Philippians 1:11 - Patamuna New Testament Revised

¹¹ Jesus Christ uya àkupù kon màlà wakù eselu kupù pàk ewechi kon pa. Sàlà uya Katù yapulàtok molopai inamatok nepù màlà.

Philippians 1:11 ပူးပေါင်းရင်းမြစ်များ

Matthew 5:16

Màlà kasa làmaichi tàwà eweyu kon nùlenpamùi kappon yamùk yemloto po, wakù ton ànkupù kon yentoppe tok uya molopai àkàipùnù kon epùn pon yapulàtoppe tok uya,” tukaik.

John 15:16

Amyamlo uya uyanùnsak pen màlà, tùse Iulà uya ayanùnsak kon. Àutà kon pa epetaik, tachinpe molo tùwessen epelu ke. Màlà yattai yà'làlà yekamapposak auya'nokon Ukàipùnù pàk uyesek yai yau, elepa kon ya màlà.

John 15:2

“Upanta pe nai'nùk tùwepetasen pen, yattàpàtù ya màlà. Molopai tùwepetasen koneka ya màlà wakù pe tukkeiwa iwepeta toppe.

John 15:8

Tukke ewepeta kon yau, Ukàipùnù yapulàtok iwinà pe iwechi màlà. Sàlà winà unenupa ton pe ewechi kon yenpoika auya'nokon màlà.

Romans 15:28

Sàlà wotoko yenuka'nùssak uya yau, molopai tamù'nawàlà itùsak lùppù tok ponaloppe tùsak uya tok yemyak yau, Spain pona utà màlà molopai akakklanpa kon uya màlà utà pe màlà motak.

Romans 6:22

Tùse sàlà pe àmokkasak kon man àli pe we'nàtok winàpai. Molopai Katù yapyoto ton amyamlo, sàlà uya esuken wema'nàtok yak ayasak kon nai'nùk. Molopai iwenukapù pe tàwàlàlà wema'nàtok yepolo auya'nokon màlà itepeppù pe.

1 Corinthians 10:31

Yà'làlà kupù auya'nokon yau, auta'lettà kon wapùla àwuku kon nà inchi auya'nokon pe iwechi yau, tamù'nawolon ikuttàk kon Katù yapulà auya'nokon pe.

2 Corinthians 9:10

Mùkkàlà kùyali yenappà ke ipànnài lepayai'nùk molopai itu ke, uya màlà elepa kon iche ewettok kon yawàlà kùyali yenappà ke molopai iwepeta toppe ikùpù ya màlà eke peiwa wakù ànkupùppù kon winà.

Ephesians 1:12

Sàlà kupùppù ya màlà ina Jew yamùk uya Katù namatok nettoppe iponaloppe molopai wapiya kulu enpen we'nàtok yeponnanùssan pe Christ pàkànsau!

Ephesians 1:14

Wakù Akkwalù màlà Katù uya wakù ton kùnepolo kon, itùlù tùuya tùponalok kon piyak teppù yanùmù kùuya'nokon yentok ipàkàlà, Katù uya tùne'mappù yanùmù tùponaloppe weyu ponalà, wakù pe iwettok yapulà toppe.

Ephesians 2:10

Katù mà mùkkàlà kùkonekanàippù kon tà. Molopai Christ Jesus yau emennak pe we'nàtoppe kùkonekappù kon ya màlà, wakù kùnkupù kon woton pe inkupùppù pena, kuttokkonpe wema'nà yawà.

Ephesians 5:9

Masapùla akkwa màlà eke pe kulu tamù'nawolon yà'là yekkwa là ku'nài wakù pe we'nàtok, ikasa we'nàtok, molopai ailon.

Philippians 4:17

Lepantok yamùk neken nà enekkwappai wechi pàk pùla. Tùse làkku àntùlùppù kon pàkàlà itepeppù wekassak enenpai wechi pàk, sàlà yamùk lepantok tùsak auya'nokon pàk.

Colossians 1:10

Màlàyau nen uchi Itepulu Katù wettok iche kasa tùwemassan pe ewechi kon màlà. Molopai yauchinpanài pe nai'nùk kupù auya'nokon. Ewemattok kon wechi nen uchi tepelu ke màlà, wakù ton yà'là yekkwa là wotoko kupù auya'nokon yau. Molopai Katù ittutok auya'nokon yau eusemokka kon.

2 Thessalonians 1:12

Sàlà kasa tùwàpùlemasan ina Itepulu Jesus yesek yapulàtok usentoppe ayau'nokon, molopai ayapulàtok kon yepolokonpa iwinàpai, wakù pe we'nàtok kùkatùyi molopai Itepulu Jesus Christ winàpaino winà.

Titus 3:14

Tonpa wannà yamùk uya wakù wotoko kuttok yak tùweyu kon tùlù iche we'nà man, yà'là pùnon kulu wettok iche yau pùikattàn pàk tok wettoppe; tapulàsen pe tok wemattok wettoppe.

Hebrews 12:11

I'nai yekkwa là talumattàntok màlà, yattai auchinpanài pen tùse wankono'manài. Tùse ite'mappùtak wakù ne'nài pe iwechi màlà. Ànù'là yenupasak lùppù màlà yekkwa yau uya màlà, màlà yepeppù, ikasa wema'nàtok molopai echitonpa pe we'nàtok yepolo.

1 Peter 2:12

Eyeselu kon wakù pe nechii Katù ittunnan pen kùlottau, àmottùnpa kon tok uya yau, àli kussan tok te tok uya yau, wakù eyeselu kon yentoppe tok uya, molopai nen uchi Katù yapulàtoppe tok uya iiyàpù Weyu yattai.

1 Peter 2:5

Àitàk kon nulànan tàk kasa, molopai tapulàsan pe ettàk Katù yùwùk kappon namùppù pen tensen pen yamù yau, màlà motau wakù pe tùwe'wotokomasan pe ewechi kon pa, wakù ton Katù lepatok iche iwettok tùlù pàk Jesus Christ yai .

1 Peter 2:9

Tùse amyamlo mùkyamlo yanùnsak kon, tùusensen pen paatele yamùk pe, kin ponalok kon, wakù ton kappon yamùk Katù ponalok kon, yanùnsak kon Katù yeselu wakù ton kulu yekama kon pa. Mùkkàlà àkà'manàippù'nokon ewalupàttapai wakù kulu takkwayi yak.

1 Peter 4:14

Tùutauchinpasan pe ewechi kon màlà, àmottùnpasak kon yau Christ ponalok kon pe ewechi kon pàk; masapùla sàlà uya yekama màlà, màlà tùnamasen Akkwalù Katù winàpaino uttàsak àpona'nokon.