Matthew 8:16 - Patamuna New Testament Revised

¹⁶ Pata uko'mansak yau, kappon yamùk uya tukkan kon àli akkwalù yamùk yen ton nepùppù Jesus piyak. Àli akkwalù yamùk yenpakkappù ya màlà tùmaimu ke molopai tamù'nawolon kon e'netton ipittàppù ya.

Matthew 8:16 ပူးပေါင်းရင်းမြစ်များ

Matthew 12:22

Màlàyau kappon yamùk uya kàyik nepùppù Jesus piyak. Enpùla iwechippù molopai ichelupa pùla, masapùla àli akkwalù wechippù yau. Jesus uya kàyik ipittàppù màlà, ichelupatoppe molopai pata yentoppe ya.

Matthew 14:14

Jesus wepalùkappù màlà kanau yapai, tukkan kon kappon yamùk yensak tùuya yau ichentuppappù tok pàk, molopai tok ye'netù ipittàppù ya.

Matthew 8:15

Jesus uya itemyatù yappàtùppù màlà, màlàyau iwàkkàmi'makapùppù. Molopai iwe'wuluukappù, tok yeipa konekappù ya.

Matthew 8:33

Puluku yamùk mainanpannannùssan utàppù màlà aitun pe pata pona, molo tok uya màlà tamù'nawàlà ipantomù lùppù yekamappù, molopai nàlà mùkyamlo kàyik yamùk àli akkwalù wechippù yau lùssan nà pantomù.

Matthew 9:2

Molo kàyik yamùk uya iitokkassak kàyik nepùppù màlà, aittoupe itekkwek po. Jesus uya eke pe ailon tetok tok uya wechi yeneppù màlà, molopai iitokkassak kàyik pàk, “Emeluntàtakà, Umu! Amakuyi pàk usentupansak man,” teppù.

Mark 2:3

Asakùlà'nan kon kappon yamùk uya e'nek iitokkassak nepùppù Jesus piyak.

Mark 5:8

(Sàlà teppù ya màlà masapùla Jesus uya, “Epakkakà, àli akkwalù, pùsà kàyik yapai!” te pàk.)

Mark 9:25

Tukke kappon yamùk uyàpù yene tùuya yau, Jesus uya àsà pe àli akkwalù pàk, “Àmàlà tùuselupasen pen molopai panattàppan akkwalù, àpàk wa ukayaik. Epakkakà mùkkàlà yapai, molopai kewontukkai walawok yak,” teppù.

Luke 13:12

Yensak tùuya yau, Jesus uya yekamappoppù, “Nossan, eye'netù yapai ewennasak man!” teppù ya.

Luke 4:40

Wei wewomù tùpo, kappon yamùk uya tamù'nawàlà e’nek ton tùpatalo'nan itepalan ton nepùppù Jesus piyak. Temyatù tùlùppù ya tewin pàk tok pona molopai tok ipittàppù ya.

Luke 4:41

Àli ton akkwalù nàlà wepakkappù tukkan kon kappon yamùk yapai, tùwentaimeipàtùi’ma' nokon, “Katù Mumu, Àmàlà!” tukaik. Jesus uya tok yàulàmappù molopai tok uselupa toppe ikupùppù ya pen, masapùla tok uya enupanài Christ pe tùwechi ittu pàk.

Yeunossak kon Wotokoyi 5:15

Wa iwechi pàk, kappon yamùk uya e'nek ton nepùppù asantak molopai tok nonkappù tok uya tok yapon yamùk po, Peter yakkwalùppù uya neken nà tok yappàttoppe iità yattai.