Philippians 1:1 - Patamuna New Testament Revised

¹ Sàlà màlà kaleta Paul molopai Timothy tawonnan, Christ Jesus yapyoto ton winàpaino. Tamù'nawolon kon Christ Jesus ponalok kon pe tùwemassan Philippi po piyak imenukasak, tamùkke sochi yennàinan molopai tok pùikattànnan ponalok:

Philippians 1:1 ပူးပေါင်းရင်းမြစ်များ

Mark 13:34

Sàlà wechi màlà kàyik utà mei te'ma tawà kasa. Tùpata nàmà tùuya yau tùpoitolù ton nàmà ya màlà tùpata mainanpanài pe. Tùpoitolù ton lepa ya tok wotokoyi ke. Molopai manatta yesak pàk, ‘Enpen mechik,’ teppù ya.

John 12:26

Ànù'là iche wettok ku'nài uyàpù màlà uya'là, molopai i'nailà là wechi yau, molo nàlà upoitolù wechi màlà. Ukàipùnù uya mùkkàlà yapulà màlà,” tukaik.

Yeunossak kon Wotokoyi 1:20

Masapùla “Iwe'menukasak man Psalms kaletayi yau, ‘Tàwà itùwùk yà'làlà pùla nechii, molopai ànù'là kùsemattak itau,’ tukaik. Iwe'menukasak nàlà man, ‘Tàwà tùulon iwotokoyi lùppù yanùmùik,’ tukaik.

Yeunossak kon Wotokoyi 20:28

Amyamlo pe esentàk kon molopai tamù'nawàlà kalinilu yamùk anmainanpa kon pe Wakù Akkwalù nùtùlùssan yentàk kon. Kalinilu yesan kasa, Katù sochiyi tawon kon yewettàk kon, tùponaloppe ine'massan tùmu mùnù yai.

Yeunossak kon Wotokoyi 9:13

Ananias uya yeikuppù, “Uyepulu, tukkan kon uya pùsàlà pàk uyelupasa'man, tamù'nawàlà àli ton inkupùssan àponalok kon kappon yamùk Jerusalem pon kon winàkàik pàk.

Romans 1:1

Sàlà kaleta nùyàssan apyakù'nokon Paul winàpai. Mùkkàlàichi mùkkàlà Jesus Christ yapyoto molopai yeunossak lùppù. Inanùmùppù mùkkàlà molopai inkà'mappù Wakù Itekale tùponalok yekamatoppe ya.

Romans 1:7

Màlàpàk kaleta menuka uya sàlà tamù'nawàlà apyakù'nokon Rome pon kon Katù nù'nùnma ton molopai inkà'massan esuken tùwessan pe. Tàwà Katù Kùkàipùnù kon molopai Kùyepulu kon Jesus Christ elepai'nokon wakù pe we'nàtok molopai echitonpa pe we'nàtok ke.

1 Corinthians 16:10

Timothy uyàssak apyakù'nokon yau, manùntàik ichenalippa tukaik àkklottakù'nokon, masapùla iwe'wotokoma màlà nai'nùk ukasa làma Itepulu Jesus ponaloppe.

2 Corinthians 1:1

Sàlà màlà kaleta Paul winàpaino, Christ Jesus neunokoppù Katù yeselu yawà nùmenukappù, molopai kùtonpa kon Timothy winàpaino. Katù sochiyi Corinth pon piyak, molopai tamù'nawolon kon Katù ponalok kon kappon yamùk Achaia yawolon kon piyak inmenukappù.

Galatians 1:10

Kappon yamùk yapulàtok nepùiche na' wessan, wapùla Katù? Wapùla kappon yamùk yauchinpaiche na' wessan? Kappon yamùk yauchinpaiche lùppù wechi yau, Christ yapyoto pe wechi pen màlà.

Galatians 3:26

Tamù'nawolon kon amyamlo wechi màlà Katù munkà pe Christ Jesus pàk ailon tetok auya'nokon winà.

Galatians 3:28

Màlàpàk tùpatalà we'nàtok pùla iwechi màlà Jew yamùk molopai Jew yamùk pen kùlottau, apyoto ton molopai apyoto ton pen kùlottau, kàyik yamùk molopai nossan yamùk kùlottau, tamù'nawàlà tewin ewechi kon màlà Christ Jesus yau.

Ephesians 1:1

Sàlà kaleta màlà Paul, Katù wettok iche yawàlà Christ Jesus neunokoppù winàpaino, Katù ponalok kon Ephesus po tùwemassan piyak, mùkyamlo ailon ton tùwemattok kon Christ Jesus yau piyak inmenukappù:

Ephesians 1:15

Sàlà wenai, ailon tetok auya'nokon Itepulu Jesus pàk molopai tamù'nawolon kon Katù ponalok kon pùnùnmatok auya'nokon yetasak uya motapai,

Ephesians 6:24

Tàwà wakù pe we'nàtok Katù winàpaino tamù'nawolon kon Kùyepulu Jesus Christ pùnùnma pàk nai'nannùk po nechii.

Philippians 2:19

Ailon ukayaik Itepulu Jesus pàk sàlà pe'ne là Timothy yeunoko uya apyakù'nokon pe iwechi pàk, umeluntàtatoppe eyekale kon winà.

Philippians 2:5

Eusenumenkatok kon yau Jesus Christ kasa ettàk .

Philippians 3:12

Sàlà yau yenuka'nùssak uya man te uya pùla kan man tà, wapùla wakù pe kulu wenakassak pùla man. tùse unepolo lùppù molo man masapùla Christ Jesus uya uyachisak man.

Philippians 3:3

Masapùla kùmyamlo mùkyamlo ipùkkù yattàsak kon kulu, Katù ponaloppe we'nà yekamanài pe Yakkwalù winà yapulàn nan molopai tùutauchinpasan Christ Jesus yau. Molopai kùyiwalà'nokon tùutapulàsan pen kùmyamlo kùnkupùppù kon pàk, molopai kappon yeselu pàk.

Philippians 3:8

Yà'làlà wakù, Christ Jesus Uyepulu tùttuyai'nùk walai pùn. Tamù'nawolon nonkasak uya sàlà. Molopai tenu'masen àlitta kasa ikupù uya, Christ neken nen uchi iche wechi.

1 Thessalonians 1:1

Sàlà màlà Paul, Silas, molopai Timothy tawonnan winàpaino. Kappon yamùk Thessalonica pon sochi tawon kon Katù Kùkàipùnù molopai Itepulu Christ Jesus ponalok kon piyak imenukasak: Tàwà wakù pe Katù wettok molopai echitonpa pe we'nàtok iwinàpaino àponalok kon pe nechii.

1 Thessalonians 2:2

Mùttuyatàik ina talumattàkapùppù molopai ina mottùnpapàtùppù Philippi po, ina uyàpù Thessalonica pona apyakù'nokon wapiya. Tùse ku Katù uya meluntà pe tùwettalipaik pùla uselupantok Wakù Itekale yekama pe yapàikkettù ke ina lepappù, eke pe lànen iwakkà'nài nan tùse.

2 Thessalonians 1:1

Sàlà màlà Paul, Silas molopai Timothy tawonnan winàpaino, kappon yamùk Thessalonica pon kon sochi tawon kon, Katù Kùkàipùnù kon molopai Itepulu Jesus Christ ponalok kon piyak imenukasak.

2 Thessalonians 1:10

Iyàpùichi màlà, màlà Wei yattai apulàntok yanùnse tamù'nawàlà esukenan kon winàpai. Tamù'nawolon kon ailon tawonnan nùssan tùpàk winàpai tapulàtok molopai tùnamatok yanùnse. Amyamlo nàlà wechi màlà tok kùlottau, masapùla ailon tesak auya'nokon pàk, Wakù Itekale ina nekamappù pàk.

1 Timothy 1:2

Timothy, ailon tetok yau umu kulu kasa tùwessen piyak unmenukappù. Katù Kùkàipùnù molopai Jesus Christ Kùyepulu uya elepatoppe wakù pe we'nàtok ke, usentupantok ke, molopai echitonpa pe we'nàtok ke wàpùlemayaik.

1 Timothy 3:8

Sochi tau pùikattànnan wechi màlà wakù pe iwemattok molopai ailon pe, tùusentaikaik eke pe kulu tùwuku inchinài pe pùla wapùla pùlayatta pàk tùuseka'nonkasen pe pùla.

Titus 1:1

Sàlà màlà Paul, Katù yapyoto, Jesus Christ neunokoppù winàpaino. Uyanùmùppù màlà molopai uyeunokoppù Katù nanùmùssan uya ailon tetok pùikattàse, molopai tok yenupase yà'là kasa ailon pe kulu Katù ponaloppe wema'nàtok pàk,

Titus 1:7

Masapùla Katù wotokoyi yesappe iwechi pàk, sochi yennài wechi màlà ikasa pùla là tùwemassen pe pùla. Yà'làlà ànkuppaino tùyiwalà teselu yau pe pùla iwechi màlà, wapùla asse'ne tùwe'naikasen pe pùla, wapùla tùwetùnsen pe pùla, wapùla àsà pe pùla, wapùla pùlayatta pàk tùuseka'nonkasen pe pùla.

Philemon 1:1

Sàlà màlà Paul nùmenukappù Philemon yemyak. Paul, yachisak pe nai'nùk Jesus pàkànsau, Timothy winàpaino nàlà sàlà. Kaleta menukasak ina uya sàlà ina wechi yakon molopai ina we'wotokoma tonpa kulu Philemon yemyak.

Hebrews 13:23

Kùtonpa kon Timothy yenpakkasak patikichi tapai ittu auya'nokon iche wessaik. Asse'neiwa iyàssak yau, ipokonpe uyàpù màlà eyense'nokon.

James 1:1

Sàlà kaleta màlà James, Katù molopai Itepulu Jesus Christ yapyoto winàpaino. “Wakù pe na' messatàu?” tetok tamù'nawolon kon12 pan kon ikkok Katù ponalok kon kappon yamùk, iwetta'nùssak kon piyak inmenukappù.

1 Peter 2:25

Masapùla kalinilu yamùk utatù kasa ewechippù kon; tùse sàlà pe ewennnaposak kon man Kalinilu Yesak walai molopai ayakkwalù kon Mainanpanài wenaima kon pa.

2 Peter 1:1

Sàlà màlà kaleta Simon Peter, Jesus Christ yapyoto molopai ineunokoppù winàpaino, mùkyamlo wakù pe kùkatùyi wettok molopai pùikattànài Jesus Christ yai. Ilepasak kon ailon tetok wakù kulu, ina uya ailon tetok walai ke piyak inmenukappù.

Jude 1:1

Sàlà màlà kaleta Jude, Jesus Christ yapyoto, molopai James tonpa nùmenukappù. Katù Kùkàipùnù kon nùkà'massan molopai Katù uya pùnùnmantok yau tùwemassan molopai Jesus Christ uya mainanpantok yau tùwemassan piyak inmenukappù sàlà:

Revelation 1:1

Sàlà màlà Jesus Christ nenpoikassan. Sàlà yamùk tùlùppù màlà Katù uya itemyak, tapyoto ton pàk tùwekkupù woton tachinpe kulu tùpo pùla yenpoikatoppe ya. Christ uya tùyinchelùyi yeunokoppù màlà tapyoto John piyak, sàlà yamùk yenpoikase ipàk.

Revelation 1:20

“7 pan chilùkà yamùk kamik pen uyemyatù yau menyai'nùk molopai 7 pan kolù yapai ikonekasak lanppu yapon nekama màlà sà tonantau nai'nùk. 7 pan kon chilùkà yamùk mùkyamlo inchelù yamùk 7 pan sochi yamùk inchelùyi yamùk, molopai 7 pan kolù yapai ikonekasak lanppu yapon yamùk màlà 7pan sochi yamùk,” teppù ya nàlà.

Revelation 19:10

Wekkawai'mappù itta piyau yapulàtoppe uya, tùse upàk, “Kùkkupùi! Apyoto Iulà àtonpa, molopai àtonpa yamùk tonpa tamù'nawàlà mùkyamlo ailon Jesus nenpoikappù yawàlà tùwemassan tonpa. Katù yapulàkà!” teppù ya. Masapùla màlà ailon, Jesus nenpoikappù uya màlà Katù Maimu yenpoikannan kupùppù tok uselupa toppe.

Revelation 2:12

“Pergamum pon sochi inchelùyi piyak sàlà imenukakà: “Sàlàichi màlà itekale, mùkkàlà, yàkek asa'lon yà kasupala yesak winàpaino, tukaik.”

Revelation 2:8

“Smyrna pon Sochi inchelùyi piyak sàlà imenukakà: “Sàlàichi màlà itekale mùkkàlà wapiyalok molopai iwenukattok, iwelichak lùppù molopai nulà tu'ma nai'nùk winàpaino.

Revelation 22:9

Tùse upàk, “Kùkkupùi! Apyoto Iulà àtonpa molopai àtonpa yamùk Katù Maimu yenpoikannan tonpa, molopai tamù'nawàlà mùkyamlo sàlà kaleta yawon mayin yawàlà tùwessan tonpa. Katù làkku yapulàkà!” teppù ya.