Matthew 8:29 - Patamuna New Testament Revised

²⁹ Asse'ne kulu tok wentaimeppù, “Yà'là pe ina wechi iche messan, Katù Mumu? Ina talumattàse na' àuyàssak màlà ina weyu wapiya?” tukaik.

Matthew 8:29 ပူးပေါင်းရင်းမြစ်များ

Matthew 4:3

Makui uyàpùppù màlà ipyak molopai, “Katù Mumu pe ewechi yau, sà tàk yamùk wekonekatoppe pùlomù pusappe ipàk yekamakà,” teppù ya.

Matthew 8:30

Mei kulu pùla tukkan kon puluku yamùk wechippù màlà tùuta'lettà kon pàk.

Mark 1:24

“Yà'là pe ina wechi iche messan, Jesus Nazareth pon? Ina mattanùsse na' àuyàssak màlà? Eyittuyan Iulà ànùk pe là ewechi. Àmàlà mùkkàlà wakù kulu Katù Maimu yenpoikanài!” tukaik.

Mark 3:11

Àliton nà yakkwalù wekkawai'ma itemlotopo yene tùuya'nokon pàk, “Àmàlà mùkkàlà Katù Mumu,” tukaik tok wentaimeppù.

Mark 5:7

Màlàyau iwentaimeppù eke pe, “Jesus, Àmàlà Eke Katù Mumu! Yà'là pe ken ukupù auya màlà? Katù ponaloppe tàwà eyekamappo uya sàlà, kùtalumattài!” tukaik.

Luke 4:34

“Yà'là pe ina wechi iche messan, Jesus Nazareth pon? Ina mattanùsse na’ àuyàssak màlà? Eyittuyan Iulà, Àmàlà mùkkàlà wakù, Katù winàpaino!” tukaik.

Luke 4:41

Àli ton akkwalù nàlà wepakkappù tukkan kon kappon yamùk yapai, tùwentaimeipàtùi’ma' nokon, “Katù Mumu, Àmàlà!” tukaik. Jesus uya tok yàulàmappù molopai tok uselupa toppe ikupùppù ya pen, masapùla tok uya enupanài Christ pe tùwechi ittu pàk.

Luke 8:28

Jesus yensak tùuya yau iwentaimeppù eke pe, iwekkawai'mappù Jesus yemloto po molopai “Jesus, eke kulu tùnamasen Katù Mumu! Yà'là pe wechi iche messan? Apawanattàyan iulà, kùtalumattài tàwà!” teppù ya.

John 2:4

“Nossan, màlà ikukkà kùkai upàk. Masa uweyu uyàssak pùla lùppù man,” teppù ya tùsan pàk.

Yeunossak kon Wotokoyi 16:17

Paul, molopai ina wenaimappù ya tùwentaimepàtù pe, “Pùsamlo kàyik yamùk mùkyamlo Eke kulu Katù yapyoto ton! Tok uya yà'là kasa là ewepùikattàtok kon ye'ma yekama màlà àpàkù'nokon!” tukaik.

James 2:19

Ailon tawonnan amyamlo tewinan neken Katù wechi molo pàk. Wakù pe man! Àli yakkwalù yamùk nàlà mùkyamlo ailon tawonnan, molopai ippla tùkùtùkù pe tùwettalippasan tùplànài'nùnsan.

2 Peter 2:4

Masapùla inchelù yamùk àli pe iwessak kon yenpàtù Katù uya pùn tok wepetoppe Ittuntok winàpai, tùse tok yenu'mappù ya, màlà motau tok wechi màlà yaulonsak pe ewalupàttau, Ittuntok Weyu màmuku pàk.

Jude 1:6

Inchelù yamùk ittutàk kon wapiyalok tùpatassek kon yau iwessak kon pen, tùse tùpatassek kon nànnài nan nùssan. Katù uya tok kussak màlà ewalupà yau, tok taulonse tàwàlàlà Eke Wei ponalà, tok talumattà toppe.