Philippians 2:14 - Patamuna New Testament Revised

¹⁴ Tamù'nawolon ikuttàk kon, tùusàulàmaik pùla wapùla tùwesseippàsse pùla.

Philippians 2:14 ပူးပေါင်းရင်းမြစ်များ

Matthew 20:11

Tùpùlayattayi kon yekkwatùppù tok uya molopai umà yesak winàkàik tùusàulàma kon pàk tok wessa'molùkappù.

Mark 14:5

Sàlà kalapa chilanmappù là nen sàlà epaino 300 pe kaichalà pùlayatta pun, molopai pùlayatta tùtoppe entuppa'nokon piyak,” tukaik. Molopai tok uya yàulàmappù àsà pe.

Mark 9:14

Ta'lon kon piyak tùwelepansak kon yau, tukkan kon kappon yamùk wechi tok woi yeneppù tok uya. Molopai Law pàk enupan nan usàulàma tok pàk.

Luke 5:30

Tùulon kon Pharisee yamùk molopai Law pàk enupannan yamùk usàulàmappù Jesus ya'lon kon pàk. “Yà'là pe iwechi pàk auta'lettà kon màlà pùlayatta pili'nài nan pokonpe molopai àli ton pokonpe?” tukaik.

Yeunossak kon Wotokoyi 15:2

Paul molopai Barnabas tawonnan wesseippàtùppù kulu tok pokonpe sàlà pàk. Màlàpàk tok wekkupùppù Paul, Barnabas molopai tùulon kon kappon yamùk Antioch pon kon utàtoppe Jerusalem pona yeunossak kon molopai eke ton tùnamasan yense, sàlà pàk.

Yeunossak kon Wotokoyi 15:39

Tok useippàtùppù màlà àsà pe molopai tok wepantakappù echippyapai. Barnabas uya Mark yalàppù ta'là molopai tok utàppù tuna po Cyprus pona.

Yeunossak kon Wotokoyi 15:7

Tachin pe tùuselupa kon pàk tùwechi kon tùpo, Peter wà'mùssakkappù molopai, “Utonpa yamùk, mùttuyatàik pena Katù uya uyanùmùppù àkklottapai'nokon Wakù Itekale yekama toppe uya Jew yamùk pen pàk, yeta toppe tok uya molopai ailon te toppe tok uya.

Yeunossak kon Wotokoyi 6:1

Màlà yattai Jesus ya'lon kon wena tukke yau, Greek pe tùuselupasan Jew yamùk usàulàmappù Hebrew pe tùuselupasan Jew yamùk pàk. Masapùla tùtonpa kon yamùk itayappù iwelichak kon yenpàtù wei kaichalà tok lepatok tùse pàk.

Romans 12:18

Tamù'nawolon ànùttu kon wakù mùkuttàik tamù'nawolon kon kappon yamùk pokonpe echitonpa pe ewemapù kon pa.

Romans 14:1

Kappon attu'mùla nai'nùk ailontetok yau yanùntàk kon àkklotakù'nokon, tùpatalà là ichenumenka pàk tùusàlàmaik pùla.

Romans 16:17

Apawanatàyataù Iulà utonpa yamùk, elanneppe ettàk kon mùkyamlo wepantakantok ku'nàinan, molopai kappon yamùk uya ailon tetok yaimelunpannan pàk. Mùkyamlo uya enupantok ananùmùppù kon kupù tùwakùli kon pe pùla màlà, tok tonpa pe kettàu.

1 Corinthians 10:10

Molopai kàsàulàmatàu, tùulon kon wechippù kasa, molopai tok u'matùppù màlà mattanù'nài inchelù kamo pe.

2 Corinthians 12:20

Masapùla usenalipayaik miyalà uyàssak yau eyepolo kon uya yeselùkek iwechi pàk eyiche'nokon wettok kasa pùla. Molopai uyepolo auya'nokon uyiche ewettok kon kasa pùla. Usenalipayaik usàulàmantok, kùlùmà, molopai we'naikantok, amlek we'nàtok, àli pe uselupantok, molopai tùulon kon yekale pàk uselupantok, utapulàntok molopai utaimelunpantok yepolo uya àklottau'nokon yeselùkek iwechi pàk.

Galatians 5:15

Ayakontalù pokonpe euchikkapàtù kon pàk, ausanù kon pàk ewechi kon yau, masa yentàk, aumatta kon màlà eyiwalà'nokon.

Galatians 5:26

Tùulon kon yentai pe tukaik wekku'nà kùsettak, wapùla tonpa wannà pàk wessakolopan kùsettak, wapùla kùlùmàppe we'nà kùsettak.

Philippians 2:3

Amlek pe kettàu. Tùulon kon yentai wakù peiwa ewekkupùiche'nokon kettàu. Àssà'mùla ettàk kon, tùulon kon yentai tùuchittuik pùla.

1 Thessalonians 5:13

Tok inamatàk kon eke pe, molopai tok i'nùnmatàk tok wotokoyi pàkànsau. Echitonpa pe ettàk kon.

1 Thessalonians 5:15

Ànù'là uya àli kussak ewinàkài'nokon yentak àli kupù auya'nokon tukaik ittu kon pa. Tùse tàwàlà wakù pe ettàk kon echiwinàkàik molopai tamù'nawolon kon pàk.

Hebrews 12:14

Ànùttu kon ikuttàk echitonpa pe ewemapùkonpa tamù'nawolon kon kappon yamùk pokonpe, molopai wakù pe esuken wema'nàtok iche ettàk kon, masapùla ànù'là wakù pe esuken wema'nàtok yawolonnà pen uya Itepulu yene pen màlà.

James 1:20

Masapùla kappon we'naikatok màlà wakù Katù yeselu wekuttok pùikattànài pen.

James 3:14

Tùse eyewan kon wechi kùlùmàppe àsà pe, molopai amleppe yau, katapulàtàu molopai ailon winàkàik kasei pe kettàu.

James 5:9

Kàsàulàmatàu àtonpa kon winàkàik, utonpa yamùk, atalumattà kon tukaik. Talumattànài mei pùla man, iwekonekasak tùusenpoikatoppe.

1 Peter 3:11

Tàwà nelattài àli winàpai molopai wakù kupùi, tàwà echitonpa pe we'nàtok iwai molopai nùwenaimai yepose.

1 Peter 4:9

Àtonpa kon yewonnùttàk àwùk kon tak tùusàulàmaik pùla.

Jude 1:16

Pùsamlo mùkyamlo kappon yamùk tùusàlàma pàk tùwessan tàwàlà, àli tùulon kon yeselu yeneiche kulu tùwessan; iche tùwettok kon yawàlà tùwessan àli yau; tùutapulàsan, molopai tùulon kon yapulà pe tukaik tùusennakasan yà'làlà iche tùwettok kon yepotoppe tùuya'nokon.