Matthew 9:27 - Patamuna New Testament Revised

²⁷ Jesus uya màlà pata nàmàppù màlà, molopai iità tùse asa'lon kon enpùnon kàyik yamùk uya iwenaimappù, “Ina pàk esentuppakà David Mumu!” tukaik tok wentaimeppù.

Matthew 9:27 ပူးပေါင်းရင်းမြစ်များ

Matthew 1:1

Sàlàichi màlà Jesus Christ wentutok pàk imenukasak lùppù. Jesus wechippù David pa pe. David wechippù Abraham pa pe.

Matthew 11:5

“Enpùn pata yenyan. Tùusasen pen nùsayan. Welei pokon kon uchipittàsak man. Panattàppan netayan. Molopai iwelichak kon wuluukasak man. Molopai Wakù Itekale yekama man entuppa'nokon pàk.

Matthew 15:22

Canaan pon nossan màlà pata yau tùwemassen uyàpùppù màlà ipyak, “Uyepulu, David Mumu, upàk tàwà esentuppakà! Uyema'nomù yau àli akkwalù man molopai àsà pe kulu man,” teppù ya.

Matthew 17:15

Molopai, “Uyepulu, Umu pàk tàwà esentuppakà! Tùusa'mantapàssen mùkkàlà, molopai àsà pe imattanù'nài, tùwàpàpàssen nà apok yak wapùla tuna kak là.

Matthew 20:29

Jericho nàmà tok uya pe tukkan kon kulu kappon yamùk uya Jesus wenaimappù.

Matthew 21:15

Eke ton paatele yamùk yepulu molopai Law pàk enupannan we'naikappù màlà, wakù ton kupù ya yensak tùuya'nokon yau, molopai mule yamùk wentaimepàtù Katù yùwùk tau, “David Mumu yapulàtàk!” tukaik pàk.

Matthew 21:9

Tukkan kon kappon yamùk Jesus wapiya, molopai ite'mappù pàk tùutàssan wessa'molùkappù màlà tùwentaime kon pàk, “David Mumu yapulàtàk kon! Mùkkàlà nùyàssai'nùk Itepulu yesek yau yapulà tàk! Katù yapulà tàk!” tukaik.

Matthew 9:28

Molopai Jesus utàsak tapùi tak yau, asa'lon kon enpùnon uyàpùppù ipyak, molopai tok yekamappoppù ya, “Ikupù uya yeselùkek na' iwechi pàk ailon mùkayatàu?” tukaik. “Ewaik, ina yepulu,” tukaik tok uya yeikuppù.

Mark 11:10

Katù uya itepulu pe ina kàipùnù, Kin David wettok nùyàssai'nàk pùlema màlà! Katù yapulà sàlà, ” tukaik.

Mark 9:22

“Tukke itekkwa yenu'mapàssak ya màlà apok yak molopai tuna kak, imatanùpùiche. Ina pàk tàwà esentuppakà molopai ina ipùikattàkà ikuttok auya wechi molo yau,” teppù walawok kàipùnù uya.

Luke 17:13

Molopai tok wentaimeppù màlà, “Jesus, Itepulu! Ina pàk esentuppakà!” tukaik.

Luke 20:41

Jesus uya tok pàk, “Yà'là kasa ken uchi David mumu pe màlà Christ wechi, te tok uya?

Luke 7:21

Màlà yattai làma tukkan kon kappon yamùk ipittàppù Jesus uya màlà tok yepalan yamùk winàpai, molopai àli ton akkwalù winàpai, molopai enpùnon uya yentok ke tok lepappù ya molopai tok uya pata yeneppù.

John 7:42

“Katù Maimu uya na' yekamasak pùla nai, David payan winà Christ uyàttok woton, David wemattok yau pata Bethlehem yapai tukaik?” teppù tok uya.

Romans 1:3

Sàlà Wakù Itekale màlà Imu, kùyepulu kon Jesus Christ yekale. Kappon pe tùwechi yau David pa pe iwechippù.

Romans 9:5

Amoko yamùk inamasak kon nùssan payan yamùk mùkyamlo, molopai Kùlaik , kappon pe iwettok yau, mùkkàlà tok winàpaino. Tàwà uchi Katù tamù'nawolon yepoi itepulu pe nechii, yapulà nechii tàwàlàlà! Emen.