Matthew 9:35 - Patamuna New Testament Revised

³⁵ Màlà yattai Jesus utàppù màlà tamù'nawàlà eke pata molopai echikili ton pata yamùk kaklanpa pe. Kappon yamùk yenupappù ya tok wepilittok itak tau, Wakù Itekale itepulu pe we'nàtok yekale yekamappù ya tok pàk, molopai kappon yamùk ipittàppù ya, yà'là yekkwa là palan molopai tok ye'netù yapai.

Matthew 9:35 ပူးပေါင်းရင်းမြစ်များ

Matthew 10:1

Jesus uya 12 pan kon ta'lon kon kà'mappù màlà tùpyak. Molopai tok lepappù ya meluntà ke, àli ton akkwalù yamùk yenpakkatoppe tok uya, molopai yà'là yekkwa là palan molopai e'nek ipittàtoppe tok uya.

Matthew 11:1

Sàlà yamùk enupantok tùlù tùuya 12 pan kon ta'lon kon pàk yenuka'nùssak tùuya yau, Jesus uya màlà pata nàmàppù molopai itàppù kappon yamùk yenupase molopai itekale yekamase tok pata yamùk màlà yawolon kon nà yau.

Matthew 11:5

“Enpùn pata yenyan. Tùusasen pen nùsayan. Welei pokon kon uchipittàsak man. Panattàppan netayan. Molopai iwelichak kon wuluukasak man. Molopai Wakù Itekale yekama man entuppa'nokon pàk.

Mark 1:14

John yachi patikichi tak tùpo, Jesus utàppù màlà Galilee pona. Wakù Itekale yekamappù ya Katù winàpaino.

Mark 6:56

I'nailàlà Jesus utàsak yau, pata yamùk lùkwà pona wapùla eke pata yak, wapùla umà yak là yau, kappon yamùk uya e'nek ton nepùppù màlà, yà'làlà chilanmatok molopai yà'làlà ye'matok motak. Molopai Jesus pawanatàppù tok uya ipon yeppi neken nà yappàttoppe tok uya iku toppe ya. Molopai tamù'nawolon kon ipon yeppi yappà'nài nan nùssan uchipittàppù màlà.

Mark 6:6

Ichenumenkappù kulu màlà ailon tetok pùla tok wechi pàk. Tùpata woinokon pata yamùk yawàlà kappon yamùk yenupa pàk Jesus usalàppù.

Luke 13:22

Jesus utàppù màlà eke ton molopai echikili ton pata yamùk yawàlà, kappon yamùk yenupa pe molopai Jerusalem pona tùutà pe.

Yeunossak kon Wotokoyi 10:38

Mùttuyatàik Katù uya Wakù Akkwalù molopai meluntà tùlùppù Jesus, Nazareth pon pona. Iitàppù mailàlà wakù kupù pe, Makui meluntàlù yo'non kon ipittà pe, masapùla Katù wechippù ya'là.

Yeunossak kon Wotokoyi 2:22

“Sàlà umaimu yetatàk kon, kappon yamùk Israel pon kon! Jesus, Nazareth pon kàyik, usenpoikappù màlà àpyakù'nokon Katù winà, eke iwotokoyi yamùk tensan pen molopai tùttusan yekkwa pen winà, enumenkanài winà, molopai yà'làlà yentok ipàkàlà pe tùwekkussan winà, màlà Katù nùkupùppù Jesus yai. Amyamlo nùttuyai'nùk kasa.