùla wapùla wetùnnàtok pùla, àli imakuyippù ànkuppai esak wannà ke we'nàtok pùla wapùla esak wettok ànkuppai pùla, wepanta'mantok pùla wapùla kùlùmàlunnàtok pùla.

Romans 2:8

Tùse mùkyamlo tùpàkù'nokon neken tùsenumenkasan molopai ailon nulunpannan àli kuttoppe tùuya'nokon pàk àsà pe Katù we'naika màlà.

1 Corinthians 15:9

Masapùla yeunossak kon ma'lan kulu Iulà, molopai yeunossappe yesatù yeselùkek pùla wechi sàlà, masapùla Katù sochiyi talumattàppù uya màlà.

1 Corinthians 3:3

Wolù ponalok kon kasa lùppù. Masapùla àkùlùmàluntok kon molopai àusàlàmatok kon wechi àkklottau'nokon pàk. Màlà uya ken na' sàlà wolù yawon kappon yamùk pe ewechi kon ànkuppai ewettok kon yawàlà yekama pen màlà?

2 Corinthians 12:20

Masapùla usenalipayaik miyalà uyàssak yau eyepolo kon uya yeselùkek iwechi pàk eyiche'nokon wettok kasa pùla. Molopai uyepolo auya'nokon uyiche ewettok kon kasa pùla. Usenalipayaik usàulàmantok, kùlùmà, molopai we'naikantok, amlek we'nàtok, àli pe uselupantok, molopai tùulon kon yekale pàk uselupantok, utapulàntok molopai utaimelunpantok yepolo uya àklottau'nokon yeselùkek iwechi pàk.

Galatians 5:15

Ayakontalù pokonpe euchikkapàtù kon pàk, ausanù kon pàk ewechi kon yau, masa yentàk, aumatta kon màlà eyiwalà'nokon.

Galatians 5:26

Tùulon kon yentai pe tukaik wekku'nà kùsettak, wapùla tonpa wannà pàk wessakolopan kùsettak, wapùla kùlùmàppe we'nà kùsettak.

Ephesians 4:2

Àssà'mùla ettàk kon, àsà pe pùla, molopai pàlikanài pe tàwàlà. Pùnùnmantok auya'nokon yenpoikatàk kon àtonpa kon yeselu pàlika auya'nokon winà.

Ephesians 5:21

Àtonpa kon yo'no echittutàk kon ànùk yentai pùla, Christ namatok auya'nokon yau.

Philippians 2:14

Tamù'nawolon ikuttàk kon, tùusàulàmaik pùla wapùla tùwesseippàsse pùla.

Colossians 3:12

Katù uya à'nùnma kon màlà molopai tùponalok kon pe kulu ayanùnsak kon ya. Màlàpàk esuken emattàk, tùusentuppaik, wakù pe, àssà'mùla, tenpe, molopai pàlikanài nan pe.

Colossians 3:8

Tùse sàlà pe sàlà yamùk inonkatàk kon: we'naikantok, tonpa yewan ma'làtok molopai àli pe we'nàtok, àsà wekkupù àtonpa winàkàik iche kettàu tùulon kon winàkàik. Kappon kù'mottùnpatàu, wapùla àli pe uselupantok kùsepakkatak anta kon yai.

1 Timothy 6:4

Mùkàlà wechi màlà tùtonpa yentai tùwekkussen pe molopai yà'làlà ittu ya pen màlà, àsàulàmapai molopai e'naikapai iwechi mayin yamùk pàk, molopai sàlà uya màlà kùlùmàlunnàtok nepù, tonpa yewan ma'làtok, ànù'là mottùnpatok, àli pe usenumenkantok.

1 Peter 3:8

Màlàyau sàlà yekama uya àpàkù'nokon: tamù'nawàlà tewin usenumenkantok yesappe mettàik molopai ekkaichalà usentupantok tùulon kon pàk; ànù'là kappon i'nùnmatàk kon àtonpa kon kulu pùnùnma auya'nokon kàsa, molopai tùusentuppasen pe ettàk kon molopai àsà'mùla, àsà pe pùla ànù'là kappon pokonpe.

1 Peter 5:5

Màlà kasa làma, amyamlo masalok kon umoine ton esenupatàk kon kàyik yamùk lùiwa winàpai. Molopai tamù'nawolon kon àsà pe pùla ettàk kon, ànù'là kappon pùikattà kon pa; masapùla, “Katù mùkkàlà ànù'là kappon yentai pe tukaik tùwekkussen itewanma, tùse wakù pe we'nàtok tùwinàpaino tùnài àsà'mùnon piyak,” {Pro3.34}