Matthew 6:24 - Patamuna New Testament Revised

²⁴ “Ànù'là pùla iwechi màlà asa'lon kon itepulu yamùk yapyoto pe tùwessen. Yattai pùla tewinannà yeya'noma ya, molopai yakon kupù ya tù'nùn pe. Wapùla ailon pe iwechi màlà tewinan pàk molopai yakon yenpàtù ya. Asakklàma Katù molopai pùlayatta yesappe ewechi kon pen màlà eyepulu kon pe.

Matthew 6:24 ပူးပေါင်းရင်းမြစ်များ

Matthew 4:10

Màlàyau Jesus uya yeikuppù, “Itàkà uwinàpai, Settan! Katù Maimu màlà, ‘Itepulu Akatùyi yapulàkà, molopai iponaloppe neken e'wotokomakà!’ tawon,” tukaik. {Deu 6.13}

Luke 16:11

Ailon pe pùla ewessak talà non pon mamin mainanpa pàk yau, yà'là kasa ken enpen we'nà àpàk ailon nen uchi mamin pàk?

Luke 16:13

“Ànù'là pùla iwechi màlà tùwe'wotokomasen asa'lon kon itepulu yamùk ponaloppe. Tewinan yeya'noma ya màlà molopai tùulon kupù ya tù'nùn pe. Ailon pe iwechi màlà tewinan pàk molopai tùulon iche pùla iwechi. Asakklàma Katù molopai pùlayatta tawon ponaloppe ewe'wotokoma pen màlà,” teppù Jesus uya.

Luke 16:9

Jesus uya wateppù, “Màlàpàk tekamayaik àpà'kù'nokon, Echitonpa pe ettàk kon, wakù ikuttàk kon sàlà wolù yawon mamin ke, iwu'massak yau tùutauchinpaik ayanùntoppe tàwàlàlà wema'nà pata yak.

Galatians 1:10

Kappon yamùk yapulàtok nepùiche na' wessan, wapùla Katù? Wapùla kappon yamùk yauchinpaiche na' wessan? Kappon yamùk yauchinpaiche lùppù wechi yau, Christ yapyoto pe wechi pen màlà.

1 Timothy 6:17

Tukke itemamin nai'nannùk sàlà motau wema'nàtok yau yekamapokkà. Itekkwa pe tok kùsekkuttak molopai enpen tok kùsettak temamin kon sa'man pe pùla tùwe'lachimasen pe nai'nùk pàk, tùse Katù pàk làkku enpen tok nechii, mùkkàlà tùweleutàik pùla tamù'nawolon ke lepanyai'nùk tapulàsen pe nai'nùk ke.

2 Timothy 4:10

Màlà yamùk Katù winàpai lattànài nan kusan Demus tùwakùli pe molopai unonkappù ya man; ittàppù man Thessalonica pona. Crescens utàppù Galatia pona, molopai Titus utàppù Dalmatia pona.

James 4:4

Ailon ton pen kappon yamùk! Ittuichi auya'nokon pùla nai wolù yawon kon àli ku'nài nan wechiyakon pe we'nà wechi Katù yeyaton pe? Ànù'là wolù yeselu ku'nàinan kappon yamùk wechiyakon pe eppaino wekkupù màlà Katù yeyaton pe.