Philippians 1:6 - Patamuna New Testament Revised

⁶ Màlàpàk sàlà tùttuyaik kulu: Katù, sàlà wakù wotoko piyattànàippù ayau'nokon, wechi màlà ikupù pàk iwenukapù tepose Christ Jesus Weyu ponalà.

Philippians 1:6 ပူးပေါင်းရင်းမြစ်များ

John 6:29

Jesus uya tok maimu yeikuppù, “Sàlà màlà Katù wotokoyi, ailon te auya'nokon ineunokoppù pàk,” tukaik.

Yeunossak kon Wotokoyi 11:18

Sàlà yetasak tùuya'nokon yau, tok uya pokonomantok tùuya'nokon yeleutanùpùppù, molopai Katù yapulàppù tok uya, “Katù uya nàlàichi Jew yamùk pen lepasak man, tok welattàtok tùmakuyi kon winàpai Katù winàkàik yattai ke molopai tok wematoppe!” tukaik.

Yeunossak kon Wotokoyi 16:14

Tok tonpa ina uselupa yetanàippù wechippù Lydia, Thyatira pon, pùsalà wechippù màlà tùtalilen walai pon chilanmanài pe tùwessen. Mùkkàlà nossan wechippù màlà Katù yapulànài pe molopai Itepulu uya itewan yappàtùppù yà'là te là Paul uya yetatoppe ya.

1 Corinthians 1:8

Meluntà pe àkupù kon ya màlà iwenukapù ponalà, iwalai pen nà pùla ewechi kon pa Kùyepulu kon Jesus Christ weyu yattai.

2 Corinthians 1:15

Sàlà ittui'ma kulu akakklanpa kon pàk wekkupùppù wapiya, autauchinpa kon pa asak itekkwa.

2 Corinthians 2:3

Màlàpàk uchi kaleta menukappù uya, apyakù'nokon uyàssak yau esewankono'mapai pùla wechi pàk mùkyamlo kappon yamùk uyauchinpanài pan kon winà. Masapùla ailon ukayaik, utauchinpa yau, tamù'nawàlà nàlà nen uchi autauchinpa kon.

2 Corinthians 7:16

Utauchinpayaik kulu àpàkù'nokon enpen wechi pàk tamù'nawolon yau.

2 Corinthians 9:4

Masapùla Macedonia pon kon uyàssak uya'là molopai iwekonekappù pùla eyeposak kon tok uya pe iwechi yau, ina wekkuli'ma kulu màlà! Masapùla enpen ina wechippù àpàkù'nokon. Ewekkuli'ma kon nàlà nen màlà.

Galatians 5:10

Tùttuyaik Itepulu yau tùulon usenumenkantok yanùmù auya'nokon pùla iwechi, molopai mùkkàlà utaimelunpantok yak àtùyatài'nùk talumattà màlà, ànùk pe là iwechi yau.

Ephesians 4:12

Sàlà kupùppù Christ uya màlà tamù'nawolon kon Katù ponalok kon kappon yamùk koneka toppe tùuya, tùwotokoyi kuttoppe tok uya. Molopai ailon tawonnan tùpàk yamùtoppe tùuya.

Philippians 1:10

Wakù pe kulu neken nai'nùk yanùmù kon pa. Molopai nen uchi esuken ewemattok kon wettoppe, wakù pe eyekale kon wettoppe Christ wennappo sàlà motak ponalà.

Philippians 1:29

Masapùla elepasak kon màlà Christ Jesus yapyoto pe ewettok kon ke, ailon tetok neken auya'nokon ipàk winà pùla, tùse nàlà ewettalumattàtok kon iponaloppe winà.

Philippians 2:12

Màlàpàk uchi, utonpa yamùk, tàwàlà mayin yawàlà ewechippù kon apyau'nokon wechi yau. Tùse sàlà pe apyau'nokon pùla là wechi tùse màlà yentak lùiwa yawàlà ewechi kon màlà. Màlàpàk e'wotokomatàk kon, tùwe'namaik molopai tùplànài'nùnse Katù ponaloppe ewechi kon yekama pe.

Philippians 2:13

Masapùla Katù mùkkàlà tùwe'wotokomasen ayau'nokon tàwàlà, alikyeppe molopai meluntà pe amatok kon pe tùuya, teselu yawàlà ewechi kon pa.

Philippians 2:16

Wema'nàtok yekale yekamai'ma tok pàk. Màlà pàkànsau àpàkù'nokon utauchinpatok yesappe wechi màlà Christ Weyu yattai; màlà uya yekama màlà yà'là woton pe pùla là we'wotokomappù pe pùla iwechi.

Colossians 2:12

Masapùla eusenpatauka kon yau, àwu'nattàppù kon màlà Christ pokonpe. Molopai usenpataukantok yau àwuluukappù kon nàlà màlà Christ pokonpe ailon tetok auya'nokon yai Katù yapàikketù yau. Iwuluukanàippù weli'nàtok yapai wema'nàtok yak yapàikettù yau.

1 Thessalonians 1:3

Masapùla ina nùttuyan, Katù Kùkàipùnù kon yemloto po ailon tetok auya'nokon yai ewe'wotokoma kon sa’man pe uchi'nùnmantok ke. Molopai enpen ewettok kon Kùyepulu Jesus Christ pàk wechi melùntà pe ittuyan ina.

2 Thessalonians 1:11

Sàlà kasaichi tùusenumenkaik tàwàlà àpona'nokon ina tùwàpùlemasan. Katù uya àkà'mappù kon yak lùppù yawà tùwemassan pe ewechi kon pa. Tàwà tùmeluntàlù yai, wakù ànkupù pe tùwessen kupùik molopai àpùikattài ailon tetok auya yawà ewelaika pa.

2 Thessalonians 3:4

Molopai ina uya kulu Itepulu yau ailon pe ittusak man, eyenupatok kon ina uya maimu yawàlà ewechi kon, molopai imaimu yawàlà luppù ewechi kon tàwàlà.

Philemon 1:21

Sàlà menukai'ma unekamappoppù kupù auya pe kulu tùttuyaik molopai yekamappoppù uya yentai ikupù auya pe.

Hebrews 10:35

Ailon tetok uchi auya'nokon ittutàk kon tàwàlàlà, masapùla eke kulu epeppù ne'nài màlà.

Hebrews 12:2

Jesus yenpai'nokon man. Mùkkàlà ailon tetok kùuya'nokon piyattànàippù molopai ikasa kulu iku'nài mùkkàlà. Masapùla mùkkàlà uya tùutauchinpatok yepolo tùuya ite'mappùtak ittu tùuya pàk, tùwelittok pàlikappù pulusuk pàk, wekuli'mantok pàk iichenumenka pùla. Molopai sàlà pe nen uchi chichiupe man Katù laitanù winà yapon piyau.

1 Peter 5:10

Katù tamù'nawolon wakù pe we'nàtok yesak, mùkkàlà uya àkà'masak kon màlà tàwàlàlà takkwayi pùkkù pe ewechi kon pa Jesus Christ yau. Ewettalumattàsak kon malalà tùpo, mùkkàlà uya àkoneka kon màlà ikasa, meluntà pe kulu, molopai àtùlù kon màlà wakù pata tùutamasen pen pona.

2 Peter 3:10

Tùse Itepulu Katù Weyu uyàpù màlà amak uyàpù kasa. Màlà wei yattai kak waliwomù màlà wala'napi wettoikkwa kasa, kak yawon kon uyatù màlà, molopai màlà yamùk umatta màlà, molopai non waliwomù màlà tamù'nawolon tawon kon pokonpe.