Matthew 7:28 - Patamuna New Testament Revised

²⁸ Jesus wenukapùppù màlà sàlà yamùk pàk tùuselupa pàk, molopai tukkan kon kappon yamùk usenumenkasak kulu wechippù màlà kappon yamùk yenupasak ya pàk.

Matthew 7:28 ပူးပေါင်းရင်းမြစ်များ

Matthew 11:1

Sàlà yamùk enupantok tùlù tùuya 12 pan kon ta'lon kon pàk yenuka'nùssak tùuya yau, Jesus uya màlà pata nàmàppù molopai itàppù kappon yamùk yenupase molopai itekale yekamase tok pata yamùk màlà yawolon kon nà yau.

Matthew 19:1

Sàlà yamùk pàk tùuselupakapù tùpo, Jesus uya Galilee nàmàppù màlà, molopai iwennappoppù pata Judea yawon pona, tuna Jordan latoi pona.

Matthew 22:33

Sàlà yetasak tùuya'nokon yau tukkan kon kappon yamùk usenumenkasak wechippù màlà enupantok ya pàk.

Matthew 26:1

Jesus wenukassak sàlà yamùk pàk tùuselupa pàk yau, ta'lon kon pàk wateppù ya,

Matthew 7:27

Konok utappù pùlù pe, molopai tuna u'mappù molopai assetun utasse'nùmùppù meluntà pe tapùi pona, molopai tapùi wekkawai'mappù. Àsà pe kulu iwekkawai'mappù màlà!” teppù Jesus uya.

Matthew 7:29

Tok yenupan nan Law pàk kasa pùla iwechippù màlà. Tùse làkku kappon yamùk yenupappù ya apàikkek pe.

Mark 1:22

Tok usenumenkappù kulu màlà i'napailà tenupa kon ya pàk. Masapùla tok yenupappù ya Law pàk enupan nan kasa pùla. Tùse tok yenupappù ya tapàikettù kenan kasa molopai ittunài pe.

Mark 11:18

Eke ton paatele yamùk molopai Law pàk enupannan uya yetappù. Màlàyau iwàtok tùuya'nokon iwinà woton ituiche tok wechippù. Tok usenalippappù ipàk masapùla tukkan kappon yamùk yenumenkasak wakù pe enupantok ya uya pàk.

Mark 6:2

Wàlàkka'nà weyu yattai, Jesus uya tok yenupappù synagogue tau. Tukke kappon yamùk wechippù màlà molo. Molopai yetasak tùuya'nokon yau tok usenumenkappù kulu màlà. “I'nai motau là ken uchi tamù'nawolon sàlà yamùk yepotai?” teppù tok uya. “Yà'là yekkwa ken uchi sàlà ittutok ke ilepasak nai'nùk? Tensan yekkwa pen nà kuttoppe ya,” teppù tok uya.

Luke 19:48

Tùse yà'là kasa là ikuttok tùuya'nokon yepolo tok uya pùla iwechippù, masapùla tamù'nawolon kon kappon yamùk wechippù màlà iichelupa yeta pàk.

Luke 2:47

Tamù'nawolon kon yetan nan usenumenkappù kulu màlà ittu ya molopai ikasa mayin yeippàtù ya pàk.

Luke 4:22

Molopai tamù'nawolon kon uselupappù wakù pe màlà ipàk. Molopai tok usenumenkappù wakù mayin iichelupappù lùppù pàk. Tok uya, “Joseph mumu pen ken na' mùkkàlà?” teppù.

Luke 4:32

Tamù'nawolon kon usenumenkappù màlà enupantok ya yeselu pàk, masapùla imaimu wechi apàikkek pe pàk.

Luke 7:1

Tamù'nawolon sàlà yamùk yekama tùuya kappon yamùk pàk yenuka'nùssak tùuya yau, Jesus utàppù Capernaum pona.

John 7:15

Jew yamùk usenumenkappù kulu, màlàyau tok uya, “Yà'là kasa kulu ken pùsàlà màlà yamùk ittuyan tùusenupa tùpo pùla?” teppù.

John 7:46

Achinài nan uya tok maimu yeikuppù, “Ànù'là uselupasak pùsàlà kàyik kasa pùla man,” tukaik.