Matthew 8:27 - Patamuna New Testament Revised

²⁷ Tamù'nawolon kon usenumenkasak wechippù màlà. “Yà'là yekkwa là ken uchi pùsàlà kàyik? Assetun nà molopai chipachipa là wettok imaimu yawàlà!” teppù tok uya.

Matthew 8:27 ပူးပေါင်းရင်းမြစ်များ

Matthew 14:33

Ya'lon kon kanau yawon kon uya Jesus yapulàppù. “Ailon pe Katù Mumu àmàlà!” teppù tok uya.

Matthew 15:31

Kappon yamùk usenumenkasak wechippù màlà tùuselupasen pen uselupa yene tùuya'nokon yau, sesenpan uchipittàsak pàk, tùusasen pen usalà pàk, molopai enpùnon uya yene pàk. Molopai Israel Katùyi yapulàppù tok uya.

Matthew 8:10

Jesus usenumenkasak wechippù màlà sàlà yetasak tùuya yau, molopai ta'lon kon pàk, “Ailon kulu sàlà, sàlà yekkwa ailon tetok yensak uya pùla man ànù'là yau Israel po.

Matthew 8:26

“Yà'là peichi iwechi pàk ewettalipasak kon màlà? Attu'mùla kulu ailon tetok auya'nokon man!” tukaik Jesus uya yeikuppù. Màlàyau iwe'wuluukappù molopai assetun molopai chipachipa weleutatoppe ikupùppù ya, molopai iwàttù'nàkapùppù màlà.

Matthew 8:28

Jesus uyàpùppù màlà Gadara pona pata tuna latoi winon yak, molopai asa'lon kon kàyik yamùk uluwaik yamùk yapai màlà yailà iwepakkasak kon uya iwakkàtùppù màlà. Pùsamlo kàyik yamùk yau àli akkwalù yamùk wechippù màlà, molopai àsà pe tok wechippù, màlàpàk ànù'là utà màlà asanta tawà yeselùkek pùla iwechippù.

Mark 1:27

Tukkan kon usenumenkappù kulu màlà ipàk. Tok usekamappopàtùppù tùyiwalà'nokon, “Yà'là ken uchi sàlà, tùulon nà emennak enupantok? Pùsàlà kàyik tapùikettù ke man àli akkwalù yamùk yapyontàtok yesappe molopai tok wechi imaimu yawàlà” teppù tok uya.

Mark 6:51

Tok piyak iwenukuppù kanau yak molopai assetun wàttù'nàppù màlà. Inenupa ton usenumenkappù kulu màlà, ichelupa pùla tùwenaik.

Mark 7:37

Tamù'nawàlà yetannùssan usenumenkasak kulu wechippù, “Wakù pe là tamù'nawolon kuppàssan. Panattàppan pana utakkokatoppe là iku'nài pe man molopai tùuselupasen pen nà uselupatoppe,” tukaik.