Matthew 8:20 - Patamuna New Testament Revised

²⁰ Jesus uya yeikuppù, “Maikan yamùk mùkyamlo teuta kenan kon, molopai tolon yamùk mùkyamlo tùpon kenan kon, tùse Kàyik Mumu mùkkàlà iwàlàkkattok patassek pùn,” tukaik.

Matthew 8:20 ပူးပေါင်းရင်းမြစ်များ

Matthew 12:32

Ànù'là Kàyik Mumu winàkàik tùuselupasen pàk usentuppan màlà. Tùse ànù'là Wakù Akkwalù winàkàik tùuselupasen pàk usentuppan pen màlà, sàlà pe wapùla tàwàlà là,” teppù Jesus uya.

Matthew 12:40

“ Jonah wechippù eke molok lotta yau àsolùwau wei molopai ewalupà, màlà kasa làma Kàyik Mumu wechi màlà i'nau non yau.

Matthew 12:8

Masapùla Katù Mumu mùkkàlà Jew yamùk Wàlàkkattok yattai yepulu,” teppù Jesus uya.

Matthew 13:37

Jesus uya yeikuppù, Kàyik wakù kùyali yenappà pànnài mùkkàlà Kàyik Mumu.

Matthew 16:13

Jesus utàppù màlà pata Caesarea Philippi piyawon yak, molo ta'lon kon yekamappoppù ya, “Ànùk pe ken Kàyik Mumu wechi tawonnan kappon yamùk?” tukaik.

Matthew 16:27

Masapùla Kàyik Mumu uyàpù màlà tùkàipùnù yakkwayi molopai yapulàtok yau tùyinchelùyi yamùk pokonpe, molopai nen uchi tamù'nawolon kon ye'ma ya màlà tok nùkupùppù yawàlà.

Matthew 17:9

Tùwuttà kon pe wùk poi Jesus uya tok pàk, “Ànù'là pàk sàlà menpàssatài'nùk kùsekamatàu Kàyik Mumu wuluuka weli'nàtok yapai ponalà,” tukaik.

Matthew 19:28

Jesus uya tok pàk, “Ailon kulu sàlà, Kàyik Mumu wechi chichiu pe wakù tapon po emennak pata weyu yattai yau, amyamlo 12 pan kon unenupassan wechi nàlà màlà chichiu pe aponnok yamùk po, 12 pan kon Israel mumu yamùk munkà yamùk ittutoppe auya'nokon.

Mark 8:38

Ànù'là upàk tùwekuli'masen molopai umaimu pàk nàlà sàlà pe nai'nannùk àliton kappon yamùk kùlottau, mùkkàlà pàk nàlà, Kàyik Mumu wekuli'ma màlà, tùkàipùnù yakkwayi yau tùuyàpù, wakù ton tùyinchelùyi yamùk pokonpe tùuyàpù yau,” teppù Jesus uya.

Luke 12:8

“Tekamayaik àpàkù'nokon, Ànù'là uponalok pe tùwechi yekamanàippù ayupo, yekama màlà, màlà kasa lùppù Kàyik Mumu uya Katù inchelùyi yamùk yemloto po.

Luke 18:8

Tekamayaik àpàkù'nokon italumattànàippù talumattà ya màlà asse'ne. Walà tùse Kàyik Mumu uyàpù yau na', ailon tawonnan tùpàk kappon yamùk yepolo ya ailon tettok tùuya'nokon yau lùppù sàlà non po?” teppù ya.

Luke 2:12

Sàlà uya yekama màlà àpàkù'nokon. Mule yepolo auya'nokon màlà iwontàsak pon pùkkùlùppù ke molopai aitou pe paka yamùk yeipa yen yau,” teppù.

Luke 2:16

Màlàyau tùusemittàpaik tok utàppù. Tok uya Mary molopai Joseph tawonnan yepoloppù. Mule nàlà yeneppù tok uya aitou pe paka yamùk yeipa yen yau.

Luke 2:7

Màlàyau wapiyalok walawok tùmle ke iwentuppù paka yamùk yùwùk tau, masapùla patassek pùla iwechi pàk. Molopai iwontappù ya pon pùkkùlùppù ke. Inonkappù ya paka yamùk yeipa yen yak.

Luke 21:36

Enpen ettàk kon molopai àpùlematàk kon tàwàlà, meluntà pe ewechi kon pa sàlà yamùk wekkupù yawàlà àutà kon yau, molopai Kàyik Mumu yemloto po àwà'mùssakka kon pa,” teppù Jesus uya.

Luke 8:3

Joanna, Chuza noppù, Herod patassek yau tùwe'wotokomasen, Susanna molopai tukke tùulon kon utàppù nàlà. Pùsamlo nossan yamùk, Jesus molopai ya'lon kon yamùk pùikattàn nan nùssan tok yapluli pàk utàppù màlà ya'là.

Luke 9:58

Jesus uya ipàk, “Maikan yamùk mùkyamlo teuta kenan kon molopai tolon yamùk mùkyamlo tùpon kenan kon, tùse Kàyik Mumu mùkkàlà iwàlàkkattok patassek pùn,” teppù.

John 1:51

Molopai tok pàk, “Ailon pe yekama uya sàlà, yene auya'nokon màlà epùn utakkoka, molopai Katù inchelùyi yamùk uttà molopai tok wenuku Kàyik Mumu pona,” teppù Jesus uya.

John 12:34

Ilinà kappon yamùk uya Imaimu yeikuppù, “Ina uya yetasak man Law yapai, Christ wemapù màlà tàwàlàlà tukaik, tùse yà'là kasa ken uchi wa te auya nai'nùk Kàyik Mumu yanùmù màlà te auya? Ànùk ken uchi mùkkàlà Kàyik Mumu?” tukaik.

John 13:31

Judas utàkapù tùpo, Jesus uya, “Sàlà peichi Kàyik Mumu namatok patassek yau usenpoikasak man, molopai Katù yapulàtok usenpoikasak man mùkkàlà yai.

John 3:13

Ànù'là kappon utàsak epùn pona pùla man tùse Kàyik Mumu neken iyàssak lùppù epùn poi,” tukaik.

John 3:14

Moses uya àkài kalukuli konekasak pùmùssakappù yei pàk, wontaik yau. Màlà kasa làma Kàyik Mumu pùmùsakka màlà pulusuk pona.

John 6:27

Eyeipa kon iwa pàk neken ke'wotokomatàu tùumattasen màlà, tùse e'wotokomatàk kùyali tàwàlàlà tùwemassen yepolo kon pa. Kàyik Mumu uya sàlà kùyali ke elepa kon màlà. Masapùla Katù, Ikàipùnù uya sàlà yentok ipàkàlà tùsak màlà yanùnnsak tùuya yenpoikanài pe,” teppù.

John 6:53

Jesus uya tok pàk, “Ailon kulu sàlà, Kàyik Mumu pun yannài pe pùla ewechi kon molopai imùnù inchinài pe pùla ewechi kon yau, wema'nàtok pùla iwechi màlà ayau'nokon.

John 6:62

Yà'là pe ken ewechi kon Kàyik Mumu wenuku wapiya yau tùwechippù yak yene auya'nokon yau?

Yeunossak kon Wotokoyi 7:56

“Yentàk kon! Epùn utakkokasak tenyaik molopai Kàyik Mumu satippe man kamik pen Katù yemyatù winà!” teppù ya.

2 Corinthians 8:9

Masapùla mùttuyatàik wakù kùyepulu Jesus Christ nùkupùppù tamù'nawolon yesappe lànen tùwechi tùse, àpàkànsau'nokon yà'làlà pùla iwenappù, yà'là pùla iwenatok winà nen uchi tamù'nawolon yesappe ewena kon pa.