Philippians 2:22 - Patamuna New Testament Revised

²² Tùse Timothy mùttuyatàik. Tùwe'wotokoma pàk iwessak man upokon pe, tùkàipùnù pokonpe imu we'wotokoma kasa. Ina we'wotokomasak man tamùkke, Wakù Itekale pàkànsau.

Philippians 2:22 ပူးပေါင်းရင်းမြစ်များ

Yeunossak kon Wotokoyi 16:2

Tamù'nawolon kon ailon tawonnan Jesus pàk Lystra molopai Iconium pon kon uselupappù wakù pe Timothy pàk.

Romans 5:4

Molopai pàlikantok uya meluntà pe kùma kon màlà molopai meluntà pe wenansak màlà kùlepanài'nokon enpen we'nàtok ke.

1 Corinthians 16:10

Timothy uyàssak apyakù'nokon yau, manùntàik ichenalippa tukaik àkklottakù'nokon, masapùla iwe'wotokoma màlà nai'nùk ukasa làma Itepulu Jesus ponaloppe.

1 Corinthians 4:17

Sàlà kasa iwechi pàk Timothy teunossaik apyakù'nokon, umu u'nùn pe unkupù, ailon pe tùwessen mùkkàlà Itepulu yau. Christ Jesus yau wemattok yekama tukka ya màlà àpàkù'nokon, enupantok uya tamù'nawàlà i'nailàlà sochi yamùk tau kasa iwechi ittu kon pa.

2 Corinthians 2:9

Masapùla kaleta menukappù uya màlà apyakù'nokon ittuntok pàlikappù auya'nokon ànùttupai wechi pàk, molopai enupantok uya maimu yawàlà ewechi kon ànùttupai wechi pàk.

2 Corinthians 8:22

Màlàpàk tùwe'wotokoma kon tonpa yeunossan ina tok pokonpe, ina uya ittusak man tukke itekkwa alikyeppe kulu iwechi pùikattàntok pàk. Enpen nen uchi àpàkù'nokon tùwechi pàk, àpùikattàpai'nokon kulu iwechi màlà.

2 Corinthians 8:24

Màlà pùnùnmantok auya'nokon yenpoikatàk kon tok winàkàik molopai yà'là wenai là ina uya ayapulàtok kon usentoppe, sochi yamùk uya yentoppe.

2 Corinthians 8:8

“Mùkuttàik,” te uya pùla man. Tùse tùulon kon wechi alikyeppe pùikatàn pàk yekama winà, eke pe pùnùnmantok auya'nokon wechi ittuiche wechi sàlà nai'nùk.

Philippians 1:12

Ittu auya'nokon iche wessaik, utonpa yamùk, màlà yamùk iwekkusak kon uwinàkàik uya kulu Wakù Itekale utàtoppe miyaiwa upùikattàsak pàk.

Philippians 1:16

Pùsamlo mùkyamlo Christ yekale pàk tùuselupasan, wakù pe iteselu uchi'nùnmantok yapai. Masapùla Katù uya ulepasak sàlà Wakù Itekale wenai wettoppe.

Philippians 1:5

Masapùla upatùnayi pe ewessak kon Itekale yekama uya yau, wepyattà motapai sàlà tepose pàk.

Philippians 1:7

Tàwàlà uyewan pe tùwessan amyamlo! Màlàpàk ikasa iwechi màlà sàlà kasa usenumenka tamù'nawàlà àpàkù'nokon. Masapùla Katù uya ulepatok wakù pe we'nàtok pùkkù pe ewessak kon pàk. Sàlà pe patikichi tau wechi yau wapùla polopo Wakù Itekale wechi ailon pe yekama pàk wechi yau, iwenai wechi pe.

Philippians 2:20

Mùkkàlà neken mùkkàlà uyewan kaichalon itewan àpùikattà kon pàk alikyeppe kulu tùwessen.

1 Timothy 1:18

Umu Timothy, sàlà enupantok tùlù uya sàlà eyemyak. Katù Maimu uya Wakù Akkwalù yai yekamappù àpàk tùuselupa yau lùppù yawàlà iwechi màlà. Tàwà màlà mayin ewepanta'matok ike pe nechii, wakù ponaloppe ewepanta'ma yawà,

1 Timothy 1:2

Timothy, ailon tetok yau umu kulu kasa tùwessen piyak unmenukappù. Katù Kùkàipùnù molopai Jesus Christ Kùyepulu uya elepatoppe wakù pe we'nàtok ke, usentupantok ke, molopai echitonpa pe we'nàtok ke wàpùlemayaik.

1 Timothy 4:6

Sàlà yamùk usenupantok iwinà yekamasak auya ailon tawonnan pàk yau, wakù pe Jesus yapyoto pe tùwessen pe ewechi màlà, ailon itekale yau yemokkasak pe molopai wakù enupantok yawàlà iwessak pe.

2 Timothy 1:2

Timothy, u'nùn umu piyak unmenukappù. Tàwà Katù Kùkàipùnù molopai Christ Jesus Kùyepulu elepai wakù pe we'nàtok, usentupantok, molopai echitonpa pe we'nàtok.

2 Timothy 3:10

Eyenupappù uya lùssan mùttuyaik, wemapùppù mùttuyaik. Tùse enupantok uya là mùttuyaik, wemapù yeselu molopai iponaloppe wemattok ailon tetok uya, pàlikantok uya, pùnùnmantok uya molopai tùusetakkaik pùla wettok tachin pe.

Titus 1:4

Kaleta tùmenukayaik Titus piyak, umu kasa kulu unkupù ailon tetok ipùkkù pe we'nà nai'nùk yau: Tàwà Katù Kùkàipùnù kon molopai Christ Jesus kùpùikattànàippù elepai wakù pe we'nàtok molopai echitonpa pe we'nàtok tùwinàpaino ke.