Philippians 1:13 - Patamuna New Testament Revised

¹³ Màlàpàk tamù'nawolon kon itepulu yelasu ton molopai tamù'nawolon kon talonkonnà Christ yapyoto pe wechi pàk patikichi tau wechi ittuyan.

Philippians 1:13 ပူးပေါင်းရင်းမြစ်များ

Yeunossak kon Wotokoyi 26:29

“Tachin pe wapùla tachin pe pùla iwechi yau, wàpùlematok wechi màlà Katù pàk, àmàlà molopai tamù'nawolon kon uyetayai'nannùk sàlà pe wena toppe ukasa, tùse yachisak pe pùla,” tukaik Paul uya imaimu yeikuppù.

Yeunossak kon Wotokoyi 26:31

Tùutàsak kon yau tok uya tùyiwalà'nokon, “Pùsàlà kàyik uya yà'làlà kussak iwelittok itepeppù pe wapùla patikichi tak itùtok itepeppù pe pùla man,” teppù.

Yeunossak kon Wotokoyi 28:17

Àsolùwau wei tùpo Paul uya Jew yamùk eke ton pilipùppù. Tok wepilichak yau, tok pàk: “Utonpa yamùk! Yà'làlà kussak uya kùtonpa yamùk wapùla kùyeselu kon yanùnsak lùppù kùtamo kon winàpai winàkàik pùla tùse, uyachisak sàlà Jerusalem po molopai utùsak sàlà Roman yamùk yemyak.

Yeunossak kon Wotokoyi 28:20

Màlàpàk eyentok kon pe uya eyekamapposak kon uya màlà molopai uselupa toppe àpokonpe'nokon. Masapùla enpen Israel yamùk wettok pàkànsau sàlà uyaulonsak chin ke,” teppù ya.

Yeunossak kon Wotokoyi 28:30

Asa'là kilichimochi Paul uko'mamùppù màlà pata yau tùne'mappù tùwemattoppe itau tau, molopai tamù'nawolon kon tense iyàssak kon yanùmùppù ya molo.

Ephesians 3:1

Sàlà kasa iwechi pàk Iulà Paul, wechi nai'nùk yachisak pe, amyamlo Jew yamùk pen pàkànsau.

Ephesians 4:1

Eyekamappoyatàu uchi Iulà, Iulà yachichak nai'nùk masapùla Itepulu Jesus ponaloppe we'wotokoma pàk. Àkà'ma kon tùuya yau Katù nùkupùppù yawàlà we'nàtoppe, pàkàlà ayakkwalù kon yemakkwatàk kon.

Ephesians 6:20

Sàlà wotoko kuttoppe uya uyeunossak nai'nùk molopai màlà pàkànsau sàlà patikichi tau wechi. Àpùlematàk kon meluntà pe tùusenalippaik pùla uselupatoppe Wakù Itekale yekama uya yau.

Philippians 1:30

Màlàpàk uchi sàlà wepanta'mantok yau we'nàpai man tamùkke. Sàlà màlà màlà lùppù ipanta'ma uya mentantàunùk pena, molopai màlà lùppù ipanta'ma pàk wessai'nùk, yeta auya'nokon kasa.

Philippians 1:7

Tàwàlà uyewan pe tùwessan amyamlo! Màlàpàk ikasa iwechi màlà sàlà kasa usenumenka tamù'nawàlà àpàkù'nokon. Masapùla Katù uya ulepatok wakù pe we'nàtok pùkkù pe ewessak kon pàk. Sàlà pe patikichi tau wechi yau wapùla polopo Wakù Itekale wechi ailon pe yekama pàk wechi yau, iwenai wechi pe.

Philippians 4:22

Tamù'nawolon kon Katù ponalok kon talon konnà “Wakù pe na' messatàu?” nùkayan Kin Caesar, yùwùk tawon kon kulu.

2 Timothy 2:9

Molopai sàlà itekale yekama uya pàk wettalumattà nai'nùk, uyewattàsak nàlà kappon wànài yaulonsak kasa. Tùse Katù Maimu yewattàsak pùla man,