Philippians 2:12 - Patamuna New Testament Revised

¹² Màlàpàk uchi, utonpa yamùk, tàwàlà mayin yawàlà ewechippù kon apyau'nokon wechi yau. Tùse sàlà pe apyau'nokon pùla là wechi tùse màlà yentak lùiwa yawàlà ewechi kon màlà. Màlàpàk e'wotokomatàk kon, tùwe'namaik molopai tùplànài'nùnse Katù ponaloppe ewechi kon yekama pe.

Philippians 2:12 ပူးပေါင်းရင်းမြစ်များ

Matthew 11:12

John uya tekale yekamappù motapai sàlà tepose Itepulu pe we'nàtok epùn po wettalumattàsak man àsà ton ke molopai àsà ton kàyik yamùk wechi imokkaiche man teka'nonkaik.

Matthew 11:29

Uyapyoto pe ettàk kon, molopai uwinàpai esenupatàk kon. Masapùla tùusentupasen Iulà molopai àssà'mùn Iulà uyeselu yau. Molopai ayakkwalù kon wàlàkkattok yepolo auya'nokon màlà.

Yeunossak kon Wotokoyi 16:29

Patikichi yesak uya tùweyu woton yennappù, iwewomùppù tùusemittàpaik, molopai iwekkawai'mappù tùplànài'nùmùi'ma Paul molopai Silas tawonnan yemloto po.

Yeunossak kon Wotokoyi 9:6

“Tùse e'wuluukakà molopai itàkà pata yak, molo ànkupù yekama màlà,” teppù mayin uya.

Romans 2:7

Tùulon kon kappon yamùk wakù kupù pàk tùwessan, apulàntok, namantok molopai tàwàlàlà wema'nàtok iwannan. Mùkyamlo yemyak Katù uya tàwàlàlà wema'nàtok tùlù màlà.

1 Corinthians 15:58

Màlàpàk uchi, u'nùn ton utonpa yamùk, meluntà pe ettàk kon, katamatàu. Tamù'nawàlà tàwàlàlà Itepulu wotokoyi yak ettùtàk kon. Masapùla Itepulu yau àwotokoyi kon wechi iwoton pe pùla là pen màlà.

1 Corinthians 2:3

Màlàpàk uyàssak apyakù'nokon yau, attu'mùla wechippù molopai upplànài'nùmùppù kulu wettalipa ke.

1 Corinthians 4:14

Sàlà menuka uya nai'nùk àkuli'mapai'nokon wechi pàk pùla, tùse eyekamappo kon pe u'nùn ton kulu umunkà yamùk kasa.

2 Corinthians 7:15

Màlàpàk à'nùnmatok kon ya nenayan meluntà peiwa, tamù'nawàlà alikyeppe enupantok ya maimu yawàlà ewechippù kon yenumenka tùuya yau, yanùmùppù auya'nokon tùusenalippaik molopai tùplànài'nùnse.

Ephesians 6:5

Tepotolù kenan kon, kappon yamùk eyepotolù kon maimu yawàlà ettàk kon, nalippe, tùwe'namaik. Molopai ailon pe itewan ikuttàk kon, Christ ponaloppe ewe'wotokoma kon kasa.

Philippians 1:27

Tùse yà'là pe là wechi pe iwechi yau, Christ yekale nekama yawà memattàik tàwàlà. Màlàyau nen uchi eyense'nokon utà wapùla utà pùla là iwechi tùse eyekale kon neken nà yetatoppe uya, tamùkke tewin itewan, tewin ichenumenkatok, molopai meluntà pe ewechi kon wakù itekale ponaloppe yetatoppe uya.

Philippians 1:29

Masapùla elepasak kon màlà Christ Jesus yapyoto pe ewettok kon ke, ailon tetok neken auya'nokon ipàk winà pùla, tùse nàlà ewettalumattàtok kon iponaloppe winà.

Philippians 1:5

Masapùla upatùnayi pe ewessak kon Itekale yekama uya yau, wepyattà motapai sàlà tepose pàk.

Philippians 1:6

Màlàpàk sàlà tùttuyaik kulu: Katù, sàlà wakù wotoko piyattànàippù ayau'nokon, wechi màlà ikupù pàk iwenukapù tepose Christ Jesus Weyu ponalà.

Philippians 2:19

Ailon ukayaik Itepulu Jesus pàk sàlà pe'ne là Timothy yeunoko uya apyakù'nokon pe iwechi pàk, umeluntàtatoppe eyekale kon winà.

Philippians 4:1

Màlàpàk nen uchi utonpa yamùk, u'nùn pe kulu messatàik. Molopai eyenpai'nokon wessaik, masapùla utauchinpatok pe ewechi kon màlà, utapulàtok iwinà pe. Uwechi yakon non, ailon pe ettàk kon Itepulu pàk.

Philippians 4:15

Amyamlo Philippi pon kon nùttuyan Macedonia nànsak uya yau, wapiya kulu Wakù Itekale yekama pàk wechi yau, amyamlo neken sochiyi tawon kon wechippù upùikkattàn nan pe. Amyamlo neken wechippù ulepannan pe molopai lepantok yeponnan pe uwinàpai.

1 Thessalonians 1:3

Masapùla ina nùttuyan, Katù Kùkàipùnù kon yemloto po ailon tetok auya'nokon yai ewe'wotokoma kon sa’man pe uchi'nùnmantok ke. Molopai enpen ewettok kon Kùyepulu Jesus Christ pàk wechi melùntà pe ittuyan ina.

2 Timothy 2:10

sàlà wenai tamù'nawolon pàlika uya sàlà, Katù nanùmùssan kappon yamùk pàkànsau, tok uya nàlà wepùikattàntok Christ Jesus yau yepo toppe, tamùkke apulàntok tàwàlàlà pokonpe.

Hebrews 12:1

Tukkan kon pùsamlo ennài nan kùwoi'nokon man. Màlàpàk tamù'nawolon kùwakkà'nài'nokon yenu'mapai'nokon. Màlà makui kùyachiyatài'nùk nàlà, molopai aitun pe utànpai'nokon pàlikantok pokonpe wapplùnnàtok kùyemloto kon po nai'nùk yak.

Hebrews 4:1

Màlàpàk uchi wàlàkka'nà patassek yak wewonnàtoppe Katù nekamappù lùppù, walùppù man. Usenalipanpai'nokon uchi, ànù'là àkklottawon kon nàmà kùye'mappù tau tukaik.

Hebrews 4:11

Màlàpàk uchi tamù'nawàlà kùnùttu kon ikuppai'nokon man utàntokkonpe màlà wàlàkka'nàtok yak. Ànù'là kùkklottau'nokon Katù Maimu yawàlà pùla kùsettak, mùkyamlo kappon yamùk wechippù kasa.

Hebrews 5:9

Ikasa kulu Jesus wekonekasak pàk, mùkyamlo tùmaimu yawolon kon nà pùikattà ya màlà tàwàlàlà.

1 Peter 2:11

Apawanattàyatàu Iulà, utonpa yamùk, kakklan yamùk echii'ma sàlà non po, àli ànkuppai we'nàtok yemyak kettùtàu, màlà tùwepanta'ma pàk nai'nùk tàwàlà ayakkwalù kon winàkàik.

2 Peter 3:18

Tùse wakù pe we'nàtok molopai ittunài pe we'nàtok Kùyepulu molopai Kùpùikattànài Jesus Christ winàpaino yau Jesus kasa enatàk kon tamù'nawàlà. Tàwà apulàntok ipyau nechii, sàlà pe molopai tàwàlàlà! Emen.