Philippians 1:5 - Patamuna New Testament Revised

⁵ Masapùla upatùnayi pe ewessak kon Itekale yekama uya yau, wepyattà motapai sàlà tepose pàk.

Philippians 1:5 ပူးပေါင်းရင်းမြစ်များ

Yeunossak kon Wotokoyi 2:42

Tok uko'manpàtùppù tùusenupa kon pàk yeunossak kon uya enupantok pàk, tamùkke tok tok wechippù, tùuta'letàtok kon yau molopai tùwàpùlematok kon yau.

Romans 11:17

Imainanpasak olive panta yamùk tonpa wekkwàtùppù man, molopai imainanpasak pen panta ki'masak man ipatappù yak. Amyamlo Jew yamùk pen wechi màlà imainanpasak pen olive yek kasa. Molopai nen uchi Jew yamùk meluntàlù molopai wakù wema'nàtok pùkkù pe ewechi kon màlà.

Romans 12:13

Yà'làlà pùla nai'nannùk Katù munkà tùmainanpaik ettàk kon, molopai kaklan yamùk yewonnùttàk àwùk kon tak.

Romans 15:26

Masapùla ailon tawonnan Jesus pàk Macedonia pon kon molopai Achaia pokon kon utauchinpasak man tùtùsen tùlù pàk yà'là pùnon sa'ne ponaloppe Katù ponalok kon Jerusalem pon kappon yamùk kùlottau nainannùk pùikattàtok.

1 Corinthians 1:9

Katù, àkà'manàippù'nokon echitonpa pe ewechi kon pa tùmu Jesus Christ Kùyepulu kon pokonpe, mùkkàlà wechi màlà ailon pe.

2 Corinthians 8:1

Ittu auya'nokon iche ina man, ina tonpa yamùk, wakù pe we'nàtok Katù nùkupùppù Macedonia pon sochi yamùk ponaloppe.

Ephesians 3:6

Sàlàichi màlà tùttusen pen: Wakù Itekale winà Jew yamùk pen wechi màlà Jew yamùk pùkkù pe Katù uya pùlemantok yau. Tewin ipun tok wechi màlà molopai Katù uya itùlù tùuya teppù lùppù pùkkù pe tok wettoppe màlà ikussak Christ Jesus yau.

Philippians 1:12

Ittu auya'nokon iche wessaik, utonpa yamùk, màlà yamùk iwekkusak kon uwinàkàik uya kulu Wakù Itekale utàtoppe miyaiwa upùikattàsak pàk.

Philippians 1:16

Pùsamlo mùkyamlo Christ yekale pàk tùuselupasan, wakù pe iteselu uchi'nùnmantok yapai. Masapùla Katù uya ulepasak sàlà Wakù Itekale wenai wettoppe.

Philippians 1:27

Tùse yà'là pe là wechi pe iwechi yau, Christ yekale nekama yawà memattàik tàwàlà. Màlàyau nen uchi eyense'nokon utà wapùla utà pùla là iwechi tùse eyekale kon neken nà yetatoppe uya, tamùkke tewin itewan, tewin ichenumenkatok, molopai meluntà pe ewechi kon wakù itekale ponaloppe yetatoppe uya.

Philippians 1:7

Tàwàlà uyewan pe tùwessan amyamlo! Màlàpàk ikasa iwechi màlà sàlà kasa usenumenka tamù'nawàlà àpàkù'nokon. Masapùla Katù uya ulepatok wakù pe we'nàtok pùkkù pe ewessak kon pàk. Sàlà pe patikichi tau wechi yau wapùla polopo Wakù Itekale wechi ailon pe yekama pàk wechi yau, iwenai wechi pe.

Philippians 2:12

Màlàpàk uchi, utonpa yamùk, tàwàlà mayin yawàlà ewechippù kon apyau'nokon wechi yau. Tùse sàlà pe apyau'nokon pùla là wechi tùse màlà yentak lùiwa yawàlà ewechi kon màlà. Màlàpàk e'wotokomatàk kon, tùwe'namaik molopai tùplànài'nùnse Katù ponaloppe ewechi kon yekama pe.

Philippians 2:22

Tùse Timothy mùttuyatàik. Tùwe'wotokoma pàk iwessak man upokon pe, tùkàipùnù pokonpe imu we'wotokoma kasa. Ina we'wotokomasak man tamùkke, Wakù Itekale pàkànsau.

Philippians 4:3

Molopai àmàlà nàlà ailon we'wotokoma yakon, pùsamlo nossan yamùk pùikattà auya iche wessaik. Masapùla tok we'wotokomasak man sa'man pe upokon pe Wakù Itekale yekama pàk Clement pokonpe tamùkke. molopai tamù'nawolon kon tùulon kon we'wotokoma yakon non Katù kaletayi, wema'nàtok yapon yau itesek nai'nannùk.

Philemon 1:17

Màlàpàk àtonpa pe ukupù auya yau, yanùnkà uyanùmù auya kasa.

Hebrews 3:14

Masapùla uyà'nàsakù'nokon nai'nùk Christ pùkkù pe, utachinpai'nokon uchi meluntà pe wapiya ailon teppù kùuya'nokon nùppù pàk, iwenukapù tepose.

2 Peter 1:1

Sàlà màlà kaleta Simon Peter, Jesus Christ yapyoto molopai ineunokoppù winàpaino, mùkyamlo wakù pe kùkatùyi wettok molopai pùikattànài Jesus Christ yai. Ilepasak kon ailon tetok wakù kulu, ina uya ailon tetok walai ke piyak inmenukappù.

1 John 1:3

Màlà ina neneppù lùppù molopai ina netappù yekama nàlà ina uya àpàkù'nokon, ina kùlottau echitonpa pe we'nàtok yau ewechi kon pa Kùkàipùnù molopai Imu Jesus Christ pokonpe.

1 John 1:7

Tùse wema'nà akkwa yau, akkwa yau iwechi nai'nùk kasa yau, echitonpa pe we'nà màlà kùtonpa pokonpe, molopai Jesus Christ, Imu, mùnù uya kùkuka kon màlà tamù'nawàlà kùmakuyi kon winàpai.