Philippians 2:1 - Patamuna New Testament Revised

¹ Ewemattok kon na' Christ yau meluntà pe àkussatàu? I'nùn na' eyewan kon ipittàyan? Wakù Akkwalù pokonpe na' echitonpa pe we'nàtok yesappe messatàu? Usentupantok molopai ànù'là kappon pùnùnmatok auya'nokon yesappe na' messatàu?

Philippians 2:1 ပူးပေါင်းရင်းမြစ်များ

Luke 2:25

Màlà yattai molo kàyik wechippù tùwemassen Jerusalem po, Simeon itesek. Mùkkàlà wechippù màlà wakù pe molopai Katù namanài pe, molopai Israel wepùikattà màmuku pàk iwechippù. Wakù Akkwalù wechippù màlà ipyau.

John 14:18

“Tewincha ànàmà kon uya pen màlà ichan pùnon kasa, apyakù'nokon uyàpù màlà.

John 14:27

“Wàlàkka'nàtok nàmà uya sàlà apyau'nokon, uwinàpaino wàlàkka'nàtok tùlù uya eyemyakù'nokon. Sàlà wolù nùtùlù yekkwa pen tùtùyaik. Eyewan kon kùttaimelunpatak molopai kesenalippatàu.

John 17:13

Molopai uyàssaik apyak sàlà pe, sàlà yamùk te uya sàlà wolù yau lùppù echii'ma, eke pe kulu uwinon utauchinpantok wettoppe tok yau.

Yeunossak kon Wotokoyi 2:46

Tàwàlà là wei kaichalà tok wepilippàtùppù Katù yùwùk tak. Pùlomù pusak pilipàtùppù tok uya tùwùk kon tau molopai kùyali napùppù tok uya tùutauchinpaik molopai tùwanmùla itewan,

Yeunossak kon Wotokoyi 4:32

Ailon tawonnan wechippù tewin ichenumenkatok molopai tewin itewan. Ànù'là uya temamin pàk uponalok sàlà teppù pen, tùse tok uya tamù'nawolon tùpyawon'nokon yekamùppù tùklottau'nokon.

Romans 5:5

Sàlà enpen we'nàtok màlà enkuttànài pen, masapùla Katù uya pùnùnmantok tùuya tùsak màlà kùyewan kon yak, Wakù Akkwalù yai, mùkkàlà Katù uya kùlepatok kon ike yai.

Romans 8:26

Màlà kasa làma Wakù Akkwalù nàlà tùuyàssen kùpùikattàse, masapùla attu'mùla we'nà'nokon pàk. Masapùla yà'là kasa wàpùleman wakù pe ittu'nokon pùla iwechi pàk, Wakù Akkwalù mùkkàlà tùutaimelunpaik ta'nùmùi'ma tùwàpùlemasen kùponalok kon pe, yekama yentaino mayin yau.

1 Corinthians 12:13

Masapùla tamù'nawàlà usenpatauka'nàppà' nokon màlà tewinan Akkwalù yau tewin itesak we'nàtok kon pe, Jew yamùk molopai Jew yamùk pen, tepulu kenan kon molopai tepulu kenan kon pen tukaik, molopai tewinan Akkwalù ke lepa'nàppà' nokon màlà inchitoppe.

1 Corinthians 15:31

Utonpa yamùk, ailon pe weli'nàtok yemloto pon Iulà wei kaichalà! Utapulàtok àpàkànsau'nokon wema'nàtok Christ Jesus Kùyepulu kon yau ukussan.

1 Corinthians 3:16

Mùttuyatàu uchi amyamlo nàlà wechi Katù yùwùppe, molopai Katù Yakkwalù wemapù ayau'nokon?

2 Corinthians 13:14

Tàwà uchi Itepulu Jesus Christ wettok wakù pe, molopai Katù uya pùnùnmantok, molopai Wakù Akkwalù pokonpe echitonpa pe we'nàtok apyau'nokon nechii.

2 Corinthians 2:14

Tùse tàwà tenki tetok Katù pàk molo nechii! Masapùla Katù uya ina yalà màlà entaikantok yak Christ yai. Katù uya ina yai tekale yeunoko màttawàlà tùkà'nùnsen kà'nùmù i'nailàlà kasa.

Galatians 4:6

Masapùla tùmunkà pe ewechi kon pàk Katù uya Tùmu Yakkwalù yeunokoppù màlà kùyewan kon yak, Akkwalù mùkkàlà yekamapponài “Ukàipùnù, Ukàipùnù,” tukaik.

Galatians 5:22

Tùse wakù ton Akkwalù winàpai tùuyàssan màlà pùnùnmantok, utauchinpantok, echitonpa pe we'nàtok, pàlikantok, usentupantok, wakù pe we'nàtok, ailon pe we'nàtok,

Ephesians 4:4

Tewinan màlà esak molopai tewinan Akkwalù, tewinan enpen we'nàtok Katù uya àkà'mappù kon yak walai.

Philippians 1:8

Katù mùkkàlà ittunài wa te uya wechi ailon pe, eke pe kulu tamù'nawàlà à'nùnmatok kon uya tùuyàssen Christ Jesus winàpai te uya yau.

Philippians 3:3

Masapùla kùmyamlo mùkyamlo ipùkkù yattàsak kon kulu, Katù ponaloppe we'nà yekamanài pe Yakkwalù winà yapulàn nan molopai tùutauchinpasan Christ Jesus yau. Molopai kùyiwalà'nokon tùutapulàsan pen kùmyamlo kùnkupùppù kon pàk, molopai kappon yeselu pàk.

Colossians 2:2

Sàlà ku'nài Iulà tok yewan wenatoppe meluntà peiwa. Echi'nùn pe tok wettoppe tamùkke, tamùnawàlà wakù ton yepotoppe tok uya ittu tùuya'nokon tamù'nawàlà ipùkkù pe neken pùla winà. Màlà kasa tok uya Katù nùkupù tùttusen pe pùla ittu màlà, mùkkàlà ichi Christ.

Colossians 3:12

Katù uya à'nùnma kon màlà molopai tùponalok kon pe kulu ayanùnsak kon ya. Màlàpàk esuken emattàk, tùusentuppaik, wakù pe, àssà'mùla, tenpe, molopai pàlikanài nan pe.

Hebrews 6:18

Màlàpàk sàlà yamùk asa'lon molo man, tùwemyakanmasan pen, Katù ukaseitatok ipàk pen. Wapiyalok ikupù tùuya tetok ya Abraham pàk molopai yakon pe meluntà pe wa teppù ya. Màlàpàk uchi kùmyamlo iwepesak kon pe nai'nannùk Katù piyak, epùikattàse umeluntàtasak man, utachinsak nokon enpen we'nàtok kùyemloto kon pona itùsak nai'nùk pàk.

1 Peter 1:2

Ayanùnsak kon màlà Katù yeselu yawàlà, Katù ponaloppe àkonekatok kon pe Wakù Akkwalù winà, molopai Jesus Christ maimu yawàlà ewechi kon pa molopai esuken ewena kon pa Jesus Christ mùnù winà. Tàwà wakù pe we'nàtok molopai echitonpa pe we'nàtok Katù winàpaino àponalok kon pe nenai eke pe.

1 John 3:24

Mùkyamlo Katù uya suwa ekkà tetok yawolon kon wemapù màlà Katù yau, molopai Katù wemapù nàlà tok yau. Sàlà kasaichi màlà Katù wemapù kùyau'nokon ittu'nokon: ittu màlà masapùla Takkwalù ke lepansak ya pàk.

1 John 4:12

Ànù'là uya Katù yensak pùla iwechi màlà; tùse echi'nùn pe we'nà'nokon yau, Katù wechi màlà kùyau'nokon molopai tù'nùn tùsak ya màlà kùyakù'nokon tamù'nawàlà.

1 John 4:16

Molopai ittu'nokon man molopai ailon te'nokon Katù piyawon pùnùnmantok kùponalok pàk. Katù mùkkàlà pùnùnmanài, molopai ànù'là uchi'nùnmantok yau tùwemassen wemapù màlà Katù yau, molopai Katù wemapù yau.