Philemon 1:6 - Patamuna New Testament Revised

⁶ Wàpùlema sàlà wakù pe ailon tetok yai Christ ponaloppe ikupù nai'nùk usenpoikatoppe i'napailàiwa.

Philemon 1:6 ပူးပေါင်းရင်းမြစ်များ

Matthew 25:16

Apyoto, 5 pe kolù pun yekkwa'nàippù utàppù màlà, molopai màlà pùlayatta yapai 5 pe làma yepoloppù ya màlà.

Matthew 5:16

Màlà kasa làmaichi tàwà eweyu kon nùlenpamùi kappon yamùk yemloto po, wakù ton ànkupù kon yentoppe tok uya molopai àkàipùnù kon epùn pon yapulàtoppe tok uya,” tukaik.

1 Corinthians 14:25

Amappe ichenumenkatok nepù màlà ayupona, molopai tese'muyok iwena màlà Katù yemloto po, “Ailon pe Katù àkklottau'nokon man,” tei'ma.

1 Corinthians 16:9

Masapùla eke manatta utakkokasak man wotoko kuttoppe uya talà, tùse tukke uwakkà'nàinan man.

Philippians 4:8

Wenukapù pe, utonpa yamùk, eusenumenkatok kon pe màlà yamùk: ailon pe nai'nannùk nechii molopai tapulàsen pe nai'nùk, ikasa nai'nùk, esuken nai'nùk, molùnpak nai'nùk, wakù pe kulu nai'nùk, molopai tapulàsan yeppe nai'nùk molopai tùnamasen pe nai'nùk.

Colossians 1:9

Màlàpàk tàwàlàlà ina tùwàpùlemasan àpona'nokon wapiya kulu eyekale kon yetappù ina uya motapai. Katù yekamapponnan ina ayanùkka tok kon pe ya teselu ittutok ke, tamù'nawolon pukkeppe we'nàtok molopai ittuntok Wakù Akkwalù nùtùlù ke.

Colossians 3:10

Molopai àmàlà pe emennak eyeselu yeposak auya'nokon nai'nùk. Pùsàlàichi mùkkàlà emennak kappon, Katù ikonekanàippù nùkonekayai'nùk tùkasa, enettok kon pe tùuya tùttutok kulu auya'nokon yak.

Titus 3:14

Tonpa wannà yamùk uya wakù wotoko kuttok yak tùweyu kon tùlù iche we'nà man, yà'là pùnon kulu wettok iche yau pùikattàn pàk tok wettoppe; tapulàsen pe tok wemattok wettoppe.

Hebrews 6:10

Katù mùkkàlà ikasa nai'nùk ku'nài. Àwotokoyi kon lùppù puttàka'nùpù ya pen màlà. I'nùnmatok auya'nokon enenpoikappù kon ipemonkono yamùk pùikattà pe molopai tok pùikattà pàk lùppù messatài'nùk.

James 2:14

Utonpa yamùk! Yà'là ken wakù molo nai kappon uya, “Ailon tetok yesak Iulà,” te yau, iwelaikatok uya yekama pùla iwechi yau? Màlà ken na' ailon tetok uya ipùikattà?

James 2:17

Sàlà kasa ichi ailon tetok wechi màlà: tewincha iwechi yau, yà'làlà tùkusse pùla molopai iwelaikatok pùla iwechi yau iwelikkassak màlà.

1 Peter 2:12

Eyeselu kon wakù pe nechii Katù ittunnan pen kùlottau, àmottùnpa kon tok uya yau, àli kussan tok te tok uya yau, wakù eyeselu kon yentoppe tok uya, molopai nen uchi Katù yapulàtoppe tok uya iiyàpù Weyu yattai.

1 Peter 3:1

Màlà kasa làma ichi amyamlo ulichamichi, tùtayappù kenan kon atayappù kon yentai kettàu, ailon te tok uya pùla iwechi Katù Maimu pàk yau, ailon tetoppe tok uya wakù eyeselu kon pàkàlà, euselupa pàkàlà kulu pùla,

1 Peter 3:16

Tùse àsà'mùla àsà pe pùla mùkuttàik molopai namantok yesappe. Wakù pe, tùwanmùla eusenumenkatok kon ikuttàk kon, àmottùnpasak kon yau, mùkyamlo àli pe tùuselupasan wakù eyeselu kon Christ ya'lon kon yeselu walai pàk wekuli'matoppe tùuselupatok kon winà.

2 Peter 1:8

Sàlà yamùk wechi ayau'nokon, molopai iwekatù yau, ewepeta kon pa àkupù kon ya màlà molopai tapulàsen pe Kùyepulu Jesus Christ tùttuik we'nàtok yau.