Philippians 1:20 - Patamuna New Testament Revised

²⁰ Masapùla i'napailà uyewan wettok iche molopai enpen wettok màlà yà'làlà unkupù yau wekkuli'ma tukaik uku'nài. Tùse tàwàlà molopai sàlà pe kulu umeluntàta màlà, tamù'nawàlà uke, Christ yapulàtok nettoppe uya, wemapù pe iwechi yau wapùla welikù pe là iwechi yau.

Philippians 1:20 ပူးပေါင်းရင်းမြစ်များ

John 21:19

Jesus uya wa teppù màlà yà'là yekkwa là weli'nàtok yau Peter uya Katù yapulàtok nettok yekama pe. Molopai nen uchi ipàk, “Kùwenaimakà,” teppù ya.

Yeunossak kon Wotokoyi 20:24

Tùse wemattok tùkussaik yà'là pe pùla là, uwotokoyi yenuka'nùttoppe uya, molopai wotoko Itepulu Jesus uya ulepatok unkupùpe kutoppe uya, màlà Wakù Itekale tekamasen wakù pe Katù wettok yekama toppe uya.

Yeunossak kon Wotokoyi 21:13

Tùse yeikuppù ya, “Yà'là pe ewechi kon màlà, akalawù kon sàlà kasa molopai uyewan ikkwàtù auya'nokon,” tukaik. “Wekonekasak man uyaulonpà toppe neken nà Jerusalem po pùla, tùse welittok pe nàlà Itepulu Jesus ponaloppe,” tukaik.

Yeunossak kon Wotokoyi 4:31

Tok wàpùlema kassak yau, màlà pata tok wettok yau utattù'mappù. Tamù'nawàlà tok wanùssak wechippù Wakù Akkwalù ke molopai tok wepyattàppù Katù yekale yekama pàk meluntà pe.

Romans 12:1

Màlàpàk utonpa yamùk, Katù usentuppatok kùpàkù'nokon pàkàlà, apawanattàyatàu Iulà, Katù yemyak nulà, nulànan tùttusen Katù yemyak kasa ettùtàk kon iwotokoyi yak esuken molopai yauchinpanài yeppe. Sàlà uchi màlà ailon kulu namantok molopai yapulàtok àntùlù kon.

Romans 5:5

Sàlà enpen we'nàtok màlà enkuttànài pen, masapùla Katù uya pùnùnmantok tùuya tùsak màlà kùyewan kon yak, Wakù Akkwalù yai, mùkkàlà Katù uya kùlepatok kon ike yai.

Romans 6:13

Màlà tùse pùla àpùkkù kon kùsapulàtàu àli ponaloppe, àli pàkànsau yapulàtoppe. Tùse làkku Katù yemyak ettùtàk kon, kappon yamùk inesak kon weli'nàtok yapai wema'nàtok yak kasa molopai tamù'nawàlà ettùtàk kon itemyak wakù iwalai ponaloppe ayapulàtoppe.

Romans 6:19

Uselupayaik kappon nùttu yau, masapùla atu'mùla ewechi kon pàk. Pena tamù'nawàlà eyesak kon tùlùppù auya'nokon màlà àli eyeselu kon, miyaiwa àli pe ayanàippù kon i'napailà yapyoto pe. Màlà kasa làmaichi sàlà pe tamù'nawàlà eyesak kon itùtàk kon, esuken we'nàtok yapyoto pe.

Romans 8:19

Tamù'nawolon Katù nùkonekassan enpen man tùmunkà yamùk yekama ya yentok yattai màmuku pàk.

Romans 9:33

Iwe'menukasak màlà pàk kasa, “Yentàk kon, tàk tùlù uya sàlà Zion pona, kappon yamùk tatai'manài pe. Tàk, ipona tok wepippotok. Tùse mùkkàlà ailon tawon ipàk wekkuli'ma pen màlà,” tukaik kasa .{Isa 8.14, Isa 28.16}

1 Corinthians 15:31

Utonpa yamùk, ailon pe weli'nàtok yemloto pon Iulà wei kaichalà! Utapulàtok àpàkànsau'nokon wema'nàtok Christ Jesus Kùyepulu kon yau ukussan.

1 Corinthians 6:20

Ye'masak kon amyamlo epekkeppe. Màlàpàk uchi àpun kon ke Katù inamatàk kon.

1 Corinthians 7:34

Molopai ichenumenkatok wechi asa'là. Itayappù pùn nosson wapùla walawok ittunàippù pen ulichan wechi màlà tùusenumenkasen pe Itepulu wotokoyi pàk, masapùla ettùpai tùwechi Itepulu ponaloppe pàk asakklàma tesak molopai takkwalù yau. Tùse tùtayappù kenan nossan mùkkàlà tùusenumenkasen sàlà wolù yawon kon pàk, masapùla tùtayappù anauchinpapai tùwechi pàk.

2 Corinthians 10:8

Masapùla wekuli'ma pùla man, Itepulu uya ina lepatok apàikkek pàk lànen utapulàsak tùse. Sàlà apàikkek wechippù màlà ayamùtok kon ina uya pe, ayalakkatok kon pe ina uya pùla.

2 Corinthians 3:12

Màlàpàk enpen tùwettok kon yesappe tùwechi kon pàk, ina usenalipa pùla iwechi màlà.

2 Corinthians 4:10

Tàwàlà Jesus welittok pininpannan ina tùyau'nokonkon, Jesus wemattok usentoppe nàlà ina yesak yau.

2 Corinthians 5:15

Tamù'nawolon kon ponaloppe iwelikùppù màlà mùkyamlo tùwemassan wemapù tùponalà'nokon pe tukaik, tùse mùkkàlà iwelichak lùppù molopai iwuluukasak lùppù tùpàkànsau neken ponaloppe.

2 Corinthians 7:14

Ayapulàppù kon uya ipàk, molopai ukuli'masak auya'nokon pùla man. Tamù'nawàlà ina nekamatainùk àpàkù'nokon kasa iwechi màlà ailon pe. Màlà kasaichi ayapulàtok kon ina uya Titus pàk uya ailon pe iwechi yenpoikasak nàlà màlà.

2 Corinthians 7:4

Enpen kulu wessaik àpàkù'nokon, kùyauchinpayatàik. Tamù'nawolon ina talumattàtok yau meluntà pe ina man. Wanùssak man utauchinpantok ke.

Philippians 1:14

Molopai patikichi tau wettok uya tamù'nawolon kon lùiwa ailon tawonnan utonpa yamùk kussak man ailon tetok tùuya'nokon tùtoppe tok uya Christ yak. Meluntà peiwa Katù Maimu yekamatok tùuya'nokon yau tùwenatok kon pe tàwàlà tùusenalippaik pùla.

Philippians 2:17

Ailon tetok auya Itepulu yau molopai ewe'wotokomatok màlà lepantok walai Katù pona. Msolopai umùnù wekkwamù sàlà lepantok pona. Sàlà wekkupù yau utauchinpa màlà, molopai tamù'nawàlà àpokonpe' nokon utauchinpa.

Colossians 1:24

Molopai sàlà pe utauchinpayaik wettalumattàsak àpàkànsau'nokon pàk. Sàlà yamùk wettalumattàtok yanùmù uya nai'nùk uyesak yau, Christ wettalumattà yenuka'nùpù pe sochi ponaloppe. Sochi mùkyamlo Christ pùkkù.

1 Thessalonians 5:23

Tàwà Katù echitonpa pe we'nàtok ke lepanài àkonekai'nokon tamù'nawàlà tùponalok pe, esuken, wakù pe, tamù'nawàlà iwettùsak Katù piyak pe, tàwà ayakkwalù kon, eyesak kon, eyewan kon eusenumenkatok kon, nechii iwalai pen nà pùla, Kùyepulu kon Jesus Christ uyàttok yattai.

1 Peter 4:16

Tùse ànù'là wettalumattà Christ ponaloppe yau, kùsekuli'matak, tùse tàwà tenki nùkai Katù pàk Christ ponaloppe tùwechi pàk.

1 John 2:28

Ewaik, umunkà yamùk, yau ettàk kon, meluntà pe ewechi kon pa ichenpoika yau molopai àuso'namù kon wekuli'mantok yau iwinàpai iyàttok Weyu yattai tukaik.