Philippians 1:17 - Patamuna New Testament Revised

¹⁷ Tùulon kon Christ yekale pàk tùuselupasan, ailon pe wakù pe itewan pùla, amlek peiwa, enekamapai pùla lùiwa echii'ma, eke peiwa utaimelunpantok koneka tùuya'nokon kasa tùttuse patikichi tau wechi tùse.

Philippians 1:17 ပူးပေါင်းရင်းမြစ်များ

Luke 21:14

Esenumenkatàk kon màlà wapiya ewenai ewechi kon pàk autaimelunpa kon tukaik.

Yeunossak kon Wotokoyi 22:1

“Utonpa yamùk, Ukàipùnù yamùk, sàlà pe uwenai uselupa yetatàk kon!” tukaik.

Yeunossak kon Wotokoyi 26:1

Agrippa uya Paul pàk, “Eyiwalà euselupa pa elepasak man,” teppù. Paul uya temyatù yenkappù molopai ichelupappù tùwenai sà kasa:

Yeunossak kon Wotokoyi 26:24

Paul uselupa tùwenai sàlà kasa tùse, Festus wentaimeppù iwinàkàik, “Autayaupasak man Paul! Eke pe eusenupatok uya màlà ayayaupa,” tukaik.

Romans 2:8

Tùse mùkyamlo tùpàkù'nokon neken tùsenumenkasan molopai ailon nulunpannan àli kuttoppe tùuya'nokon pàk àsà pe Katù we'naika màlà.

Philippians 1:18

Yà'là pe pùla iwechi màlà! Màlà kasa iwechipàk utauchinpayaik walàtùse Christ yekale usekamatoppe i'nai kasa là, iwalai pen wapùla iwalai là iteselu pe. Ewaik, utauchinpa pàk lùppù wechi màlà.

Philippians 1:7

Tàwàlà uyewan pe tùwessan amyamlo! Màlàpàk ikasa iwechi màlà sàlà kasa usenumenka tamù'nawàlà àpàkù'nokon. Masapùla Katù uya ulepatok wakù pe we'nàtok pùkkù pe ewessak kon pàk. Sàlà pe patikichi tau wechi yau wapùla polopo Wakù Itekale wechi ailon pe yekama pàk wechi yau, iwenai wechi pe.

Philippians 2:3

Amlek pe kettàu. Tùulon kon yentai wakù peiwa ewekkupùiche'nokon kettàu. Àssà'mùla ettàk kon, tùulon kon yentai tùuchittuik pùla.

1 Timothy 2:7

Màlàpàk uchi sàlà uyeunossak kappon yamùk Jew yamùk pen yenupanài pe molopai ailon yekale yekamase. Ailon pe uselupa sàlà, kasei pe wechi pen!

2 Timothy 2:9

Molopai sàlà itekale yekama uya pàk wettalumattà nai'nùk, uyewattàsak nàlà kappon wànài yaulonsak kasa. Tùse Katù Maimu yewattàsak pùla man,

2 Timothy 4:16

Ànù'là uya upùikattà pùn wapiyalok pe uselupa uponalok pe yau; tùse tamù'nawolon kon unonkatai. Tok winàkàik làkken ittu kùsettak te uya.